ਵਾਸਿੰ਼ਗਟਨ, 16 ਜਨਵਰੀ (ਪੋਸਟ ਬਿਊਰੋ) : ਇੰਪੀਚਮੈਂਟ ਸਬੰਧੀ ਸੁਣਵਾਈ ਕਾਰਨ ਕਈ ਹਫਤਿਆਂ ਤੋਂ ਦਰਕਿਨਾਰ ਕੀਤੇ ਗਏ ਕੰਮਕਾਜ ਨੂੰ ਲੀਹ ਉੱਤੇ ਲਿਆਉਣ ਲਈ ਅਮਰੀਕੀ ਸੈਨੇਟ ਨੇ ਵੀਰਵਾਰ ਨੂੰ ਨਵੇਂ ਨੌਰਥ ਅਮੈਰੀਕਨ ਫਰੀ ਟਰੇਡ ਅਗਰੀਮੈਂਟ ਨੂੰ ਪਾਸ ਕਰ ਹੀ ਦਿੱਤਾ।
ਸੈਨੇਟ ਮੈਜੌਰਿਟੀ ਆਗੂ ਮਿੱਚ ਮੈਕੌਨਲ ਨੇ ਆਖਿਆ ਕਿ ਹਾਊਸ ਆਰ ਖ਼ਤਮ ਹੋ ਗਿਆ ਹੈ ਤੇ ਸੈਨੇਟ ਦੇ ਇਹ ਪਲ ਸਾਡੇ ਹੱਥ ਵਿੱਚ ਹਨ। ਉਨ੍ਹਾਂ ਆਖਿਆ ਕਿ ਇੱਕ ਅਹਿਮ ਫੈਸਲਾ ਹੋ ਚੱੁਕਿਆ ਹੈ ਤੇ ਸੈਨੇਟ ਨੇ ਅਮਰੀਕੀ ਲੋਕਾਂ ਲਈ ਇੱਕ ਹੋਰ ਫੈਸਲਾ ਕਰਨਾ ਹੈ। ਸੈਨੇਟ ਵਿੱਚ ਇਹ ਡੀਲ 10 ਦੇ ਮੁਕਾਬਲੇ 89 ਵੋਟਾਂ ਨਾਲ ਪਾਸ ਹੋਈ। ਦੋਵਾਂ ਪਾਰਟੀਆਂ ਵੱਲੋਂ ਇਸ ਡੀਲ ਦਾ ਸਮਰਥਨ ਕੀਤਾ ਗਿਆ।
ਜਿ਼ਕਰਯੋਗ ਹੈ ਕਿ ਯੂਨਾਈਟਿਡ ਸਟੇਟਸ ਮੈਕਸਿਕੋ ਕੈਨੇਡਾ ਅਗਰੀਮੈਂਟ, ਜਿਵੇ ਕਿ ਇਸ ਨੂੰ ਰਸਮੀ ਤੌਰ ਉੱਤੇ ਆਖਿਆ ਜਾਂਦਾ ਹੈ, ਪਹਿਲਾਂ ਹੀ ਹਾਊਸ ਆਫ ਰਿਪ੍ਰਜੈ਼ਂਟੇਟਿਵਸ ਤੋਂ ਪਾਸ ਹੋ ਚੁੱਕਿਆ ਹੈ ਤੇ ਹੁਣ ਇਹ ਰਾਸ਼ਟਰਪਤੀ ਡੌਨਲਡ ਟਰੰਪ ਦੇ ਦਸਤਖ਼ਤਾਂ ਲਈ ਵਾੲ੍ਹੀਟ ਹਾਊਸ ਲਿਜਾਇਆ ਜਾਵੇਗਾ। ਮੈਕਸਿਕੋ ਵੱਲੋਂ ਪਹਿਲਾਂ ਹੀ ਇਸ ਦੀ ਪੁਸ਼ਟੀ ਕੀਤੀ ਜਾ ਚੁੱਕੀ ਹੈ। ਇਸ ਦੇ ਪ੍ਰਭਾਵੀ ਹੋਣ ਤੋਂ ਪਹਿਲਾਂ ਹੁਣ ਕੈਨੇਡਾ ਦੀ ਪਾਰਲੀਆਮੈਂਟ ਵੱਲੋਂ ਹੀ ਇਸ ਦੀ ਪੁਸ਼ਟੀ ਕੀਤੀ ਜਾਣੀ ਬਾਕੀ ਹੈ। ਕੈਨੇਡਾ ਸਰਕਾਰ ਬਹੁਤ ਪਹਿਲਾਂ ਹੀ ਇਹ ਆਖ ਚੱੁਕੀ ਹੈ ਕਿ ਇੱਕ ਵਾਰੀ ਅਮਰੀਕਾ ਵੱਲੋਂ ਇਸ ਡੀਲ ਨੂੰ ਸਿਰੇ ਚੜ੍ਹਾਉਣ ਤੋਂ ਬਾਅਦ ਉਹ ਫੌਰੀ ਇਸ ਨੂੰ ਮਨਜ਼ੂਰੀ ਦੇ ਦੇਵੇਗੀ।
ਸੈਨੇਟਰ ਚੱਕ ਗ੍ਰੈਸਲੇ, ਜੋ ਕਿ ਲੋਵਾ ਤੋਂ ਰਿਪਬਲਿਕਨ ਹਨ, ਨੇ ਆਖਿਆ ਕਿ ਹੁਣ ਅਸੀਂ ਇਹ ਆਸ ਕਰਦੇ ਹਾਂ ਕਿ ਕੈਨੇਡਾ ਵੀ ਜਲਦ ਤੋਂ ਜਲਦ ਇਸ ਡੀਲ ਦੀ ਪੁਸ਼ਟੀ ਕਰ ਦੇਵੇਗਾ।