ਵਸੀਮ ਰੋ ਰਿਹਾ ਸੀ।
ਪਾਪਾ, ‘‘ਕਿਉਂ ਰੋ ਰਿਹਾ ਏਂ ਬੇਟਾ?”
ਵਸੀਮ, ‘‘ਮੇਰੇ 100 ਰੁਪਏ ਗੁੰਮ ਹੋ ਗਏ।”
ਪਾਪਾ, ‘‘ਕੋਈ ਗੱਲ ਨਹੀਂ, ਇਹ ਲੈ 100 ਰੁਪਏ। ਇਨ੍ਹਾਂ ਨੂੰ ਸੰਭਾਲ ਕੇ ਰੱਖ।”
ਵਸੀਮ ਹੋਰ ਜ਼ੋਰ ਨਾਲ ਰੋਣ ਲੱਗਾ।
ਪਾਪਾ, ‘‘ਕੀ ਹੋਇਆ?”
ਵਸੀਮ, ‘‘ਪਹਿਲਾਂ ਪਤਾ ਹੁੰਦਾ ਤਾਂ 1000 ਰੁਪਏ ਕਹਿੰਦਾ।”
*********
ਇੱਕ ਵਾਰ ਕੁਮਾਰ ਮਾਈਕ੍ਰੋਸਾਫਟ ਕੰਪਨੀ ਵਿੱਚ ਇੰਟਰਵਿਊ ਦੇਣ ਗਿਆ।
ਇੰਟਰਵਿਊ ਲੈਣ ਵਾਲਾ, ‘‘ਜਾਵਾ ਦੇ ਚਾਰ ਰੂਪ ਦੱਸੋ।”
ਕੁਮਾਰ, ‘ਮਰ ਜਾਵਾਂ, ਮਿਟ ਜਾਵਾਂ, ਲੁਟ ਜਾਵਾਂ ਅਤੇ ਸਦਕੇ ਜਾਵਾਂ।”
ਇੰਟਰਵਿਊ ਲੈਣ ਵਾਲਾ, ‘‘ਸਾਬਾਸ਼! ਏਥੋਂ ਸਿੱਧਾ ਘਰ ਜਾਵਾਂ ਕਹਿ ਕੇ ਵਾਪਸ ਤੁਰ ਪਓ।”
*********
ਮੱਛਰਾਂ ਤੋਂ ਤੰਗ ਆ ਕੇ ਪੰਮਾ ਦਵਾਈਆਂ ਦੀ ਦੁਕਾਨ ਉੱਤੇ ਗਿਆ।
ਕੈਮਿਸਟ, ‘‘ਹਾਂ ਜੀ ਦੱਸੋ ਕੀ ਚਾਹੀਦਾ ਹੈ?”
ਪੰਮਾ, ‘‘ਜ਼ਹਿਰ ਦੀ ਗੋਲੀ।”
ਕੈਮਿਸਟ, ‘‘ਕਿਉਂ?”
ਪੰਮਾ, ‘‘ਰਾਤ ਮੱਛਰ ਬਹੁਤ ਕੱਟਦੇ ਹਨ। ਖਾ ਕੇ ਸੌਂਵਾਗਾ। ਕੱਟਣਗੇ ਤਾਂ ਕੰਬਖਤ ਸਾਰੇ ਮਰ ਜਾਣਗੇ।”