ਓਟਵਾ, 27 ਅਪਰੈਲ (ਪੋਸਟ ਬਿਊਰੋ) : ਐਨਡੀਪੀ ਦੀ ਮਦਦ ਨਾਲ ਟਰੂਡੋ ਦੀ ਅਗਵਾਈ ਵਾਲੀ ਲਿਬਰਲ ਸਰਕਾਰ ਭਰੋਸੇ ਦਾ ਤੀਜਾ ਵੋਟ ਹਾਸਲ ਕਰਨ ਵਿੱਚ ਕਾਮਯਾਬ ਹੋ ਗਈ। ਇਸ ਤੋਂ ਇਹ ਸਪਸ਼ਟ ਹੋ ਗਿਆ ਹੈ ਕਿ ਮਹਾਂਮਾਰੀ ਦੌਰਾਨ ਹੁਣ ਚੋਣਾਂ ਨਹੀਂ ਹੋਣਗੀਆਂ।
ਸੋਮਵਾਰ ਨੂੰ ਹਾਊਸ ਆਫ ਕਾਮਨਜ਼ ਵਿੱਚ ਸਰਕਾਰ ਦੀ ਜਨਰਲ ਬਜਟਰੀ ਪਾਲਿਸੀ ਬਾਰੇ ਪੁਆਈ ਗਈ ਵੋਟ ਦਾ ਨਤੀਜਾ ਲਿਬਰਲਾਂ ਦੇ ਹੱਕ ਵਿੱਚ 178 ਤੇ ਵਿਰੋਧ ਵਿੱਚ 157 ਰਿਹਾ।ਬਜਟ ਦੇ ਪੱਖ ਵਿੱਚ ਲਿਬਰਲਾਂ ਨਾਲ ਐਨਡੀਪੀ ਦੇ ਐਮਪੀਜ਼ ਖੜ੍ਹੇ ਰਹੇ। ਐਨਡੀਪੀ ਆਗੂ ਜਗਮੀਤ ਸਿੰਘ ਵੱਲੋਂ ਪਹਿਲਾਂ ਹੀ ਇਹ ਸਪਸ਼ਟ ਕਰ ਦਿੱਤ਼ਾ ਗਿਆ ਸੀ ਕਿ ਮਹਾਂਮਾਰੀ ਦੀ ਤੀਜੀ ਤੇ ਘਾਤਕ ਵੇਵ ਦੌਰਾਨ ਉਹ ਚੋਣਾਂ ਦਾ ਮੁੱਢ ਨਹੀਂ ਬੰਨ੍ਹਣਗੇ।
ਕੰਜ਼ਰਵੇਟਿਵ, ਬਲਾਕ ਕਿਊਬਿਕੁਆ ਤੇ ਗ੍ਰੀਨ ਪਾਰਟੀ ਦੇ ਐਮਪੀਜ਼ ਨੇ ਬਜਟ ਦੇ ਖਿਲਾਫ ਵੋਟ ਪਾਈ।