Welcome to Canadian Punjabi Post
Follow us on

17

November 2018
ਜੀਟੀਏ

‘ਅਸੀਂ ਲਿੰਡਾ ਦੇ ਨਾਲ ਹਾਂਂ’

October 22, 2018 07:48 AM

ਸੋਸ਼ਲ ਮੀਡੀਆ `ਤੇ ਸੁਨੇਹਾ ਹੋਇਆ ਵਾਇਰਲ  

ਬਰੈਂਪਟਨ, 21 ਅਕਤੂਬਰ (ਪੋਸਟ ਬਿਊਰੋ)- ਅੱਜ ਓਂਟਾਰੀਓ ਵਿਚ ਮਿਉਂਸਪਲ ਚੋਣਾਂ ਦਾ ਦਿਨ ਹੈ। ਟੋਰਾਂਟੋ, ਮਿਸੀਸਾਗਾ, ਮਾਰਖਮ, ਮਿਲਟਨ ਆਦਿ ਸ਼ਹਿਰਾਂ ਦੇ ਮੇਅਰ ਦੀ ਚੋਣ ਵਿਚ ਬਹੁਤੀ ਰੱਦੋ ਬਦਲ ਨਜ਼ਰ ਨਹੀਂ ਆ ਰਹੀ। ਬਰੈਂਪਟਨ ਵਿਚ ਮੇਅਰ ਦੀ ਚੋਣ ਦਾ ਅਖਾੜਾ ਪੂਰੀ ਤਰ੍ਹਾਂ ਭਖਿਆ ਹੋਇਆ ਹੈ। ਵੱਖ-ਵੱਖ ਸਰਵੇਖਣਾਂ ਨੇ ਲਿੰਡਾ ਜਾਫਰੀ ਤੇ ਪੈਟ੍ਰਿਕ ਨੂੰ ਬਰਾਬਰ ਦਿਖਾਇਆ ਹੈ। ਇਨ੍ਹਾਂ ਸਰਵੇਖਣਾਂ ਦੇ ਆਉਣ ਤੋਂ ਬਾਅਦ ਜੋ ਲੋਕ ਲਿੰਡਾ ਜਾਫਰੀ ਦੀ ਜਿੱਤ ਯਕੀਨੀ ਸਮਝਦੇ ਸਨ, ਉਹ ਪੂਰੀ ਤਰ੍ਹਾਂ ਸਰਗਰਮ ਹੋ ਚੁੱਕੇ ਹਨ ਤੇ ਤੀਜੇ ਤੇ ਚੌਥੇ ਨੰਬਰ `ਤੇ ਆ ਰਹੇ ਉਮੀਦਵਾਰਾਂ ਦੀ ਹਿਮਾਇਤ `ਤੇ ਵੀ ਕੰਮ ਕਰਦੇ ਨਜ਼ਰ ਆ ਰਹੇ ਹਨ। ਚੋਣ ਪ੍ਰਚਾਰ ਕੱਲ ਤੋਂ ਬੰਦ ਹੋ ਚੁੱਕਿਆ ਹੈ, ਪਰ ਸੋਸ਼ਲ ਮੀਡੀਆ `ਤੇ ਇਸ ਸਮੇਂ ਵੱਖ-ਵੱਖ ਉਮੀਦਵਾਰਾਂ ਦੇ ਇਸ਼ਤਿਆਰ ਘੁੰਮ ਰਹੇ ਹਨ, ਜਿਨ੍ਹਾਂ ਵਿਚੋਂ ਬਹੁ ਗਿਣਤੀ ‘ਅਸੀਂ ਲਿੰਡਾਂ ਦੇ ਨਾਲ ਹਾਂ’ ਦੀ ਹੈ। ਇਸ ਚੋਣ ਮੁਹਿੰਮ ਦੌਰਾਨ ਬਹੁਤ ਸਾਰੇ ਰਾਜਨੀਤਿਕ, ਧਾਰਮਿਕ, ਸਮਾਜਿਕ ਤੇ ਖੇਡ ਸੰਗਠਨਾਂ ਨੇ ਆਪਣੇ ਚਹੇਤੇ ਉਮੀਦਵਾਰਾਂ ਨੂੰ ਸਮਰਥਨ ਦੇਣ ਦਾ ਐਲਾਨ ਵੀ ਖੁਲੇ੍ਹਆਮ ਕੀਤਾ ਹੋਇਆ ਹੈ। ਬਰੈਂਪਟਨ ਤੋਂ ਐਮਪੀ ਰੂਬੀ ਸਹੋਤਾ, ਕਮਲ ਖਹਿਰਾ, ਸੋਨੀਆ ਸਿੱਧੂ, ਰਮੇਸ਼ਵਰ ਸੰਘਾ ਤੇ ਰਾਜ ਗਰੇਵਾਲ, ਐਮਪੀਪੀ ਪ੍ਰਭਮੀਤ ਸਰਕਾਰੀਆ, ਸਾਰਾ ਸਿੰਘ (ਡਿਪਟੀ ਲੀਡਰ ਐਨਡੀਪੀ ਪਾਰਟੀ), ਕੈਬਿਨ ਯਾਰਡ ਅਤੇ ਗੁਰਰਤਨ ਸਭ ਨੇ ਲਿੰਡਾ ਦੀ ਹਿਮਾਇਤ ਦੀ ਅਪੀਲ ਕੀਤੀ ਹੈ। ਇਸੇ ਤਰ੍ਹਾਂ ਕੌਂਸਲਰ, ਰੀਜਨਲ ਕੌਂਸਲਰ ਤੇ ਸਕੂਲ ਟਰੱਸਟੀ ਲਈ ਮੈਦਾਨ ਵਿਚ ਉਮੀਦਵਾਰਾਂ ਨੇ ਵੀ ਆਪਣੀ ਪੂਰੀ ਸਲੇਟ ਤਿਆਰ ਕਰਕੇ ਲਿੰਡਾ ਦੀ ਹਿਮਾਇਤ ਦਾ ਐਲਾਨ ਕੀਤਾ ਹੋਇਆ ਹੈ। ਦੂਸਰੇ ਪਾਸੇ ਪੈਟ੍ਰਿਕ ਬ੍ਰਾਊਨ ਨੂੰ ਜਿ਼ਆਦਾਤਰ ਰਿਟਾਇਰ ਹੋ ਰਹੇ ਕੌਂਸਲ ਮੈਬਰ, ਸਾਬਕਾ ਐਮਪੀ ਗੁਰਬਖਸ਼ ਮੱਲ੍ਹੀ ਤੇ ਵੱਖ-ਵੱਖ ਹਿੰਦੂ ਸੰਸਥਾਵਾਂ ਤੋਂ ਸਮਰਥਨ ਹਾਸਿਲ ਹੋ ਚੁੱਕਿਆ ਹੈ। ਦੂਜੇ ਪਾਸੇ ਲੇਬਰ ਯੂਨੀਅਨ ਤੇ ਓਂਟਾਰੀਓ ਗੁਰਦੁਆਰਾਜ਼ ਕਮੇਟੀ ਵੀ ਪੂਰੀ ਤਰ੍ਹਾਂ ਲਿੰਡਾ ਜਾਫਰੀ ਨਾਲ ਡਟ ਚੁੱਕੀ ਹੈ। ਸਾਬਕਾ ਐਮਪੀ ਗੁਰਬਖਸ਼ ਮੱਲ੍ਹੀ ਵਲੋਂ ਪੈਟ੍ਰਿਕ ਬ੍ਰਾਊਨ ਦੀ ਹਿਮਾਇਤ ਕੀਤੇ ਜਾਣ ਤੋਂ ਬਾਅਦ ਕੁੱਝ ਸਿੱਖ ਸੰਸਥਾਵਾਂ ਨੇ ਇਤਰਾਜ਼ ਜਤਾਉਦਿਆਂ ਕਿਹਾ ਹੈ ਕਿ ਜਿਹੜੇ ਲੋਕ ਜੈਨੋਸਾਈਡ ਦਾ ਮੋਸ਼ਨ ਲਿਆਉਣ ਕਰਕੇ ਹਰਿੰਦਰ ਮੱਲ੍ਹੀ ਦਾ ਵਿਰੋਧ ਕਰ ਰਹੇ ਸਨ, ਅੱਜ ਗੁਰਬਖਸ਼ ਮੱਲ੍ਹੀ ਉਨ੍ਹਾਂ ਨਾਲ ਜਾ ਖੜ੍ਹਿਆ ਹੈ ਤੇ ਜਿਹੜੇ ਲੋਕ ਹਰਿੰਦਰ ਮੱਲ੍ਹੀ ਦੀ ਹਿਮਾਇਤ ਕਰਦੇ ਸਨ, ਉਹ ਲਿੰਡਾ ਜਾਫਰੀ ਨਾਲ ਖੜ੍ਹੇ ਹਨ।

ਭਾਵੇ ਮੁੱਖ ਧਾਰਾ ਦਾ ਮੀਡੀਆ ਕਹਿੰਦਾ ਹੈ ਕਿ ਪੈਟ੍ਰਿਕ ਬ੍ਰਾਊਨ ਦੀ ਗ੍ਰਾਊਡ ਗੇਮ ਕਾਫ਼ੀ ਮਜਬੂਤ ਹੈ, ਪਰ ਸਥਾਨਕ ਲੋਕਾਂ ਵਲੋਂ ਰੱਖੇ ਪ੍ਰੋਗਰਾਮਾਂ ਉਤੇ ਨਜ਼ਰ ਮਾਰੀਏ ਤਾਂ ਲਿੰਡਾ ਜਾਫਰੀ ਦੀ ਹਰ ਰੈਲੀ ਨੂੰ ਵੱਡਾ ਹੁੰਗਾਰਾ ਮਿਲਿਆ ਹੈ। ਅੱਜ ਫੈਸਲਾ ਵੋਟਰਾਂ ਹੱਥ ਹੈ, ਉਨ੍ਹਾਂ ਹੀ ਫੈਸਲਾ ਕਰਨਾ ਹੈ ਕਿ ਇਸ ਸ਼ਹਿਰ ਦੀ ਵਾਂਗਡੋਰ ਫੇਰ ਲਿੰਡਾ ਜਾਫਰੀ ਨੂੰ ਸੌਪਣੀ ਹੈ ਜਾਂ ਐਨ ਆਖਰੀ ਮੌਕੇ ਬਰੈਪਟਨ ਦਾ ਵਸਨੀਕ ਬਣ ਕੇ ਮੈਦਾਨ ਵਿਚ ਕੁੱਦਣ ਵਾਲੇ ਪੈਟ੍ਰਿਕ ਬ੍ਰਾਊਨ ਨੂੰ।

ਜਿਥੇ ਮੇਅਰ ਦੀ ਚੋਣ ਦਿਲਚਸਪ ਹੈ, ਉਥੇ ਹੀ ਵਾਰਡ 9 ਤੇ 10 ਤੋਂ ਗੁਰਪ੍ਰੀਤ ਢਿੱਲੋਂ, ਹਰਕੀਰਤ ਸਿੰਘ, ਵਾਰਡ 3 ਤੇ 4 ਤੋਂ ਹਰਪ੍ਰੀਤ ਹੰਸਰਾ, ਵਾਰਡ 2 ਤੇ 6 ਤੋਂ ਗੁਰਪ੍ਰੀਤ ਬੈਂਸ, ਵਾਰਡ 7 ਤੇ 8 ਤੋਂ ਫਸਵਾਂ ਮੁਕਾਬਲਾ ਰਹੇਗਾ ਮਾਰਟਨ ਸਿੰਘ ਤੇ ਹਰਵੀਨ ਧਾਲੀਵਾਲ ਦਾ। ਕੁਲ ਮਿਲਾ ਕੇ ਇਸ ਵਾਰ ਬਰੈਂਪਟਨ ਦੀ ਕੌਂਸਲ ਪਹਿਲਾਂ ਨਾਲੋਂ ਕਾਫ਼ੀ ਵਿਭਿੰਨ ਹੋਵੇਗੀ, ਕਿਉਕਿ ਰਵੀਨਾ ਸੰਤੋਸ਼ ਤੇ ਪਾਲ ਵਸੈਟੀ ਦੇ ਜਿੱਤਣ ਦੇ ਵੀ ਪੂਰੇ ਆਸਾਰ ਹਨ।

Have something to say? Post your comment
 
ਹੋਰ ਜੀਟੀਏ ਖ਼ਬਰਾਂ
ਕਮਿਊਨਿਸਟ ਪਾਰਟੀ ਆਫ਼ ਕੈਨੇਡਾ ਵੱਲੋਂ ਫ਼ੋਰਡ ਸਰਕਾਰ ਦੀਆਂ ਲੋਕ ਵਿਰੋਧੀ ਨੀਤੀਆਂ ਖਿ਼ਲਾਫ਼ ਮੁਜ਼ਾਹਰਾ
ਯੂਨਾਈਟਿਡ ਸਪੋਰਟਸ, ਸਿੱਖ ਸਪੋਰਟਸ ਤੇ ਪੰਜਾਬ ਸਪੋਰਟਸ ਕੈਨੇਡਾ ਵੱਲੋਂ ਮੇਅਰ ਪੈਟ੍ਰਿਕ ਬਰਾਊਨ ਲਈ ਕੀਤਾ ਗਿਆ ਸੁਆਗ਼ਤੀ-ਡਿਨਰ
"ਸੀ.ਆਰ.ਟੀ.ਸੀ. ਨੂੰ ਇੰਟਰਨੈੱਟ ਪ੍ਰੋਵਾਈਡਰਾਂ ਵੱਲੋਂ 'ਕੋਡ ਆਫ਼ ਕੰਡੱਕਟ' ਲਈ ਤੁਹਾਡੇ ਵਿਚਾਰਾਂ ਦੀ ਜ਼ਰੂਰਤ ਹੈ" : ਸੋਨੀਆ ਸਿੱਧੂ
ਐਮਾਜ਼ੋਨ ਦੇ ਚਲੇ ਜਾਣ ਦੇ ਸੋਗ ਨੂੰ ਜਿੱਤ ਵਾਗੂੰ ਮਨਾ ਰਿਹਾ ਹੈ ਬਰੈਂਪਟਨ
ਸਵਾਮੀ ਆਨੰਦ ਗਿਰੀ ਵੱਲੋਂ ਪਰਵਾਸੀ ਭਾਰਤੀਆਂ ਨੂੰ ਕੁੰਭ ਦੇ ਮੇਲੇ ਵਿੱਚ ਸ਼ਾਮਲ ਹੋਣ ਦਾ ਸੱਦਾ
ਦਰਸ਼ਕਾਂ ਦੇ ਮਨਾਂ `ਤੇ ਗਹਿਰੀ ਛਾਪ ਛੱਡ ਗਿਆ ਨਾਟਕ 'ਮੈਲੇ ਹੱਥ'
ਸੀਨੀਅਰਜ਼ ਐਸੋਸੀਏਸ਼ਨ ਵੱਲੋਂ ਸੀਨੀਅਰਜ਼ ਦੀਆਂ ਸਮੱਸਿਆਵਾਂ ਸਬੰਧੀ ਐਮ ਪੀ ਰਾਜ ਗਰੇਵਾਲ ਨਾਲ ਵਿਚਾਰ ਵਟਾਂਦਰਾ
ਤੇਰਵੇਂ ਪੰਜਾਬੀ ਲਿਖਾਈ ਮੁਕਾਬਲੇ ਸਫ਼ਲਤਾ-ਪੂਰਵਕ ਹੋਏ ਸੰਪੰਨ
ਗੁਰਪ੍ਰੀਤ ਬੈਂਸ ਨੇ ਕੀਤਾ ਵੋਟਰਾਂ ਦਾ ਧੰਨਵਾਦ
ਅਮਰੀਕਾ ਅਤੇ ਮੈਕਸੀਕੋ ਨਾਲ ਨਵੀਂ ਟਰੇਡ ਸੰਧੀ ਕੈਨੇਡਾ ਲਈ ਲਾਭਕਾਰੀ ਕਮਲ ਖੈਹਰਾ