ਬਾਲਟੀਮੋਰ, 21 ਮਈ (ਪੋਸਟ ਬਿਊਰੋ)- ਮਾਂ ਆਪਣੇ ਬੱਚਿਆਂ ਨੂੰ ਬਚਾਉਣ ਲਈ ਹਰ ਮੁਸੀਬਤ ਨਾਲ ਲੜਦੀ ਹੈ। ਇਹੀਕੁਝ ਕੀਤਾ ਅਮਰੀਕਾ ਦੇ ਬਾਲਟੀਮੋਰ ਦੀ ਸੱਤ ਮਹੀਨੇ ਦੀ ਗਰਭਵਤੀ ਔਰਤ ਨੇ, ਜੋ ਆਪਣੇ ਬੱਚੇ ਨੂੰ ਜਨਮ ਦੇਣ ਲਈ ਮੌਤ ਨਾਲ ਲੜੀ ਅਤੇ ਬੱਚੇ ਨੂੰ ਸਹੀ ਸਲਾਮਤ ਜਨਮ ਦੇਣ ਤੋਂ ਬਾਅਦ ਦਮ ਤੋੜਿਆ।
ਇਸ ਮਹਿਲਾ ਦੇ ਢਿੱਡ ਵਿੱਚ ਗੋਲੀ ਲੱਗੀ ਸੀ, ਪਰ ਉਸ ਨੇ ਆਪਣੇ ਆਖ਼ਰੀ ਸਾਹਾਂ ਤੱਕ ਬੱਚੇ ਨੂੰ ਜ਼ਿੰਦਗੀ ਦੇਣ ਦੀ ਜੰਗ ਲੜੀ। ਇਸ ਹਮਲੇ ਵਿੱਚ ਬੱਚੇ ਦੀ ਮਾਂ 38 ਸਾਲਾ ਅੰਜੇਲ ਮੋਰਗਮ ਹੀਥਰ ਤੇ ਪਿਤਾ ਯਾਮੇਲ ਮੋਂਟੇਗ ਦੋਵਾਂ ਦੀ ਮੌਤ ਹੋ ਗਈ। ਅੰਜੇਲ ਮੋਰਗਨ ਹੀਥਰ ਅਤੇ ਯਾਮੇਲ ਮੋਂਟੇਗ ਗਰਲਫ਼ਰੈਂਡ ਅਤੇ ਬੁਆਏਫ਼ਰੈਂਡ ਸਨ। ਦੋਹਾਂ ਨੂੰ ਬੇਸਬਰੀ ਨਾਲ ਆਪਣੇ ਇਸ ਆਉਣ ਵਾਲੇ ਬੱਚੇ ਦਾ ਇੰਤਜ਼ਾਰ ਸੀ।ਡੇਲੀਮੇਲ ਦੀ ਖ਼ਬਰ ਮੁਤਾਬਕਪਰਸੋਂ ਰਾਤ ਦੀ ਹਿੰਸਾ ਵਿੱਚ ਸ਼ਹਿਰ ਬਾਲਟੀਮੋਰ ਵਿੱਚ ਜਦੋਂ ਇਹ ਜੋੜਾ ਸੜਕ ਕੰਢੇ ਖੜ੍ਹਾ ਸੀ ਤਾਂ ਕਾਰ ਵਿੱਚ ਆਏ ਕੁਝ ਅਣਪਛਾਤੇ ਲੋਕਾਂ ਨੇ ਗੋਲੀਆਂ ਚਲਾ ਦਿੱਤੀਆਂ। ਦੋਹਾਂ ਨੂੰ ਨੇੜਲੇ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਯਾਮੇਲ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ ਤੇ ਅੰਜੇਲ ਨੇ ਗਰਭ ਵਿੱਚ ਪਲ ਰਹੇ ਸੱਤ ਮਹੀਨੇ ਦੇ ਬੱਚੇ ਨੂੰ ਜਨਮ ਦੇਣ ਦੇ ਬਾਅਦ ਦਮ ਤੋੜਿਆ। ਪੁਲਸ ਅਨੁਸਾਰ ਬੱਚੇ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ ਕਿਉਕਿ ਡਿਲੀਵਰੀ ਐਮਰਜੈਂਸੀ ਹੋਈ ਹੈ ਅਤੇ ਬੱਚਾ ਗੋਲੀ ਲੱਗਣ ਕਾਰਨ ਜ਼ਖ਼ਮੀ ਹੈ।