ਓਨਟਾਰੀਓ, 18 ਅਕਤੂਬਰ (ਪੋਸਟ ਬਿਊਰੋ): ਫੋਰਡ ਸਰਕਾਰ ਵੱਲੋਂ ਇਹ ਐਲਾਨ ਕੀਤਾ ਗਿਆ ਹੈ ਕਿ ਟੋਰਾਂਟੋ, ਪੀਲ ਤੇ ਓਟਵਾ ਦੀ ਤਰਜ਼ ਉੱਤੇ ਹੀ ਯੌਰਕ ਰੀਜਨ ਵਿੱਚ ਵੀ ਸਟੇਜ 2 ਵਾਲੀਆਂ ਪਾਬੰਦੀਆਂ ਦੁਬਾਰਾ ਲਾਗੂ ਕੀਤੀਆਂ ਜਾਣਗੀਆਂ|
ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਸੋਧੀਆਂ ਗਈਆਂ ਸਟੇਜ 2 ਦੀਆਂ ਪਾਬੰਦੀਆਂ 28 ਦਿਨ ਤੱਕ ਲਾਗੂ ਰਹਿਣਗੀਆਂ ਤੇ ਫਿਰ ਇਨ੍ਹਾਂ ਦਾ ਮੁਲਾਂਕਣ ਕੀਤਾ ਜਾਵੇਗਾ| ਇਹ ਨਵੇਂ ਦਿਸ਼ਾ ਨਿਰਦੇਸ਼ 19 ਅਕਤੂਬਰ, ਦਿਨ ਸੋਮਵਾਰ ਰਾਤ ਨੂੰ 12:01 ਵਜੇ ਪ੍ਰਭਾਵੀ ਹੋ ਜਾਣਗੇ| ਇਸ ਮਗਰੋਂ ਇੰਡੋਰ ਡਾਈਨਿੰਗ ਬੰਦ ਹੋ ਜਾਵੇਗੀ, ਇੰਡੋਰ ਜਿੰਮਜ਼, ਕੈਸੀਨੋਜ਼, ਸਿਨੇਮਾਜ਼ ਆਦਿ ਬੰਦ ਹੋ ਜਾਣਗੇ|
ਫੋਰਡ ਨੇ ਆਖਿਆ ਕਿ ਉਨ੍ਹਾਂ ਵੱਲੋਂ ਦਿੱਤੀਆਂ ਜਾਣ ਵਾਲੀਆਂ ਰਿਆਇਤਾਂ ਗਲਤ ਦਿਸ਼ਾ ਵੱਲ ਜਾ ਰਹੀਆਂ ਹਨ| ਕੋਵਿਡ-19 ਦੇ ਮਾਮਲਿਆਂ ਵਿੱਚ ਮੁੜ ਵਾਧਾ ਹੋਇਆ ਹੈ| ਉਨ੍ਹਾਂ ਆਖਿਆ ਕਿ ਇਨਫੈਕਸ਼ਨ ਦੀ ਪਾਜ਼ੀਟਿਵਿਟੀ ਦਰ 2æ77 ਫੀ ਸਦੀ ਤੱਕ ਪਹੁੰਚ ਗਈ ਹੈ| ਇਸ ਸਮੇਂ ਯੌਰਕ ਵਿੱਚ 100,000 ਪਿੱਛੇ 39 ਕੇਸ ਹਨ ਜੋ ਕਿ ਪ੍ਰੋਵਿੰਸ਼ੀਅਲ ਔਸਤ ਤੋਂ ਕਿਤੇ ਜ਼ਿਆਦਾ ਹਨ|