ਅਭਿਨੇਤਾ ਨਵਾਜ਼ੂਦੀਨ ਸਿੱਦੀਕੀ ਜ਼ੀ ਸਟੂਡੀਓਜ਼ ਦੇ ਬੈਨਰ ਹੇਠ ਬਣ ਰਹੀ ਫਿਲਮ ‘ਹੱਡੀ’ ਵਿੱਚ ਮੁੱਖ ਕਿਰਦਾਰ ਨਿਭਾਏਗਾ। ਇਹ ਫਿਲਮ ਅਕਸ਼ਿਤ ਅਜੈ ਕੁਮਾਰ ਦੇ ਨਿਰਦੇਸ਼ਨ ਹੇਠ ਤਿਆਰ ਹੋਵੇਗੀ, ਜਿਸ ਦਾ ਕੰਮ ਸ਼ੁਰੂ ਹੋ ਗਿਆ ਹੈ। ਇਹ ਫਿਲਮ ਅਕਸ਼ਿਤ ਦੀ ਨਿਰਦੇਸ਼ਕ ਵਜੋਂ ਪਹਿਲੀ ਫਿਲਮ ਹੋਵੇਗੀ। ਉਹ ਇਸ ਤੋਂ ਪਹਿਲਾਂ ‘ਸੇਕਰਡ ਗੇਮਜ਼’ ਵਿੱਚ ਸਹਿ ਨਿਰਦੇਸ਼ਕ ਵਜੋਂ ਕੰਮ ਕਰ ਚੁੱਕਾ ਹੈ। ਫਿਲਮ ਨਿਰਮਾਤਾ ਨੇ ਨਵਾਜ਼ੂਦੀਨ ਦੀ ਫਿਲਮ ਵਿਚਲੀ ਪਹਿਲੀ ਦਿੱਖ ਜਾਰੀ ਕੀਤੀ ਜਿਸ ਵਿੱਚ ਉਹ ਔਰਤ ਦੇ ਭੇਸ ਵਿੱਚ ਕੁਰਸੀ ਉੱਤੇ ਬੈਠਾ ਨਜ਼ਰ ਆ ਰਿਹਾ ਹੈ।
ਨਵਾਜ਼ੂਦੀਨ ਨੇ ਕਿਹਾ ਕਿ ਉਸ ਨੇ ਕਈ ਫਿਲਮਾਂ ਵਿੱਚ ਵੱਖ-ਵੱਖ ਕਿਰਦਾਰ ਨਿਭਾਏ ਹਨ, ਪਰ ‘ਹੱਡੀ’ ਵੱਖਰੀ ਤੇ ਖਾਸ ਫਿਲਮ ਹੋਵੇਗੀ, ਕਿਉਂਕਿ ਇਹ ਫਿਲਮ ਉਸ ਨੂੰ ਬਿਹਤਰ ਅਭਿਨੇਤਾ ਦੇ ਰੂਪ ਵਿੱਚੇ ਅੱਗੇ ਵਧਣ ਦੇ ਲਈ ਮਦਦ ਕਰੇਗੀ। ਉਹ ਇਸ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰਨ ਲਈ ਬਹੁਤ ਉਤਸ਼ਾਹਤ ਹੈ।