ਟੋਰਾਂਟੋ, 21 ਜਨਵਰੀ (ਪੋਸਟ ਬਿਊਰੋ) : ਪੀਲ ਰੀਜਨਲ ਪੁਲਿਸ ਦਾ ਕਹਿਣਾ ਹੈ ਕਿ ਆਪਣੀ ਪਹਿਲੀ ਪਤਨੀ ਦਾ ਕਤਲ ਕਰਨ ਦੇ ਸ਼ੱਕ ਵਿੱਚ ਜਿਸ ਵਿਅਕਤੀ ਦੀ ਭਾਲ ਕੀਤੀ ਜਾ ਰਹੀ ਸੀ ਉਹ ਟੋਰਾਂਟੋ ਵਿੱਚ ਮ੍ਰਿਤਕ ਪਾਇਆ ਗਿਆ।
36 ਸਾਲਾ ਰਾਕੇਸ਼ਭਾਈ ਪਟੇਲ ਦੀ ਲਾਸ਼ ਸੁੱਕਰਵਾਰ ਨੂੰ ਮਿਲੀ। ਇਸ ਦੀ ਪੁਸ਼ਟੀ ਪੁਲਿਸ ਵੱਲੋਂ ਕੀਤੀ ਗਈ। ਆਪਣੀ ਪਹਿਲੀ ਪਤਨੀ 28 ਸਾਲਾ ਹੀਰਲ ਪਟੇਲ ਦੇ ਕਤਲ ਦੇ ਸਬੰਧ ਵਿੱਚ ਰਾਕੇਸ਼ਭਾਈ ਪਟੇਲ ਫਰਸਟ ਡਿਗਰੀ ਮਰਡਰ ਦੇ ਸਬੰਧ ਵਿੱਚ ਵਾਂਟਿਡ ਸੀ। ਹੀਰਲ ਦੀ ਲਾਸ਼ 13 ਜਨਵਰੀ, 2020 ਨੂੰ ਬਰੈਂਪਟਨ ਵਿੱਚ ਕੁਈਨ ਸਟਰੀਟ ਤੇ ਹਾਈਵੇਅ 50 ਨੇੜੇ ਨੈਕਸਸ ਐਵਨਿਊ ਵਿੱਚ ਗ੍ਰੀਨ ਸਪੇਸ ਉੱਤੇ ਮਿਲੀ ਸੀ।
ਪੁਲਿਸ ਨੇ ਦੱਸਿਆ ਕਿ ਰਾਕੇਸ਼ਭਾਈ ਪਟੇਲ ਦੀ ਮੌਤ ਦੀ ਜਾਂਚ ਅਜੇ ਤੱਕ ਸ਼ੁਰੂ ਨਹੀਂ ਕੀਤੀ ਗਈ ਹੈ।