· 27 ਰੀਜਨਜ਼ ਤੋਂ ਸਟੇਅ ਐਟ ਹੋਮ ਆਰਡਰ ਹਟਾਏ
· ਭਾਰੀ ਬਰਫਬਾਰੀ ਕਾਰਨ ਪੀਲ ਤੇ ਯੌਰਕ ਰੀਜਨ ਦੇ ਵਿਦਿਆਰਥੀਆਂ ਨੂੰ ਸਕੂਲ ਪਰਤਣ ਲਈ ਇੱਕ ਦਿਨ ਹੋਰ ਕਰਨੀ ਹੋਵੇਗੀ ਉਡੀਕ
ਓਨਟਾਰੀਓ, 16 ਫਰਵਰੀ (ਪੋਸਟ ਬਿਊਰੋ) : ਅੱਜ ਤੋਂ ਬਹੁਤੀਆਂ ਓਨਟਾਰੀਓ ਹੈਲਥ ਯੂਨਿਟਸ ਵਿੱਚ ਮਹਾਂਮਾਰੀ ਸਬੰਧੀ ਪਾਬੰਦੀਆਂ ਤੇ ਸਟੇਅ ਐਟ ਹਮ ਆਰਡਰਜ਼ ਵਿੱਚ ਢਿੱਲ ਦਿੱਤੀ ਜਾ ਰਹੀ ਹੈ। ਪੋ੍ਰਵਿੰਸ ਵੱਲੋਂ ਹੌਲੀ ਹੌਲੀ ਰੀਓਪਨਿੰਗ ਪਲੈਨ ਨੂੰ ਅਮਲ ਵਿੱਚ ਲਿਆਂਦਾ ਜਾ ਰਿਹਾ ਹੈ।
ਇਨ ਪਰਸਨ ਕਲਾਸਾਂ ਵੀ ਇਸ ਹਫਤੇ ਤੋਂ ਜੀਟੀਏ ਦੇ ਤਿੰਨ ਕੋਵਿਡ-19 ਹੌਟਸਪੌਟਸ ਵਿੱਚ ਖੁੱਲ੍ਹਣ ਜਾ ਰਹੀਆਂ ਹਨ। ਟੋਰਾਂਟੋ, ਪੀਲ ਰੀਜਨ ਤੇ ਯੌਰਕ ਰੀਜਨ ਦੇ ਸਕੂਲ ਬੋਰਡਜ਼ ਵੱਲੋਂ ਇਸ ਹਫਤੇ ਇਨ-ਪਰਸਨ ਲਰਨਿੰਗ ਮੁੜ ਸ਼ੁਰੂ ਕੀਤੀ ਜਾ ਰਹੀ ਹੈ। ਜਨਵਰੀ ਤੋਂ ਲੈ ਕੇ ਹੁਣ ਤੱਕ ਪੋ੍ਰਵਿੰਸ਼ੀਅਲ ਲਾਕਡਾਊਨ ਕਾਰਨ ਇਨ੍ਹਾਂ ਰੀਜਨਜ਼ ਵਿੱਚ ਆਨਲਾਈਨ ਲਰਨਿੰਗ ਨੂੰ ਹੀ ਜਾਰੀ ਰੱਖਿਆ ਜਾ ਰਿਹਾ ਸੀ।
ਭਾਰੀ ਬਰਫਬਾਰੀ ਕਾਰਨ ਪੀਲ ਤੇ ਯੌਰਕ ਰੀਜਨ ਦੇ ਵਿਦਿਆਰਥੀਆਂ ਨੂੰ ਅਜੇ ਸਕੂਲਾਂ ਵਿੱਚ ਪਰਤਣ ਲਈ ਇੱਕ ਹੋਰ ਦਿਨ ਉਡੀਕ ਕਰਨੀ ਹੋਵੇਗੀ। ਓਨਟਾਰੀਓ ਵਿੱਚ ਇਹ ਤਿੰਨ ਰੀਜਨਜ਼ ਹੀ ਬਚੇ ਹਨ ਜਿੱਥੇ ਵਿਦਿਆਰਥੀ ਇਨ ਪਰਸਨ ਕਲਾਸਾਂ ਵਿੱਚ ਅਜੇ ਨਵੇਂ ਪਰਤੇ ਹਨ। ਪ੍ਰੋਵਿੰਸ ਵੱਲੋਂ ਪਿਛਲੇ ਕੁੱਝ ਹਫਤਿਆਂ ਵਿੱਚ ਹੌਲੀ ਹੌਲੀ ਹੋਰਨਾਂ ਰੀਜਨਜ਼ ਨੂੰ ਖੋਲ੍ਹਣ ਦੀ ਇਜਾਜ਼ਤ ਦਿੱਤੀ ਜਾ ਚੁੱਕੀ ਹੈ।
ਟੋਰਾਂਟੋ, ਪੀਲ ਰੀਜਨ, ਯੌਰਕ ਰੀਜਨ ਤੇ ਨੌਰਥ ਬੇਅ ਪੈਰੀ ਸਾਊਂਡ ਵਿੱਚ 22 ਫਰਵਰੀ ਤੱਕ ਸਟੇਅ ਐਟ ਹੋਮ ਆਰਡਰ ਹੀ ਜਾਰੀ ਰਹਿਣਗੇ ਜਦਕਿ ਅੱਜ ਤੋਂ ਓਨਟਾਰੀਓ ਦੀਆਂ 27 ਪਬਲਿਕ ਹੈਲਥ ਯੂਨਿਟਸ ਤੋਂ ਇਹ ਹੁਕਮ ਹਟਾ ਲਏ ਗਏ ਹਨ।ਸਿਰਫ ਨਾਇਗਰਾ ਰੀਜਨ ਹੀ ਅਜਿਹਾ ਰੀਜਨ ਹੈ ਜਿਹੜਾ ਗ੍ਰੇਅ ਲਾਕਡਾਊਨ ਜ਼ੋਨ, ਜਿਸ ਨੂੰ ਸੱਭ ਤੋਂ ਸਖ਼ਤ ਲੈਵਲ ਮੰਨਿਆ ਜਾਂਦਾ ਹੈ, ਵਿੱਚ ਹੈ। ਇੱਥੇ ਸਿਰਫ 25 ਫੀ ਸਦੀ ਕਾਰੋਬਾਰਾਂ ਨੂੰ ਹੀ ਖੋਲ੍ਹੇ ਜਾਣ ਦੀ ਇਜਾਜ਼ਤ ਹੈ।