ਓਨਟਾਰੀਓ, 28 ਜੁਲਾਈ (ਪੋਸਟ ਬਿਊਰੋ) : ਪ੍ਰੋਵਿੰਸ ਦੇ ਉੱਤਰ ਪੱਛਮ ਵਿੱਚ ਜੰਗਲ ਦੀ ਅੱਗ ਕਾਰਨ ਆਪਣਾ ਘਰ-ਬਾਰ ਛੱਡ ਕੇ ਆਉਣ ਵਾਲੇ ਲੋਕਾਂ ਤੇ ਕਮਿਊਨਿਟੀ ਆਗੂਆਂ ਨਾਲ ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਵੱਲੋ ਅੱਂਜ ਮੁਲਾਕਾਤ ਕੀਤੀ ਜਾਵੇਗੀ।
ਥੰਡਰ ਬੇਅ ਦੇ ਫੋਰਡ ਵੱਲੋਂ ਕੀਤੇ ਗਏ ਦੌਰੇ ਦੌਰਾਨ ਫਰਸਟ ਨੇਸ਼ਨ ਦੇ ਆਗੂਆਂ ਵੱਲੋਂ ਇਨ੍ਹਾਂ ਹਾਲਾਤ ਦੇ ਚੱਲਦਿਆਂ ਸਟੇਟ ਆਫ ਐਮਰਜੰਸੀ ਐਲਾਨਣ ਲਈ ਪ੍ਰੀਮੀਅਰ ਉੱਤੇ ਦਬਾਅ ਪਾਇਆ ਗਿਆ। ਫੋਰਡ ਤੇ ਇੰਡੀਜੀਨਸ ਮਾਮਲਿਆਂ ਬਾਰੇ ਮੰਤਰੀ ਗ੍ਰੈਗ ਰਿੱਕਫੋਰਡ ਵੱਲੋਂ ਸਿਟੀ ਦੇ ਹੋਟਲ ਵਿੱਚ ਇੰਡੀਜੀਨਸ ਆਗੂਆਂ ਤੇ ਜੰਗਲ ਦੀ ਅੱਗ ਕਾਰਨ ਆਪਣੇ ਘਰ ਛੱਡ ਕੇ ਆਏ ਲੋਕਾਂ ਨਾਲ ਮੁਲਾਕਾਤ ਕੀਤੀ ਜਾਵੇਗੀ।
ਪ੍ਰੀਮੀਅਰ ਵੱਲੋਂ ਜੰਗਲ ਦੀ ਅੱਗ ਉੱਤੇ ਕਾਬੂ ਪਾਉਣ ਲਈ ਕੀਤੀਆਂ ਗਈਆਂ ਓਨਟਾਰੀਓ ਦੇ ਕਮਾਂਡ ਸੈਂਟਰ ਦੀਆਂ ਕੋਸਿ਼ਸ਼ਾਂ ਬਦਲੇ ਉਨ੍ਹਾਂ ਦਾ ਧੰਨਵਾਦ ਕਰਨ ਲਈ ਉੱਥੋਂ ਦਾ ਦੌਰਾ ਵੀ ਕੀਤਾ ਜਾਵੇਗਾ।