ਬਰੈਂਪਟਨ, 12 ਜੂਨ (ਪੋਸਟ ਬਿਊਰੋ)- ਕੱਲ੍ਹ ਯੁਨਾਈਟਡ ਪੰਜਾਬੀ ਹੈਰੀਟੇਜ ਆਰਗੇਨਾਈਜੇ਼ਸ਼ਨ ਆਫ਼ ਕੈਨੇਡਾ ਵਲੋਂ ਪੰਜਾਬ ਤੋਂ ਆਏ ਸਮਾਜ ਸੇਵੀ ਸਤਨਾਮ ਸਿੰਘ ਕਾਹਮਾ ਦੇ ਸਨਮਾਨ ਵਿਚ ਇਕ ਸਮਾਗਮ ਰੱਖਿਆ ਗਿਆ। ਸਤਨਾਮ ਸਿੰਘ ਕਾਹਮਾ ਨੌਜਵਾਨ ਪੀੜ੍ਹੀ ਦਾ ਪੰਜਾਬ ਦੇ ਨਵਾਂ ਸ਼ਹਿਰ ਤੋਂ ਆਗੂ ਹੈ ਅਤੇ ਨੌਜਵਾਨ ਪੀੜ੍ਹੀ ਨੂੰ ਖੇਡਾਂ ਨਾਲ ਜੋੜਨ ਲਈ ਤਿੰਨ ਦਹਾਕਿਆਂ ਤੋਂ ਯਤਨ ਕਰਦੇ ਆ ਰਹੇ ਹਨ। ਇਨ੍ਹਾਂ ਵਲੋਂ ਚਲਾਈ ਜਾਂਦੀ ਫੁਟਬਾਲ ਕਲੱਬ ਵਿਚ ਹੁਣ ਤੱਕ ਸੈਕੜੇ ਬੱਚੇ ਇੰਡੀਆ ਲੈਵਲ ਤੱਕ ਵੱਖ-ਵੱਖ ਟੀਮਾਂ ਵਿਚ ਖੇਡ ਚੁੱਕੇ ਹਨ। ਇਨ੍ਹਾਂ ਦੀ ਕਲੱਬ ਦੀ ਖਾਸੀਅਤ ਇਹ ਹੈ ਕਿ ਇਹ ਹੋਣਹਾਰ ਨੌਜਵਾਨਾਂ ਨੂੰ ਚੰਗੀ ਸਿੱਖਿਆ ਅਤੇ ਖੇਡਾਂ ਦੀ ਕੋਚਿੰਗ ਦੇਣ ਲਈ ਉਨ੍ਹਾਂ ਦਾ ਸਾਰਾ ਰਹਿਣ-ਸਹਿਣ ਦਾ ਖਰਚਾ, ਸਕੂਲ ਦੀ ਫੀਸ, ਵਧੀਆ ਖੁਰਾਕ ਅਤੇ ਵਧੀਆ ਕੋਚਿੰਗ ਬਿਲਕੁਲ ਮੁਫਤ ਪ੍ਰਦਾਨ ਕਰਦੇ ਹਨ। ਇਸ ਮੌਕੇ ਬਰੈਂਪਟਨ ਦੇ ਮੇਅਰ ਪੈਟ੍ਰਿਕ ਬ੍ਰਾਊਨ ਨੇ ਜਿਥੇ ਸਤਨਾਮ ਸਿੰਘ ਕਾਹਮਾ ਨੂੰ ਸਨਮਾਨ ਚਿੰਨ ਭੇਟ ਕੀਤਾ ਉਥੇ ਹੀ ਹੀ ਕਲੱਬ ਦੇ ਮੈਬਰਾਂ ਵਲੋਂ ਸਤਨਾਮ ਸਿੰਘ ਕਾਹਮਾ ਨੂੰ ਕੈਨੇਡਾ ਦਾ ਝੰਡਾ ਦੇ ਕੇ ਸਨਮਾਨਿਤ ਕੀਤਾ ਗਿਆ ਅਤੇ ਉਨ੍ਹਾਂ ਯੁਨਾਈਟਡ ਪੰਜਾਬੀ ਹੈਰੀਟੇਜ ਆਰਗੇਨਾਈਜ਼ੇਸ਼ਨ ਆਫ ਕੈਨੇਡਾ ਦੇ ਮੈਬਰਾਂ ਦਾ ਵੀ ਧੰਨਵਾਦ ਕੀਤਾ। ਸੰਸਥਾ ਦੇ ਮੁਖੀ ਸਰਦਾਰ ਜਸਪਾਲ ਸਿੰਘ ਗਹੂਨੀਆ ਵਲੋਂ ਆਏ ਹੋਏ ਸਾਰੇ ਮੈਬਰਾਂ ਦਾ ਸਵਾਗਤ ਕੀਤਾ ਗਿਆ ਤੇ ਉਨ੍ਹਾਂ ਕਿਹਾ ਕਿ ਸਤਨਾਮ ਸਿੰਘ ਕਾਹਮਾ ਸਾਡੇ ਇਲਾਕੇ ਦੀ ਸ਼ਾਨ ਹਨ ਤੇ ਇਨ੍ਹਾਂ ਦੀ ਨਿਸ਼ਕਾਮ ਸੇਵਾ ਦੀ ਚਰਚਾ ਹੁਣ ਦੇਸ਼ਾਂ ਵਿਦੇਸ਼ਾਂ ਵਿਚ ਪਹੁੰਚ ਗਈ ਹੈ। ਇਸ ਮੌਕੇ ਟੋਰਾਂਟੋ ਰੀਅਲ ਅਸਟੇਟ ਬੋਰਡ ਦੇ ਪ੍ਰਧਾਨ ਤੇ ਸੈਚੁਰੀ 21 ਪ੍ਰੈਜੀਡੈਟ ਦੇ ਸੰਚਾਲਕ ਗੁਰਚਰਨ ਭੌਰਾ ਵੀ ਸ਼ਾਮਲ ਸਨ। ਇਨ੍ਹਾਂ ਤੋਂ ਇਲਾਵਾ ਬਲਜਿੰਦਰ ਸੰਧੂ, ਹਰਭਜਨ ਸਿੰਘ ਔੜ, ਗੁਰਬਖਸ਼ ਕੱਸੋਵਾਲ, ਗੁਰਦੀਪ ਚੇਹੜਾ, ਹਰਵਿੰਦਰ ਡੁਲਪੂ, ਸੁੱਖ ਭੌਰਾ, ਸੁਮੀਤ ਬੈਂਸ, ਸਾਬੀ ਬਾਜਵਾ, ਜਗਜੀਤ ਤੂਰ ਤੇ ਨਿਕ ਗਹੂਨੀਆ ਵੀ ਮੌਜੂਦ ਸਨ।