ਟੋਰਾਂਟੋ, 10 ਨਵੰਬਰ (ਪੋਸਟ ਬਿਊਰੋ) : ਨੌਰਥ ਯੌਰਕ ਐਲੀਮੈਂਟਰੀ ਸਕੂਲ ਦੇ ਇੱਕ ਸਟਾਫ ਮੈਂਬਰ ਦੇ ਪਾਜ਼ੀਟਿਵ ਪਾਏ ਜਾਣ ਤੋਂ ਬਾਅਦ ਬਹੁਤੀਆਂ ਕਲਾਸਾਂ ਦੇ ਵਿਦਿਆਰਥੀਆਂ ਨੂੰ ਸੈਲਫ ਆਈਸੋਲੇਟ ਹੋਣ ਦੀ ਸਲਾਹ ਦਿੱਤੀ ਜਾ ਰਹੀ ਹੈ|
ਟੋਰਾਂਟੋ ਡਿਸਟ੍ਰਿਕਟ ਸਕੂਲ ਬੋਰਡ ਦੇ ਬੁਲਾਰੇ ਨੇ ਦੱਸਿਆ ਕਿ ਟੋਰਾਂਟੋ ਪਬਲਿਕ ਹੈਲਥ ਵੱਲੋਂ ਸਟੇਨਲੇ ਪਬਲਿਕ ਸਕੂਲ, ਜੋ ਕਿ ਜੇਨ ਤੇ ਸ਼ੈਪਰਡ ਨੇੜੇ ਹੈ, ਨੂੰ ਬੰਦ ਕਰਨ ਦੀ ਸਿਫਾਰਿਸ਼ ਨਹੀਂ ਕੀਤੀ ਜਾ ਰਹੀ| ਇੱਥੇ ਦੱਸਣਾ ਬਣਦਾ ਹੈ ਕਿ ਇਸ ਸਕੂਲ ਦੀਆਂ ਸੱਤ ਕਲਾਸਾਂ ਨੂੰ ਸੈਲਫ ਆਈਸੋਲੇਟ ਹੋਣ ਲਈ ਆਖਿਆ ਜਾ ਰਿਹਾ ਹੈ|
207 ਟੀਡੀਐਸਬੀ ਸਕੂਲ ਅਜਿਹੇ ਹਨ ਜਿੱਥੇ ਘੱਟੋ ਘੱਟ ਕੋਵਿਡ-19 ਦਾ ਇੱਕ ਇੱਕ ਐਕਟਿਵ ਮਾਮਲਾ ਹੈ, ਜੋ ਕਿ 303 ਵਿਦਿਆਰਥੀ ਤੇ 74 ਸਟਾਫ ਮੈਂਬਰ ਬਣਦੇ ਹਨ| ਟੋਰਾਂਟੋ ਕੈਥੋਲਿਕ ਡਿਸਟ੍ਰਿਕਟ ਸਕੂਲ ਬੋਰਡ ਵਿੱਚ 62 ਸਕੂਲ ਅਜਿਹੇ ਹਨ ਜਿਨ੍ਹਾਂ ਵਿੱਚ ਵਾਇਰਸ ਦਾ ਇੱਕ ਨਾ ਇੱਕ ਪਾਜ਼ੀਟਿਵ ਕੇਸ ਹੈ, ਜੋ ਕਿ 85 ਵਿਦਿਆਰਥੀ ਤੇ 11 ਸਟਾਫ ਮੈਂਬਰ ਹਨ|