Welcome to Canadian Punjabi Post
Follow us on

27

March 2019
ਕੈਨੇਡਾ

ਕੈਲਗਰੀ 2026 ਓਲੰਪਿਕ ਬਿੱਡ ਲਈ ਫੰਡਾਂ ਸਬੰਧੀ ਫੈਡਰਲ, ਪ੍ਰੋਵਿੰਸ਼ੀਅਲ ਸਰਕਾਰਾਂ ਨਵੇਂ ਸਮਝੌਤੇ ਉੱਤੇ ਪਹੁੰਚੀਆਂ

October 31, 2018 07:20 PM

ਕੈਲਗਰੀ, 31 ਅਕਤੂਬਰ (ਪੋਸਟ ਬਿਊਰੋ) : ਫੈਡਰਲ ਅਤੇ ਪ੍ਰੋਵਿੰਸ਼ੀਅਲ ਸਰਕਾਰਾਂ ਇਸ ਫੈਸਲੇ ਉੱਤੇ ਪਹੁੰਚੀਆਂ ਹਨ ਕਿ ਕੈਲਗਰੀ ਵਿੱਚ 2026 ਦੀਆਂ ਸਰਦ ਰੁੱਤ ਦੀਆਂ ਓਲੰਪਿਕ ਖੇਡਾਂ ਨੂੰ ਫੰਡ ਮੁਹੱਈਆ ਕਰਵਾਉਣ ਲਈ ਕੋਈ ਸਾਂਝਾ ਤੇ ਵੱਖਰਾ ਰਾਹ ਲੱਭਿਆ ਜਾਵੇਗਾ ਤੇ ਜਨਤਾ ਦੇ ਪੈਸੇ ਨੂੰ ਛੇੜਿਆ ਨਹੀਂ ਜਾਵੇਗਾ। ਇਹ ਵੀ ਉਸ ਸੂਰਤ ਵਿੱਚ ਸੰਭਵ ਹੋਵੇਗਾ ਜੇ ਇਸ ਮੁੱਦੇ ਉੱਤੇ ਹਿਚਕਿਚਾ ਰਹੀ ਸਿਟੀ ਕਾਉਂਸਲ ਇਸ ਸਮਝੌਤੇ ਉੱਤੇ ਸਾਈਨ ਕਰਨ ਲਈ ਰਾਜੀ ਹੁੰਦੀ ਹੈ।
ਮੰਗਲਵਾਰ ਨੂੰ ਸਵੇਰੇ 10:00 ਵਜੇ ਕੈਲਗਰੀ 2026 ਬਿੱਡ ਕਾਰਪੋਰੇਸਨ ਨੇ ਇਹ ਐਲਾਨ ਕੀਤਾ। ਇਸ ਵਿੱਚ ਇੱਕ ਚਿੱਠੀ ਵੀ ਸਾਮਲ ਹੈ ਜਿਸ ਵਿੱਚ ਆਖਿਆ ਗਿਆ ਹੈ ਕਿ 2.875 ਬਿਲੀਅਨ ਡਾਲਰ ਦੇ ਜਨਤਕ ਫੰਡ ਜੁਟਾ ਲਏ ਜਾਣਗੇ। ਇਸ ਉੱਤੇ ਅਲਬਰਟਾ ਦੀ ਪ੍ਰੀਮੀਅਰ ਰੇਚਲ ਨੌਟਲੇ, ਫੈਡਰਲ ਖੇਡ ਮੰਤਰੀ ਕ੍ਰਿਸਟੀ ਡੰਕਨ ਦੇ ਦਸਤਖਤ ਸਾਮਲ ਹਨ ਤੇ ਕੈਲਗਰੀ ਦੇ ਮੇਅਰ ਨਾਹੀਦ ਨੈਂਸੀ ਦੇ ਦਸਤਖਤਾਂ ਲਈ ਥਾਂ ਵੀ ਛੱਡੀ ਗਈ ਹੈ।
ਇਹ ਐਲਾਨ ਉਸੇ ਦਿਨ ਕੀਤਾ ਗਿਆ ਜਿਸ ਦਿਨ ਸਿਟੀ ਆਫ ਕੈਲਗਰੀ ਦੀ ਓਲੰਪਿਕ ਅਸੈੱਸਮੈਂਟ ਕਮੇਟੀ ਦੇ ਚੇਅਰ ਵੱਲੋਂ ਕਾਉਂਸਲ ਨੂੰ ਇਹ ਸਿਫਾਰਿਸ ਕੀਤੀ ਗਈ ਸੀ ਕਿ 2026 ਵਿੱਚ ਹੋਣ ਵਾਲੀਆਂ ਸਰਦ ਰੁੱਤ ਖੇਡਾਂ ਲਈ ਦਾਅਵੇਦਾਰੀ ਉਨ੍ਹਾਂ ਵੱਲੋਂ ਰੱਦ ਕੀਤੀ ਜਾਵੇ ਤੇ ਇਸ ਸਬੰਧੀ 13 ਨਵੰਬਰ ਦੇ ਸਡਿਊਲ ਨੂੰ ਵੀ ਖਤਮ ਕੀਤਾ ਜਾਵੇ। ਕੈਲਗਰੀ 2026 ਬਿੱਡ ਕਾਰਪੋਰੇਸਨ ਦੇ ਬੋਰਡ ਚੇਅਰ ਸਕੌਟ ਹਚੇਸਨ ਨੇ ਈਮੇਲ ਵਿੱਚ ਆਖਿਆ ਕਿ ਇਹ ਅਜਿਹਾ ਪ੍ਰਸਤਾਵ ਹੈ ਜਿਸ ਦੀ ਕੋਈ ਤੁਕ ਬਣਦੀ ਹੈ ਤੇ ਇਹ ਕੈਲਗਰੀ ਵਾਸੀਆਂ ਲਈ ਚੰਗੀ ਡੀਲ ਵੀ ਹੈ। ਉਨ੍ਹਾਂ ਆਖਿਆ ਕਿ ਸਾਨੂੰ ਪੂਰਾ ਯਕੀਨ ਹੈ ਕਿ ਉਹ ਤੇ ਉਨ੍ਹਾਂ ਦੇ ਸਰਕਾਰੀ ਭਾਈਵਾਲ ਅੱਗੇ ਵੱਧਣ ਲਈ ਸਹਿਮਤ ਹੋ ਸਕਦੇ ਹਾਂ ਤੇ ਸਮਝੌਤੇ ਉੱਤੇ ਪਹੁੰਚਿਆ ਜਾ ਸਕਦਾ ਹੈ।
ਉਨ੍ਹਾਂ ਇਹ ਵੀ ਆਖਿਆ ਕਿ ਉਹ ਜਾਣਦੇ ਹਨ ਕਿ ਕੈਲਗਰੀ ਲਈ ਇਹ ਕਿੰਨੀ ਅਹਿਮੀਅਤ ਰੱਖਦਾ ਹੈ। ਉਨ੍ਹਾਂ ਆਖਿਆ ਕਿ ਉਨ੍ਹਾਂ ਨੂੰ ਇਹ ਵੀ ਅੰਦਾਜਾ ਹੈ ਕਿ ਕੀ ਕੁੱਝ ਦਾਅ ਉੱਤੇ ਲੱਗਿਆ ਹੋਇਆ ਹੈ, ਉਹ ਆਪਣੀ ਮਜਬੂਤ ਲੀਡਰਸਿਪ ਵੀ ਦਰਸਾਉਣਗੇ ਤੇ ਓਲੰਪਿਕ ਤੇ ਪੈਰਾਲੰਪਿਕ ਦੇ ਨਤੀਜਿਆਂ ਬਾਰੇ ਕੈਲਗਰੀ ਵਾਸੀਆਂ ਨੂੰ ਫੈਸਲਾ ਕਰਨ ਦੀ ਇਜਾਜਤ ਦੇਣਗੇ। ਜਿਕਰਯੋਗ ਹੈ ਕਿ ਕੈਲਗਰੀ 2026 ਓਲੰਪਿਕ ਬਿੱਡ ਕਾਰਪੋਰੇਸਨ ਦੇ ਨਵੇਂ ਅੰਦਾਜੇ ਮੁਤਾਬਕ ਸਰਦ ਰੁੱਤ ਖੇਡਾਂ ਉੱਤੇ 5.23 ਬਿਲੀਅਨ ਡਾਲਰ ਖਰਚਾ ਆਵੇਗਾ। ਇਸ ਵਿੱਚੋਂ 3 ਬਿਲੀਅਨ ਡਾਲਰ ਸਰਕਾਰਾਂ ਦੇ ਤਿੰਨਾਂ ਪੱਧਰਾਂ ਤੋਂ ਆਉਣਾ ਚਾਹੀਦਾ ਹੈ।

 

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ