ਬਰੈਂਪਟਨ, 11 ਜੁਲਾਈ (ਪੋਸਟ ਬਿਊਰੋ)- ਯੂਨਾਈਟਡ ਪੰਜਾਬੀ ਹੈਰੀਟੇਜ ਆਰਗੇਨਾਈਜ਼ੇਸ਼ਨ ਆਫ ਕੈਨੇਡਾ ਵਲੋਂ ਸ਼ਹੀਦ ਭਗਤ ਸਿੰਘ ਨਗਰ ਤੋਂ ਕਾਂਗਰਸ ਦੇ ਜਿ਼ਲਾ ਪ੍ਰਧਾਨ ਸਤਵੀਰ ਸਿੰਘ ਪੱਲੀਝਿੱਕੀ ਅਤੇ ਜਰਨੈਲ ਸਿੰਘ ਨਵਾਂਸ਼ਹਿਰ ਦਾ ਕੈਨੇਡਾ ਪੁੱਜਣ ਉਤੇ ਨਿੱਘਾ ਸਵਾਗਤ ਕੀਤਾ ਗਿਆ। ਬਰੈਂਪਟਨ ਵੈਸਟ ਤੋਂ ਐਮਪੀਪੀ ਅਮਰਜੋਤ ਸੰਧੂ ਵਲੋਂ ਜਿਥੇ ਉਨ੍ਹਾਂ ਨੂੰ ਜੀ ਆਇਆਂ ਆਖਿਆ ਗਿਆ, ਉਥੇ ਹੀ ਇਕ ਸਨਮਾਨ ਪੱਤਰ ਦੇ ਕੇ ਉਨ੍ਹਾਂ ਦਾ ਸਨਮਾਨ ਕੀਤਾ ਗਿਆ। ਯੂਨਾਈਟਡ ਪੰਜਾਬੀ ਹੈਰੀਟੇਜ ਆਰਗੇਨਾਈਜ਼ੇਸ਼ਨ ਆਫ਼ ਕੈਨੇਡਾ ਦੇ ਮੈਬਰਾਂ ਵਲੋਂ ਸਤਵੀਰ ਸਿੰਘ ਪੱਲੀਝਿੱਕੀ ਦਾ ਇਲਾਕੇ ਵਿਚ ਸਿਆਸੀ ਤੇ ਸਮਾਜਿਕ ਕੰਮਾਂ ਪ੍ਰਤੀ ਪਾਏ ਯੋਗਦਾਨ ਲਈ ਕੈਨੇਡਾ ਦੇ ਝੰਡੇ ਨਾਲ ਵੀ ਸਨਮਾਨਿਤ ਕੀਤਾ ਗਿਆ। ਜਸਪਾਲ ਗਹੂਨੀਆ ਨੇ ਜਿਥੇ ਦੋਵਾਂ ਸ਼ਖਸੀਅਤਾਂ ਦੀ ਆਏ ਮਹਿਮਾਨਾਂ ਨਾਲ ਜਾਣ ਪਹਿਚਾਣ ਕਰਵਾਈ, ਉਥੇ ਸਮਾਗਮ ਨੂੰ ਉਲੀਕਣ ਲਈ ਗੈਰੀ ਭੌਰਾ, ਮੇਜਰ ਨੱਤ, ਬਲਜਿੰਦਰ ਸੰਧੂ, ਹਰਭਜਨ ਸਿੰਘ ਔੜ, ਗੁਰਦੀਪ ਚੇਹਰਾ, ਹਰਵਿੰਦਰ ਡੁਲਕੂ, ਸੁਮੀਤ ਬੈਂਸ, ਜਗਜੀਤ ਤੂਰ, ਜਗਦੀਸ਼ ਗਰੇਵਾਲ ਅਤੇ ਨਿਕ ਗਹੂਨੀਆ ਦਾ ਵੀ ਧੰਨਵਾਦ ਕੀਤਾ।