ਬ੍ਰਿਟਿਸ਼ ਕੋਲੰਬੀਆ, 1 ਨਵੰਬਰ (ਪੋਸਟ ਬਿਊਰੋ) : ਅਲਬਰਟਾ ਵਿੱਚ ਫੌਜੀ ਮਸ਼ਕਾਂ ਵਿੱਚ ਟਰੇਨਿੰਗ ਦੌਰਾਨ ਮਾਰੇ ਗਏ ਸੈਨਿਕ ਦੀ ਪਛਾਣ ਬ੍ਰਿਟਿਸ਼ ਕੋਲੰਬੀਆ ਦੇ 29 ਸਾਲਾ ਆਰਮੀ ਰਿਜ਼ਰਵਿਸਟ ਵਜੋਂ ਹੋਈ ਹੈ|
ਕੈਨੇਡੀਅਨ ਆਰਮਡ ਫੋਰਸਿਜ਼ ਦਾ ਕਹਿਣਾ ਹੈ ਕਿ ਨਿਊ ਵੈਸਟਮਿੰਸਟਰ ਵਿੱਚ ਰੌਇਲ ਵੈਸਟਮਿੰਸਟਰ ਦਾ ਕਾਰਪੋਰਲ ਜੇਮਜ਼ ਚੋਇ ਸੁæੱਕਰਵਾਰ ਰਾਤ ਸੀਐਫਬੀ ਵੇਨਰਾਈਟ ਵਿੱਚ ਲਾਈਵ ਫਾਇਰ ਟਰੇਨਿੰਗ ਵਿੱਚ ਹਿੱਸਾ ਲੈਂਦੇ ਹੋਏ ਸ਼ਹੀਦ ਹੋ ਗਿਆ| ਹਾਦਸੇ ਸਮੇਂ ਪ੍ਰਿੰਸੈਸ ਪੈਟਰੀਸ਼ੀਆ ਕੈਨੇਡੀਅਨ ਲਾਈਟ ਇਨਫਟੈਂਟਰੀ ਦੇ ਮੈਂਬਰਾਂ ਨਾਲ ਸੇਵਾ ਨਿਭਾਅ ਰਹੇ ਚੋਇ ਨੂੰ ਐਡਮੰਟਨ ਹਸਪਤਾਲ ਲਿਜਾਏ ਜਾਣ ਤੋਂ ਪਹਿਲਾਂ ਮੌਕੇ ਉੱਤੇ ਇਲਾਜ ਕੀਤਾ ਗਿਆ|
ਸ਼ਨਿੱਚਰਵਾਰ ਸ਼ਾਮ ਨੂੰ ਉਸ ਦੀ ਮੌਤ ਹੋਈ| ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ| ਚੀਫ ਆਫ ਦ ਡਿਫੈਂਸ ਸਟਾਫ ਜਨਰਲ ਜੌਨਾਥਨ ਵੈਂਸ ਐਂਡ ਕੈਨੇਡੀਅਨ ਆਰਮੀ ਕਮਾਂਡਰ ਲੈਫਟੀਨੈਂਟ ਜਨਰਲ ਵੇਅਨ ਆਇਰ ਨੇ ਚੋਇ ਦੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ|