Welcome to Canadian Punjabi Post
Follow us on

18

January 2019
ਬ੍ਰੈਕਿੰਗ ਖ਼ਬਰਾਂ :
ਪੱਤਰਕਾਰ ਛੱਤਰਪਤੀ ਕਤਲ ਕੇਸ: ਡੇਰਾ ਮੁਖੀ ਰਾਮ ਰਹੀਮ ਨੂੰ ਸਾਰੀ ਉਮਰ ਦੀ ਕੈਦ ਦੀ ਸਜ਼ਾਸੁਖਪਾਲ ਖਹਿਰਾ ਵਲੋਂ ਆਪ ਦੀ ਮੁਢਲੀ ਮੈਂਬਰੀ ਤੋਂ ਅਸਤੀਫਾਯੂਨੀਫੌਰ ਤੇ ਓਪੀਐਸਈਯੂ ਨੇ ਫੋਰਡ ਦੇ ਤਬਾਹਕੁੰਨ ਏਜੰਡੇ ਖਿਲਾਫ ਹੱਥ ਮਿਲਾਏਨਿਰੰਕਾਰੀ ਭਵਨ ਉੱਤੇ ਗ੍ਰਨੇਡ ਹਮਲੇ ਦਾ ਇੱਕ ਦੋਸ਼ੀ ਗ੍ਰਿਫਤਾਰ, ਦੂਜੇ ਦੀ ਪਛਾਣਅੰਮ੍ਰਿਤਸਰ ਗ੍ਰਨੇਡ ਅਟੈਕ: ਕੈਪਟਨ ਅਮਰਿੰਦਰ ਨੇ ਅਮਨ ਤੇ ਕਾਨੂੰਨ ਦੀ ਸਥਿਤੀ ਦਾ ਜਾਇਜ਼ਾ ਲਿਆ, ਪੁਲੀਸ ਦੇ ਚੋਟੀ ਦੇ ਅਫਸਰਾਂ ਨੂੰ ਤੁਰੰਤ ਪਿੰਡ ਅਦਲੀਵਾਲ ਪਹੁੰਚਣ ਦੇ ਹੁਕਮਅੰਮ੍ਰਿਤਸਰ `ਚ ਨਿਰੰਕਾਰੀ ਭਵਨ ਉੱਤੇ ਹਮਲਾ, ਡੀ.ਜੀ.ਪੀ. ਨੇ ਅੱਤਵਾਦੀ ਹਮਲਾ ਕਿਹਾਵੈਨਕੂਵਰ ਵਿੱਚ ਮਹਿਸੂਸ ਕੀਤੇ ਗਏ ਭੂਚਾਲ ਦੇ ਤਿੰਨ ਝਟਕੇ ਅੰਮ੍ਰਿਤਸਰ ਸ਼ਹਿਰ `ਚ ਵੱਡਾ ਰੇਲ ਹਾਦਸਾ, ਦੁਸਹਿਰਾ ਦੇਖਣ ਆਏ ਲੋਕਾਂ ਉੱਤੇ ਚੜ੍ਹੀ ਟ੍ਰੇਨ , ਕਰੀਬ 50 ਦੀ ਮੌਤ ਦਾ ਸ਼ੱਕ
ਟੋਰਾਂਟੋ/ਜੀਟੀਏ

ਦਰਸ਼ਕਾਂ ਦੇ ਮਨਾਂ `ਤੇ ਗਹਿਰੀ ਛਾਪ ਛੱਡ ਗਿਆ ਨਾਟਕ 'ਮੈਲੇ ਹੱਥ'

October 31, 2018 10:34 AM

ਬਰੈਂਪਟਨ: (ਪ੍ਰੋ. ਜਗੀਰ ਸਿੰਘ ਕਾਹਲੋਂ) -ਬੀਤੇ ਸ਼ਨੀਵਾਰ ਬਰੈਂਪਟਨ ਦੇ ਪੀਅਰਸਨ ਥੀਏਟਰ ਵਿਚ ਪ੍ਰਸਿੱਧ ਕੈਨੇਡੀਅਨ ਪੰਜਾਬੀ ਲੇਖਕ ਅਜਮੇਰ ਰੋਡੇ ਦਾ ਲਿਖਿਆ ਅਤੇ ਗੁਰਦੀਪ ਭੁੱਲਰ ਵਲੋਂ ਨਿਰਦੇਸਿ਼ਤ ਕੀਤਾ ਗਿਆ ਨਾਟਕ ‘ਮੈਲੇ ਹੱਥ’(‘ਦ ਟੇਂਟਿਡ ਹੈਂਡਜ਼) ਸਫ਼ਲਤਾ ਪੂਰਵਕ ਪੇਸ਼ ਕੀਤਾ ਗਿਆ। ਨਾਟਕ ਦਾ ਵਿਸ਼ਾ ਵਿਸ਼ਵ ਭਰ ਵਿਚ ਚਲ ਰਹੀ “ਮੀ ਟੂ” ਲਹਿਰ ‘ਤੇ ਅਧਾਰਿਤ ਹੈ ਜੋ ਕਿ ਬਾਲਾਂ-ਬਾਲੜੀਆਂ ਦੇ ਜਿਣਸੀ-ਸ਼ੋਸ਼ਣ (ਸੈਕਸੂਅਲ ਐਬਿਊਜ) ਨਾਲ ਸਬੰਧਿਤ ਹੈ। ਨਾਟਕ ਦੀ ਕਹਾਣੀ ‘ਲੋਰੀ` ਦੁਆਲੇ ਘੁੰਮਦੀ ਹੈ ਜੋ ਕਿ ‘ਸੁਰਜੂ` ਅਤੇ ‘ਪਾਲ` ਦੀ ਇਕਲੌਤੀ ਬੇਟੀ ਹੈ ਜਿਸ ਨੇ ਆਪਣੇ ਮਾਮੇ ਦੇ ਲੜਕੇ ‘ਰੈਂਡੀ` ਦੇ ਬੱਚਿਆਂ ਦੀ ਬੇਬੀ-ਸਿਟਿੰਗ ਸੁਰੂ ਕਰਨੀ ਹੈ, ਰੈਂਡੀ ਉਸ ਨੂੰ ਇਸ ਸਬੰਧੀ ਲਿਟਰੇਚਰ ਲਿਆ ਕੇ ਦਿੰਦਾ ਹੈ। ਇਸ ਲਿਟਰੇਚਰ ਨੂੰ ਪੜ੍ਹ ਕੇ ਲੋਰੀ ਨੂੰ ਇਹ ਪਤਾ ਲੱਗਦਾ ਹੈ ਕਿ ਬੇਬੀ-ਸਿਟਿੰਗ ਦੌਰਾਨ ਬੱਚਿਆਂ ਦਾ ਜਿਣਸੀ ਸੋਸ਼ਣ ਕੀਤਾ ਜਾਂਦਾ ਹੈ। ਇਹ ਗਿਆਨ ਹੁੰਦੇ ਸਾਰ ਹੀ ਲੋਰੀ ਦੀ ਸੁਰਤੀ ਉਸ ਦੇ ਬਚਪਨ ਵੱਲ ਚਲੀ ਜਾਂਦੀ ਹੈ ਜਦੋਂਂ ਰੈਂਡੀ ਉਸ ਦੀ ਬੇਬੀ-ਸਿਟਿੰਗ ਕਰਦਾ ਹੁੰਦਾ ਸੀ ਤੇ ਉਸ ਦਾ ਜਿਣਸੀ ਸੋਸ਼ਣ ਕਰਦਾ ਹੁੰਦਾ ਸੀ।
ਇਹ ਯਾਦ ਆਉਂਦੇ ਸਾਰ ਹੀ ਉਹ ਤਿਲਮਿਲਾ ਉੱਠਦੀ ਹੈ। ਰੈਂਡੀ ਵਾਸਤੇ ਉਸ ਦੇ ਮਨ ਵਿਚ ਸਖ਼ਤ ਨਫ਼ਰਤ ਜਾਗ ਉਠਦੀ ਹੈ ਤੇ ਬਦਲੇ ਦੀ ਭਾਵਨਾ ਦੀ ਅੱਗ ਭੜਕ ਉਠਦੀ ਹੈ। ਸਾਰਾ ਨਾਟਕ ਇਸ ਟੈੱਨਸ਼ਨ ‘ਤੇ ਉੱਸਰਦਾ ਹੈ। ਲੋਰੀ ਦਾ ਸਾਰਾ ਤਾਣ ਇਸ ਗੱਲ ਤੇ ਲੱਗ ਜਾਂਦਾ ਹੈ ਕਿ ਰੈਂਡੀ ਆਪਣਾ ਗੁਨਾਹ ਕਬੂਲ ਕਰੇ ਪਰ ਰੈਂਡੀ ਤੇ ਸਾਰਾ ਪਰਿਵਾਰ ਲੋਰੀ ਨੂੰ ਸਮਝਾ ਕੇ ਪਰਿਵਾਰ ਦੀ ਇੱਜ਼ਤ ਬਚਾਉਣ ਦਾ ਪੈਂਤੜਾ ਲੈ ਲੈਂਦਾ ਹੈ। ਲੋਰੀ ਦਾ ਦਾਦਾ ਵੀ ਆਪਣੇ ਹਿਸਾਬ ਨਾਲ ਕੋਸਿ਼ਸ਼਼ ਕਰਦਾ ਹੈ। ਲੋਰੀ ਘਰੋਂ ਚਲੀ ਜਾਂਦੀ ਹੈ ਅਤੇ ਮਾਮਲਾ ਪੁਲਿਸ ਕੋਲ ਚਲਾ ਜਾਂਦਾ ਹੈ। ਕਈ ਨਾਟਕੀ ਮੋੜ ਕੱਟ ਕੇ ਨਾਟਕਕਾਰ ਨੇ ਕਲਾਈਮੈਕਸ ਬੜੇ ਸੁਝਾਊ ਢੰਗ ਨਾਲ ਪੇਸ਼ ਕੀਤਾ ਹੈ। ਲੋਹੜੀ ਬਾਲੀ ਹੋਈ ਹੈ ਅਤੇ ਪਾਲ ਲੋਰੀ ਨੂੰ ਦੱਸ ਰਹੀ ਹੈ ਕਿ ਇਸ ਦਿਨ ਬੁਰਾਈ ਨੂੰ ਮਨੋਂ ਕੱਢਕੇ ਸੁੱਟ ਦਿੱਤਾ ਜਾਂਦਾ ਹੈ ਤੇ ਇਸ ਦਾ ਚਿੰਨ੍ਹ ਅੱਗ ‘ਤੇ ਤਿਲ਼ ਸੁੱਟਣਾ ਹੈ। ਉਹ ਇਸ ਤਰੀਕੇ ਨਾਲ ਲੋਰੀ ਨੂੰ ਸੁਝਾਅ ਦਿੰਦੀ ਹੈ ਕਿ ਉਹ ਰੈਂਡੀ ਨੂੰ ਮੁਆਫ਼਼ ਕਰ ਦੇਵੇ। ਇਸ ‘ਤੇ ਰੈਂਡੀ ਪਹਿਲਾਂ ਤਾਂ ਭੜਕ ਉੱਠਦੀ ਹੈ ਪਰ ਫਿਰ ਕਹਿੰਦੀ ਹੈ ਕਿ ਮੈਂ ਇਸ ਸ਼ਰਤ ਤੇ ਮੁਆਫ਼ ਕਰ ਸਕਦੀ ਹਾਂ ਕਿ ਘਰਾਂ `ਚ ਇਹੋ ਜਿਹੇ ‘ਰਿਸ਼ਤੇਦਾਰਾਂ’ ਦੇ ਹੱਥਾਂ ਵਿਚ ਬਾਲੜੀਆਂ ਦੀ ਅਸਮਤ ਮਹਿਫੂਜ਼਼ ਰਹੇ।
‘ਤਰਕਸੀਲ ਸੋਸਾਇਟੀ ਆਫ਼ ਕੈਨੇਡਾ’ ਦੇ ਪ੍ਰਬੰਧ ਹੇਠ ਖੇਡੇ ਗਏ ਇਸ ਡੇਢ ਕੁ ਘੰਟੇ ਦੇ ਨਾਟਕ ਦੌਰਾਨ ਹਾਲ ਵਿਚ ਉਤਸੁਕਤਾ ਭਰਪੂਰ ਖਾਮੋਸੀ ਛਾਈ ਰਹੀ ਅਤੇ ਵਿਸੇਸ਼ ਨਾਟਕੀ ਮੌਕਿਆਂ ‘ਤੇ ਹਾਲ ਤਾੜੀਆਂ ਨਾਲ ਗੂੰਜਦਾ ਰਿਹਾ। ਨਾਟਕ ਦੇ ਅੰਤ ‘ਤੇ ਲੱਗਭੱਗ ਸਾਰੇ ਹੀ ਦਰਸ਼ਕਾਂ ਦੀਆਂ ਅੱਖਾਂ ਨਮ ਸਨ ਅਤੇ ਉਨਾਂ ਵੱਲੋਂ ਇਸ ਵਿਚ ਭਾਗ ਲੈਣ ਵਾਲੇ ਕਲਾਕਾਰਾਂ ਨੂੰ ਸਟੈਂਡਿੰਗ-ਉਵੇਸ਼ਨ ਦਿੱਤੀ ਗਈ। ਲੋਰੀ ਦਾ ਰੋਲ ਮਨਪ੍ਰੀਤ ਰਾਯਾਤ ਨੇ ਬਾਖੂਬੀ ਨਿਭਾ ਕੇ ਖੂਬ ਪ੍ਰਸ਼ੰਸਾ ਖੱਟੀ। ਰੈਂਡੀ ਦੇ ਰੋਲ ਵਿਚ ਬਿੱਲੇ ਤੱਖਰ ਨੇ ਕਮਾਲ ਕਰ ਛੱਡੀ। ਸੁਰਜੂ ਦਾ ਰੋਲ ਦਰਸ਼ਪ੍ਰੀਤ ਕੰਬੋ, ਪਾਲ ਦਾ ਸੁਖਜੀਤ ਕੌਰ ਤ੍ਰੇਹਨ, ਦਾਦੇ ਦਾ ਗੁਰਨਾਮ ਸਿੰਘ ਥਾਂਦੀ, ਪੁਲਿਸ ਵਾਲੇ ਦਾ ਬਲਵਿੰਦਰ ਰੋਡੇ ਅਤੇ ਲੋਰੀ ਦੇ ਬਚਪਨ ਦੀ ਕੁੜੀ ਦਾ ਰੋਲ ਆਰੀਆ ਕੌਰ ਸਿੱਧੂ ਨੇ ਬਾਖੂਬੀ ਨਿਭਾਇਆ। ਲਾਈਟ ਤੇ ਸਾਊਂਂਡ ਦੀ ਜਿ਼਼ੰਮੇਵਾਰੀ ਜਸਪਾਲ ਢਿੱਲੋਂ ਨੇ ਨਿਭਾਈ ਜਦ ਕਿ ਸਟੇਜ-ਸਕੱਤਰ ਦੀ ਜਿੰ਼ਮੇਂਵਾਰੀ ਪ੍ਰੋ. ਜਗੀਰ ਸਿੰਘ ਕਾਹਲੋਂ ਨੇ ਨਿਭਾਈ। ਵੈਨਕੂਵਰ ਤੋਂ ਆਏ ਲੇਖਕ, ਨਿਰਦੇਸ਼ਕ ਅਤੇ ਕਲਾਕਾਰਾਂ ਦੇ ਸਨਮਾਨ ਸਮੇਂ ਸਾਥ ਡਾ. ਵਰਿਆਮ ਸਿੰਘ ਸੰਧੂ ਨੇ ਦਿੱਤਾ ਅਤੇ ਧੰਨਵਾਦ ਦੀ ਰਸਮ ਚਰਨਜੀਤ ਸਿੰਘ ਬਰਾੜ ਨੇ ਅਦਾ ਕੀਤੀ। ਇਸ ਮੌਕੇ ਸਕੂਲ-ਟਰੱਸਟੀ ਬਲਬੀਰ ਸੋਹੀ ਨੇ ਵੀ ਇਸ ਸਮੱਸਿਆ ਬਾਰੇ ਆਪਣੇ ਵਿਚਾਰ ਪੇਸ਼ ਕੀਤੇ।
ਦਰਸ਼ਕਾਂ ਦੇ ਚੇਤਿਆਂ ਵਿਚ ਨਾਟਕ ਦੀ ਇਹ ਪੇਸ਼ਕਾਰੀ ਲੰਮੇ ਸਮੇਂ ਤੱਕ ਛਾਈ ਰਹੇਗੀ ਅਤੇ ਬਰੈਂਪਟਨ ਦੇ ਰੰਗ-ਕਰਮੀਆਂ ਨੂੰ ਵੀ ਉਤਸ਼ਾਹਿਤ ਕਰਦੀ ਰਹੇਗੀ।

Have something to say? Post your comment
 
ਹੋਰ ਟੋਰਾਂਟੋ/ਜੀਟੀਏ ਖ਼ਬਰਾਂ
ਜੀਟੀਏ ਟੈਕਸੀ ਫਰਾਡ ਘਪਲਾ ਆਇਆ ਸਾਹਮਣੇ, ਸੈਂਕੜੇ ਲੋਕਾਂ ਨੂੰ ਲੱਗਿਆ ਲੱਖਾਂ ਦਾ ਚੂਨਾ
ਹੰਬਰਵੁੱਡ ਸੀਨੀਅਰ ਕਲੱਬ ਵੱਲੋਂ ਸਕੂਲ ਟਰਸਟੀ ਹਰਪ੍ਰੀਤ ਕੌਰ ਦਾ ਗਿੱਲ ਦਾ ਸਨਮਾਨ
ਸੀਨੀਅਰ ਏਸ਼ੀਅਨ ਐਸੋਸੀਏਸ਼ਨ ਮਾਲਟਨ ਨੇ ਸਾਥੀਆਂ ਦੇ ਜਨਮ ਦਿਨ ਮਨਾਏ
ਬਾਬੂ ਵਿਰਕ ਦੀ ਯਾਦ ਵਿਚ ਕਪੂਰਥਲਾ ਸਟੇਡੀਅਮ ਵਿਖੇ ਕਬੱਡੀ ਟੂਰਨਾਮੈਂਟ 23 ਫਰਵਰੀ ਨੂੰ
ਐੱਮ.ਪੀ. ਸੋਨੀਆ ਸਿੱਧੂ ਵੱਲੋਂ ਚੌਥੇ ਸਲਾਨਾ ਓਪਨ ਹਾਊਸ ਦਾ ਆਯੋਜਨ
ਐਮ ਪੀ ਕਮਲ ਖੈਰ੍ਹਾ ਨੇ ਬਰੈਂਪਟਨ ਵੈਸਟ ਦੇ ਵਿਭਿੰਨ ਭਾਈਚਾਰਿਆਂ ਨੂੰ ਇੱਕ ਜੁੱਟ ਕਰਨ ਲਈ ਕੀਤਾ ਨਵੇਂ ਸਾਲ ਦਾ ਜਸ਼ਨ
ਆਹਲੂਵਾਲੀਆ ਐਸੋਸੀਏਸ਼ਨ ਆਫ਼ ਨਾਰਥ ਅਮੈਰਿਕਾ ਵੱਲੋਂ 'ਲੋਹੜੀ ਗਾਲਾ ਨਾਈਟ' 12 ਜਨਵਰੀ ਨੂੰ ਮੁਕਤਸਰ ਨਿਵਾਸੀਆਂ ਵੱਲੋਂ ਚਾਲੀ ਮੁਕਤਿਆਂ ਦੀ ਯਾਦ ਵਿਚ ਅਖੰਡ ਪਾਠ ਦੇ ਭੋਗ 13 ਜਨਵਰੀ ਨੂੰ
ਕੈਨੇਡੀਅਨ ਪੰਜਾਬੀ ਸਾਹਿਤ ਸਭਾ ਟੋਰਾਂਟੋ ਦੀ ਦਸੰਬਰ ਇਕੱਤਰਤਾ `ਚ ਡਾ.ਨਾਹਰ ਸਿੰਘ ਨਾਲ ਰੂ-ਬ-ਰੂ
ਰੂਬੀ ਸਹੋਤਾ ਵੱਲੋਂ ‘ਮੇਰੇ ਦਸ਼ਮੇਸ ਗੁਰ’ ਮਿਊਜ਼ਿਕ ਵੀਡਿਓ ਰਿਲੀਜ਼