ਬਰੈਂਪਟਨ, 30 ਅਕਤੂਬਰ (ਪੋਸਟ ਬਿਊਰੋ) : ਸਿਟੀ ਆਫ ਬਰੈਂਪਟਨ ਵੱਲੋਂ ਸਥਾਨਕ ਵਾਸੀਆਂ ਤੋਂ ਇਸ ਸਬੰਧ ਵਿੱਚ ਉਨ੍ਹਾਂ ਦੀ ਰਾਇ ਮੰਗੀ ਗਈ ਹੈ ਕਿ ਬਰੈਂਪਟਨ ਵਿੱਚ ਮੈਰੀਜੁਆਨਾ ਸਬੰਧੀ ਰਿਟੇਲ ਸਟੋਰਜ ਨੂੰ ਆਪਰੇਟ ਕੀਤੇ ਜਾਣ ਦੀ ਇਜਾਜਤ ਦਿੱਤੀ ਜਾਵੇ ਜਾਂ ਨਹੀਂ।
ਟੈਲੀਫੋਨ ਉੱਤੇ ਕਰਵਾਏ ਗਏ ਸਰਵੇਖਣ ਤੇ ਆਨਲਾਈਨ ਪਬਲਿਕ ਪੋਲ ਰਾਹੀਂ ਸਿਟੀ ਕਾਉਂਸਲ ਇਸ ਮੁੱਦੇ ਉੱਤੇ ਉਨ੍ਹਾਂ ਦੇ ਵਿਚਾਰ ਜਾਨਣੇ ਚਾਹੁੰਦੀ ਹੈ। ਇਸ ਦੌਰਾਨ ਐਨਵਾਇਰੌਨਿਕਸ ਨਾਂ ਦੀ ਫਰਮ ਨੂੰ ਟੈਲੀਫੋਨ ਸਰਵੇਖਣ ਕਰਨ ਦੀ ਜਿੰਮੇਵਾਰੀ ਦਿੱਤੀ ਗਈ ਹੈ। ਇਹ ਸਰਵੇਖਣ ਇਸ ਹਫਤੇ ਦੇ ਅਖੀਰ ਵਿੱਚ ਕਰਵਾਇਆ ਜਾਵੇਗਾ। ਇਸ ਦੇ ਨਾਲ ਹੀ ਆਨਲਾਈਨ ਪੋਲ ਵੀ ਸਿਟੀ ਦੀ ਵੈੱਬਸਾਈਟ ਉੱਤੇ ਕਰਵਾਈ ਜਾ ਰਹੀ ਹੈ।
ਇਹ ਪੋਲ 9 ਨਵੰਬਰ,2018 ਨੂੰ ਰਾਤੀਂ 11:59 ਉੱਤੇ ਬੰਦ ਹੋਵੇਗੀ। ਦੋਵਾਂ ਸਰਵੇਖਣਾਂ ਦੇ ਨਤੀਜੇ 5 ਦਸੰਬਰ, 2018 ਨੂੰ ਸਿਟੀ ਕਾਉਂਸਲ ਸਾਹਮਣੇ ਪੇਸ ਕੀਤੇ ਜਾਣਗੇ ਤੇ ਉਸ ਤੋਂ ਬਾਅਦ ਹੀ ਕਾਉਂਸਲ ਇਸ ਸਬੰਧ ਵਿੱਚ ਕੋਈ ਫੈਸਲਾ ਕਰੇਗੀ।