ਓਟਵਾ, 9 ਜੁਲਾਈ (ਪੋਸਟ ਬਿਊਰੋ) : ਟੋਰਾਂਟੋ ਏਅਰਪੋਰਟ ਉੱਤੇ ਲਾਜ਼ਮੀ ਫੇਸ ਮਾਸਕ ਨੀਤੀ ਦੀ ਉਲੰਘਣਾਂ ਕਰਨ ਦੇ ਸਬੰਧ ਵਿੱਚ ਐਂਡਰਿਊ ਸ਼ੀਅਰ ਦੀ ਤਸਵੀਰ ਲੈਣ ਤੋਂ ਬਾਅਦ ਹੁਣ ਜਦੋਂ ਪੱਤਰਕਾਰਾਂ ਵੱਲੋਂ ਇਸ ਸਬੰਧੀ ਉਨ੍ਹਾਂ ਤੋਂ ਪੱੁਛਿਆ ਗਿਆ ਤਾਂ ਉਨ੍ਹਾਂ ਇਸ ਨੂੰ ਬਹੁਤ ਹੀ ਹਾਸੋਹੀਣਾ ਦੱਸਿਆ। ਕਲ੍ਹ ਓਟਵਾ ਵਿਖੇ ਇੱਕ ਪੱਤਰਕਾਰ ਦੇ ਅਜਿਹੇ ਹੀ ਸਵਾਲ ਦਾ ਜਵਾਬ ਦਿੰਦਿਆਂ ਸ਼ੀਅਰ ਨੇ ਆਖਿਆ ਕਿ ਇਸ ਉੱਤੇ ਯਕੀਨ ਨਹੀਂ ਹੋ ਰਿਹਾ ਕਿ ਤੁਸੀਂ ਇਹੋ ਜਿਹਾ ਸਵਾਲ ਕਰ ਰਹੇ ਹੋਂ। ਉਨ੍ਹਾਂ ਗੰਭੀਰ ਹੁੰਦਿਆਂ ਆਖਿਆ ਕਿ ਅਜਿਹੇ ਸਵਾਲ ਉਸ ਸਮੇਂ ਪੱੁਛੇ ਜਾ ਰਹੇ ਹਨ ਜਦੋਂ ਸਾਡੇ ਪ੍ਰਧਾਨ ਮੰਤਰੀ ਤੀਜੀ ਵਾਰੀ ਐਥਿਕਸ ਦੀ ਉਲੰਘਣਾਂ ਲਈ ਜਾਂਚ ਦੇ ਘੇਰੇ ਵਿੱਚ ਹਨ।
ਜਿ਼ਕਰਯੋਗ ਹੈ ਕਿ ਫੈਡਰਲ ਐਥਿਕਸ ਕਮਿਸ਼ਨਰ ਵੱਲੋਂ ਸਟੂਡੈਂਟ ਗ੍ਰਾਂਟ ਪ੍ਰੋਗਰਾਮ ਦੀ ਡਲਿਵਰੀ ਵੁਈ ਚੈਰਿਟੀ ਤੋਂ ਕਰਵਾਉਣ ਦੇ ਮਾਮਲੇ ਵਿੱਚ ਪ੍ਰਧਾਨ ਮੰਤਰੀ ਦੀ ਭੂਮਿਕਾ ਦੀ ਜਾਂਚ ਸੁ਼ਰੂ ਕੀਤੀ ਗਈ ਹੈ। ਇੱਥੇ ਇਹ ਵੀ ਦੱਸਣਾ ਬਣਦਾ ਹੈ ਕਿ ਟਰੂਡੋ ਤੇ ਉਨ੍ਹਾਂ ਦੀ ਪਤਨੀ ਦੇ ਇਸ ਆਰਗੇਨਾਈਜ਼ੇਸ਼ਨ ਨਾਲ ਪਰਿਵਾਰਕ ਸਬੰਧ ਹਨ ਤੇ ਉਹ ਵੁਈ ਆਰਗੇਨਾਈਜ਼ੇਸ਼ਨ ਦੇ ਕਈ ਈਵੈਂਟਸ ਨੂੰ ਸੰਬੋਧਨ ਵੀ ਕਰ ਚੱੁਕੇ ਹਨ। ਇਸ ਤੋਂ ਪਹਿਲਾਂ ਐਸਐਨਸੀ ਲਾਵਾਲਿਨ ਮਾਮਲੇ ਅਤੇ ਆਗਾ ਖਾਨ ਦੇ ਪ੍ਰਾਈਵੇਟ ਟਾਪੂ ਉੱਤੇ ਮੁਫਤ ਦਾ ਟਰਿੱਪ ਕਰਨ ਦੇ ਸਬੰਧ ਵਿੱਚ ਟਰੂਡੋ ਉਤੇ ਜਾਂਚ ਚੱਲ ਚੁਕੀ ਹੈ। ਸ਼ੀਅਰ ਨੇ ਲਿਬਰਲ ਸਰਕਾਰ ਦੇ ਦਿਨੋਂ ਦਿਨ ਵੱਧ ਰਹੇ ਘਾਟੇ ਵੱਲ ਵੀ ਪੱਤਰਕਾਰਾਂ ਦਾ
ਧਿਆਨ ਦਿਵਾਇਆ। ਉਸੇ ਦਿਨ ਹੀ ਵਿੱਤ ਮੰਤਰੀ ਬਿੱਲ ਮੌਰਨਿਊ ਵੱਲੋਂ ਅਰਥਚਾਰੇ ਦੀ ਸਥਿਤੀ ਬਾਰੇ ਕੈਨੇਡੀਅਨਾਂ ਨੂੰ ਜਾਣੂ ਕਰਵਾਇਆ ਜਾਣਾ ਸੀ। ਸ਼ੀਅਰ ਨੇ ਮਜ਼ਾਕੀਆ
ਲਹਿਜੇ ਵਿੱਚ ਆਖਿਆ “ਕਮਾਲ ਹੈ ਐਨੇ ਭਖਵੇਂ ਮੱੁਦਿਆਂ ਦੇ ਬਾਵਜੂਦ ਫੋਨ ਕਰਨ ਤੋਂ ਬਾਅਦ ਮੈਂ ਕਿੰਨੀ ਦੇਰ ਲਈ ਮਾਸਕ ਨਹੀਂ ਪਾਇਆ, ਇਹ ਤੁਹਾਡੇ ਲਈ ਜਿ਼ਆਦਾ ਅਹਿਮ ਮੁਦਾ ਹੈ?”