ਕੈਨਬਰਾ, 16 ਜੁਲਾਈ (ਪੋਸਟ ਬਿਊਰੋ): ਆਸਟਰੇਲੀਆ ਵਿੱਚ, (British zoologist) ਜੀਵ ਵਿਗਿਆਨ ਮਾਹਰ ਐਡਮ ਬ੍ਰਿਟਨ ਨੂੰ ਕੁੱਤਿਆਂ ਨਾਲ ਬਲਾਤਕਾਰ ਅਤੇ ਉਨ੍ਹਾਂ ਨੂੰ ਮਾਰਨ ਦੇ ਮਾਮਲੇ ਵਿੱਚ 249 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। 52 ਸਾਲਾ ਐਡਮ ਮਗਰਮੱਛਾਂ ਦਾ ਮਾਹਿਰ ਹੈ। ਪਿਛਲੇ ਸਾਲ ਉਸ ਨੇ ਜਾਨਵਰਾਂ ਨਾਲ ਬੇਰਹਿਮੀ ਨਾਲ ਜੁੜੇ 60 ਦੋਸ਼ਾਂ ਨੂੰ ਸਵੀਕਾਰ ਕੀਤਾ ਸੀ।
ਏਬੀਸੀ ਦੀ ਰਿਪੋਰਟ ਮੁਤਾਬਕ ਐਡਮ ਬ੍ਰਿਟਿਸ਼ ਨਾਗਰਿਕ ਹੈ। ਉਹ ਆਸਟ੍ਰੇਲੀਆ ਦੇ ਡਾਰਵਿਨ ਵਿੱਚ ਆਪਣੇ ਘਰ ਵਿੱਚ ਕੁੱਤਿਆਂ ਨੂੰ ਤਸੀਹੇ ਦਿੰਦਾ ਸੀ। ਉਨ੍ਹਾਂ ਨਾਲ ਬਲਾਤਕਾਰ ਕਰਨ ਤੋਂ ਬਾਅਦ ਉਨ੍ਹਾਂ ਦਾ ਕਤਲ ਕਰਦਾ ਸੀ। ਇਸ ਤੋਂ ਇਲਾਵਾ ਉਹ ਇਹ ਸਭ ਰਿਕਾਰਡ ਵੀ ਕਰਦਾ ਸੀ। ਐਡਮ ਨੇ ਕੁੱਤਿਆਂ ਨਾਲ ਬਲਾਤਕਾਰ ਕਰਨ ਲਈ 'ਟੌਰਚਰ ਰੂਮ' ਵੀ ਬਣਾਇਆ ਹੋਇਆ ਸੀ।
ਐਡਮ ਨੇ ਗਮਟਰੀ ਆਸਟ੍ਰੇਲੀਆ ਨਾਂ ਦੀ ਵੈੱਬਸਾਈਟ ਰਾਹੀਂ 42 ਕੁੱਤੇ ਖਰੀਦੇ ਸਨ। ਉਸ ਨੇ ਕਿਹਾ ਸੀ ਕਿ ਉਹ ਇਨ੍ਹਾਂ ਕੁੱਤਿਆਂ ਨੂੰ ਨਵਾਂ ਘਰ ਦੇਵੇਗਾ। ਇਸ ਤੋਂ ਬਾਅਦ ਉਸ ਨੇ ਇਨ੍ਹਾਂ ਕੁੱਤਿਆਂ ਨੂੰ ਇੱਕ ਸ਼ੀਪਿੰਗ ਕੰਟੇਨਰ ਵਿੱਚ ਰੱਖਿਆ। ਰਿਪੋਰਟ ਮੁਤਾਬਕ 2020 ਤੋਂ 2022 ਦਰਮਿਆਨ ਐਡਮ ਨੇ 39 ਕੁੱਤਿਆਂ ਨਾਲ ਬਲਾਤਕਾਰ ਕੀਤਾ।
ਉਸ ਨੇ ਬਲਾਤਕਾਰ ਦੀਆਂ ਜੋ ਵੀਡੀਓ ਬਣਾਈਆਂ ਸਨ, ਉਹ ਵੀ ਉਸ ਨੇ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀਆਂ ਸਨ। ਇਸ ਦੌਰਾਨ ਉਸ ਨੇ 'ਮੌਨਸਟਰ' ਨਾਂ ਨਾਲ ਬਣਾਈ ਗਈ ਪ੍ਰੋਫਾਈਲ ਦੀ ਵਰਤੋਂ ਕੀਤੀ, ਤਾਂਕਿ ਕੋਈ ਉਸ ਨੂੰ ਪਛਾਣ ਨਾ ਸਕੇ। ਜਾਣਕਾਰੀ ਮੁਤਾਬਕ 2022 'ਚ ਇਕ ਵਿਅਕਤੀ ਨੇ ਐਡਮ ਖਿਲਾਫ ਸਿ਼ਕਾਇਤ ਦਰਜ ਕਰਵਾਈ ਸੀ।
ਇਸ ਤੋਂ ਬਾਅਦ ਪੁਲਿਸ ਨੇ ਡਾਰਵਿਨ ਸਥਿਤ ਉਸਦੇ ਘਰ 'ਤੇ ਛਾਪਾ ਮਾਰਿਆ, ਜਿੱਥੇ ਜਾਨਵਰਾਂ ਦੇ ਸ਼ੋਸ਼ਣ ਨਾਲ ਜੁੜੇ ਕਈ ਸਬੂਤ ਮਿਲੇ ਹਨ। ਪੁਲਿਸ ਨੇ ਅਪ੍ਰੈਲ 2022 ਵਿਚ ਐਡਮ ਨੂੰ ਗ੍ਰਿਫਤਾਰ ਕੀਤਾ ਸੀ। 11 ਜੁਲਾਈ ਨੂੰ ਅਦਾਲਤ ਵਿਚ ਸੁਣਵਾਈ ਦੌਰਾਨ ਐਡਮ ਦੇ ਵਕੀਲ ਨੇ ਉਸ ਦੀ ਮਾਨਸਿਕ ਸਥਿਤੀ ਦਾ ਹਵਾਲਾ ਦਿੰਦੇ ਹੋਏ ਘੱਟ ਸਜ਼ਾ ਦੀ ਅਪੀਲ ਕੀਤੀ ਸੀ।