ਵਾਸਿੰ਼ਗਟਨ, 15 ਜੁਲਾਈ (ਪੋਸਟ ਬਿਊਰੋ): ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ 'ਤੇ ਐਤਵਾਰ ਸਵੇਰੇ ਜਾਨਲੇਵਾ ਹਮਲਾ ਹੋਇਆ। ਪੈਨਸਿਲਵੇਨੀਆ ਵਿੱਚ ਇੱਕ ਚੋਣ ਰੈਲੀ ਵਿੱਚ ਹੋਈ ਗੋਲੀਬਾਰੀ ਵਿੱਚ ਇੱਕ ਗੋਲੀ ਉਨ੍ਹਾਂ ਦੇ ਕੰਨ ਨੂੰ ਛੂਹਕੇ ਨਿਕਲ ਗਈ। ਇਸ 'ਚ ਉਹ ਵਾਲ-ਵਾਲ ਬਚ ਗਏ। 15 ਮਿੰਟਾਂ ਬਾਅਦ, ਤਸਵੀਰ ਸਾਹਮਣੇ ਆਈ ਜਿਸ ਵਿੱਚ ਟਰੰਪ ਦੇ ਚਿਹਰੇ 'ਤੇ ਖੂਨ ਸੀ ਅਤੇ ਆਪਣੀ ਮੁੱਠੀ ਹਵਾ ਵਿੱਚ ਲਹਿਰਾ ਰਹੇ ਸਨ ਅਤੇ 'ਫਾਈਟ-ਫਾਈਟ' ਕਹਿ ਰਹੇ ਸਨ।
ਇਸ ਘਟਨਾ ਦੇ 2 ਘੰਟੇ ਬਾਅਦ ਹੀ ਚੀਨੀ ਈ-ਕਾਮਰਸ ਕੰਪਨੀ ਤਾਓਬਾਓ 'ਤੇ ਟਰੰਪ 'ਤੇ ਹਮਲੇ ਦੀ ਤਸਵੀਰ ਵਾਲੀ ਟੀ-ਸ਼ਰਟ ਵਿਕਣ ਲੱਗੀ। ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਦੀ ਰਿਪੋਰਟ ਮੁਤਾਬਕ ਚੀਨ ਤੋਂ ਇਲਾਵਾ ਅਮਰੀਕਾ ਤੋਂ ਵੀ ਇਨ੍ਹਾਂ ਟੀ-ਸ਼ਰਟਾਂ ਦੇ ਆਰਡਰ ਆ ਰਹੇ ਹਨ। ਇੱਕ ਟੀ-ਸ਼ਰਟ ਦੀ ਕੀਮਤ ਕਰੀਬ 450 ਰੁਪਏ ਹੈ।
ਲੋਕ ਵੱਖ-ਵੱਖ ਸਲੋਗਨ ਲਿਖ ਕੇ ਟਰੰਪ ਦੀ ਇਸ ਤਸਵੀਰ ਵਾਲੀ ਟੀ-ਸ਼ਰਟ ਡਿਜ਼ਾਈਨ ਕਰ ਰਹੇ ਹਨ। ਕੁਝ ਟੀ-ਸ਼ਰਟਾਂ 'ਤੇ 'ਸ਼ੂਟਿੰਗ ਮੇਕਸ ਮੀ ਸਟਰਾਂਗ', ਆਈ ਵਿਲ ਨੈਵਰ ਸਟਾਪ ਅਤੇ ਕਿਸੇ `ਤੇ ਫਾਈਟ ਨੈਵਰ ਸਰੇਂਡਰ, ਲਿਖਿਆ ਹੋਇਆ ਹੈ।