ਕਿਊਬਿਕ, 1 ਨਵੰਬਰ (ਪੋਸਟ ਬਿਊਰੋ): ਕਿਊਬਿਕ ਪੁਲਿਸ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਹੈਲੋਈਨ ਵਾਲੀ ਰਾਤ ਨੂੰ ਹੋਏ ਘਾਤਕ ਹਮਲੇ, ਜਿਸ ਵਿੱਚ ਦੋ ਵਿਅਕਤੀ ਮਾਰੇ ਗਏ ਤੇ ਪੰਜ ਹੋਰ ਜ਼ਖ਼ਮੀ ਹੋ ਗਏ, ਦਾ ਅੱਤਵਾਦ ਨਾਲ ਕੋਈ ਲੈਣਾ ਦੇਣਾ ਨਹੀਂ ਹੈ|
ਕਿਊਬਿਕ ਸਿਟੀ ਪੁਲਿਸ ਚੀਫ ਰੌਬਰਟ ਪਿਜਨ ਨੇ ਦੱਸਿਆ ਕਿ ਹਮਲਾਵਰ ਵਿਅਕਤੀ ਨੇ ਪੁਰਾਣੇ ਜ਼ਮਾਨੇ ਦੀ ਕੌਸਟਿਊਮ ਪਾਈ ਹੋਈ ਸੀ ਤੇ ਉਸ ਨੇ ਹੱਥ ਵਿੱਚ ਜਾਪਾਨੀ ਢੰਗ ਦੀ ਤਲਵਾਰ ਕਿਟਾਨਾ ਫੜ੍ਹੀ ਹੋਈ ਸੀ ਤੇ ਉਸ ਨੇ ਉਸ ਤਲਵਾਰ ਨੂੰ ਲਹਿਰਾਉਂਦਿਆਂ ਲੋਕਾਂ ਉੱਤੇ ਹਮਲਾ ਬੋਲ ਦਿੱਤਾ| ਉਨ੍ਹਾਂ ਦੱਸਿਆ ਕਿ ਇਹ ਘਟਨਾਕ੍ਰਮ ਸ਼ੱਿਨਚਰਵਾਰ ਰਾਤੀਂ 10:30 ਵਜੇ ਵਾਪਰਿਆ ਤੇ ਰਾਤੀਂ 1:00 ਵਜੇ ਤੋਂ ਪਹਿਲਾਂ ਮਸ਼ਕੂਕ ਨੂੰ ਗ੍ਰਿਫਤਾਰ ਕੀਤੇ ਜਾਣ ਨਾਲ ਖ਼ਤਮ ਹੋਇਆ|
ਪਿਜਨ ਨੇ ਦੱਸਿਆ ਕਿ 24 ਸਾਲਾ ਮਸ਼ਕੂਕ ਕਿਊਬਿਕ ਸਿਟੀ ਵਿੱਚ ਨਹੀਂ ਰਹਿੰਦਾ| ਸਗੋਂ ਉਹ ਮਾਂਟਰੀਅਲ ਦੇ ਉੱਤਰੀ ਸਿਰੇ ਤੋਂ ਹੈ| ਇਸ ਤੋਂ ਇਲਾਵਾ ਮਸ਼ਕੂਕ ਬਾਰੇ ਕੋਈ ਹੋਰ ਜਾਣਕਾਰੀ ਨਹੀਂ ਦਿੱਤੀ ਗਈ| ਉਨ੍ਹਾਂ ਦੱਸਿਆ ਕਿ ਮਸ਼ਕੂਕ ਕਈ ਲੋਕਾਂ ਨੂੰ ਨੁਕਸਾਨ ਪਹੁੰਚਾਉਣ ਦੇ ਇਰਾਦੇ ਨਾਲ ਹੀ ਤਿਆਰੀ ਕਰਕੇ ਆਇਆ ਸੀ| ਉਨ੍ਹਾਂ ਦੱਸਿਆ ਕਿ ਹਮਲੇ ਵਿੱਚ ਪੰਜ ਵਿਅਕਤੀ ਜ਼ਖ਼ਮੀ ਹੋਏ, ਉਨ੍ਹਾਂ ਉੱਤੇ ਤੇਜ਼ ਧਾਰ ਹਥਿਆਰ ਨਾਲ ਵਾਰ ਕੀਤੇ ਗਏ, ਪਰ ਉਨ੍ਹਾਂ ਦੀਆਂ ਜਿੰæਦਗੀਆਂ ਖਤਰੇ ਵਿੱਚ ਨਹੀਂ ਹਨ|