ਬਰੈਂਪਟਨ/ਬਾਸੀ ਹਰਚੰਦ ) ਪਿਛਲੇ ਦਿਨੀ ਪੈਨਾਹਿਲ ਸੀਨੀਅਰਜ਼ ਕਲੱਬ ਦੇ ਮੈਂਬਰਾਂ ਨੇ ਸੈਂਟਰ ਆਈਲੈਂਡ ਦਾ ਟੂਰ ਲਾਇਆ। ਇਸ ਦਿਨ ਤੇ ਹਰੇ ਰਾਮਾ ਹਰੇ ਕ੍ਰਿਸ਼ਨਾ ਸੰਸਥਾ ਵੱਲੋਂ ਸੈਂਟਰ ਆਈਲੈਂਡ ਵਿਖੇ ਬਹੁਤ ਹੀ ਸੰਗੀਤਕ ਦਿਲਕਸ਼ ਪ੍ਰੋਗਰਾਮ ਕੀਤਾ ਜਾਂਦਾ ਹੈ ਜਿਸ ਵਿੱਚ ਭਜਨ ਮੰਡਲੀਆਂ ਵੱਖ ਵੱਖ ਤਰਾਂ ਦੇ ਪ੍ਰੋਗਰਾਮ ਕਰਦੀਆਂ ਹਨ। ਧਾਰਮਿਕ ਪੁਸਤਕਾਂ ਦੇ ਸਟਾਲ ਅਤੇ ਹੋਰ ਕਈ ਤਰਾਂ ਦੇ ਸਟਾਲ ਲੱਗਦੇ ਹਨ ਜਿਥੋਂ ਲੋਕ ਮਨ ਮਰਜ਼ੀ ਦੀਆਂ ਵਸਤਾਂ ਖਰੀਦ ਕਰਦੇ ਹਨ। ਸੰਸਥਾਂ ਵੱਲੋਂ ਸੱਭ ਦੇ ਲਈ ਮੁਫਤ ਭਾਂਤ ਭਾਂਤ ਦਾ ਲੰਗਰ ਵਰਤਾਇਆ ਜਾਂਦਾ ਹੈ। ਇਸ ਪ੍ਰੋਗਰਾਮ ਦਾ ਲੋਕ ਅਨੰਦ ਮਾਣਦੇ ਹਨ। ਪੈਨਾਹਿਲ ਸੀਨੀਅਰਜ਼ ਕਲੱਬ ਦੇ ਆਦਮੀ ਅਤੇ ਬੀਬੀਆਂ ਸਵੇਰੇ 9-00 ਵਜੇ ਲਾਸਨ ਪੈਨਹਿਲ ਪਾਰਕ ਤੋਂ ਬਸ ਵਿੱਚ ਸਵਾਰ ਹੋ ਕੇ ਸੈਂਟਰ ਆਈਲੈਂਡ ਪਹੁੰਚੇ। ਲੱਗ ਪੱਗ ਪੰਜ ਘੰਟੇ ਠੰਡੀਆਂ ਛਾਵਾਂ, ਝੀਲ ਦੇ ਠੰਡੇ ਪਾਣੀਆਂ ਅਤੇ ਫੈਰੀ ਦੇ ਸਫਰ ਦਾ ਅਨੰਦ ਮਾਣਿਆ। ਇਹ ਪ੍ਰੋਗਰਾਮ ਦਾ ਪ੍ਰਬੰਧ ਕਲੱਬ ਦੇ ਪਰਧਾਨ ਸੁਖਦੇਵ ਸਿੰਘ ਫਰਵਾਹਾ,ਸਕੱਤਰ ਕੁਲਵੰਤ ਸਿੰਘ ਜੰਜੂਆ, ਅਵਤਾਰ ਸਿੰਘ ਦੀ ਅਗਵਾਈ ਵਿੱਚ ਸਮੁਚੀ ਕਲੱਬ ਨੇ ਮਿਲ ਕੇ ਕੀਤਾ। ਛੇ ਕੁ ਵਜੇ ਦੇ ਕਰੀਬ ਖੁਸ਼ੀ ਖੁਸ਼ੀ ਘਰ ਵਾਪਸ ਪਰਤ ਆਏ। ਕਲੱਬ ਦੇ ਪ੍ਰਧਾਨ ਸੁਖਦੇਵ ਸਿੰਘ ਫਰਵਾਹਾ ਨੇ ਸੱਭ ਮੈਂਬਰਾਂ ਦਾ ਸਹਿਯੋਗ ਦੇਣ ਲਈ ਧੰਨਵਾਦ ਕੀਤਾ ਅਤੇ ਅਗਲੇ ਟਰਿਪ ਦੇ ਲਈ ਮੈਂਬਰਾਂ ਨੁੰ ਵਿਉਂਤ ਬਣਾਉਣ ਲਈ ਸਲਾਹ ਕਰਨ ਵਾਸਤੇ ਬੇਨਤੀ ਕੀਤੀ।