ਅਦਿਤੀ ਰਾਓ ਹੈਦਰੀ ਨੂੰ ਫਿਲਮਾਂ ਵਿੱਚ ਕੰਮ ਕਰਦੇ ਲੰਬਾ ਅਰਸਾ ਹੋ ਚੁੱਕਾ ਹੈ, ਪਰ ਅੱਜ ਵੀ ਹਰ ਫਿਲਮ ਦੇ ਸ਼ੁਰੂ ਵਿੱਚ ਉਸ ਨੂੰ ਇੱਕ ਨਿਊਕਮਰ, ਭਾਵ ਨਵੀਂ ਕਲਾਕਾਰ ਦਾ ਅਹਿਸਾਸ ਹੁੰਦਾ ਹੈ। ਅਦਿਤੀ ਨੇ ਦੱਸਿਆ, ‘‘ਹਰ ਫਿਲਮ ਦੇ ਨਾਲ ਮੈਨੂੰ ਨਵੀਂ ਕਲਾਕਾਰ ਦਾ ਅਹਿਸਾਸ ਹੁੰਦਾ ਹੈ। ਜਦ ਮੈਂ ਸੈੱਟ 'ਤੇ ਆਉਂਦੀ ਹਾਂ ਤਾਂ ਇਹ ਨਵਾਂ ਕਿਰਦਾਰ ਹੁੰਦਾ ਹੈ, ਨਵੇਂ ਕੋ-ਸਟਾਰਸ ਹੁੰਦੇ ਹਨ, ਨਵਾਂ ਘਰ, ਨਵਾਂ ਸੈੱਟ, ਨਵੀਂ ਲੋਕੇਸ਼ਨ ਹੁੰਦੀ ਹੈ। ਸਭ ਕੁਝ ਵੱਖ ਹੁੰਦਾ ਹੈ।”
ਉਹ ਅੱਗੇ ਕਹਿੰਦੀ ਹੈ, ‘‘ਸੈੱਟ 'ਤੇ ਆਉਣ ਦੇ ਬਾਅਦ ਜਦ ਐਕਸ਼ਨ ਕਿਹਾ ਜਾਂਦਾ ਹੈ ਮੈਨੂੰ ਪਤਾ ਨਹੀਂ ਰਹਿੰਦਾ ਕਿ ਮੈਂ ਕੀ ਕਰਨ ਵਾਲੀ ਹਾਂ। ਮੈਨੂੰ ਘਬਰਾਹਟ ਹੁੰਦੀ ਹੈ। ਨਹੀਂ ਪਤਾ ਹੁੰਦਾ ਕਿ ਮੈਂ ਆਪਣੇ ਕਿਰਦਾਰ ਨਾਲ ਨਿਆਂ ਕਰ ਸਕਾਂਗੀ ਜਾਂ ਨਹੀਂ। ਮੇਰੇ ਡਾਇਰੈਕਟਰ ਨੂੰ ਮੇਰੇ ਕੰਮ ਤੋਂ ਸੰਤੁਸ਼ਟੀ ਹੋਵੇਗੀ ਜਾਂ ਨਹੀਂ। ਕੀ ਮੈਂ ਉਨ੍ਹਾਂ ਦੇ ਸੋਚੇ ਕਿਰਦਾਰ ਵਿੱਚ ਜਾਨ ਪਾ ਸਕਾਂਗੀ, ਕੀ ਉਨ੍ਹਾਂ ਦੇ ਚਿਹਰੇ 'ਤੇ ਮੁਸਕਾਨ ਲਿਆ ਸਕਾਂਗੀ ਵਗੈਰਾ।” ਅਗਲੇ ਸਮੇਂ ਵਿੱਚ ਅਦਿਤੀ ਤਮਿਲ ਫਿਲਮ ‘ਹੇ ਸਿਨਾਮਿਕਾ’ ਕੀ ਭਾਸ਼ਾਵਾਂ ਵਿੱਚ ਬਣ ਰਹੀ ਫਿਲਮ ‘ਮਹਾ ਸਮੁੰਦਰਮ’ ਅਤੇ ‘ਅਜੀਬ ਦਾਸਤਾਂਸ’ 'ਚ ਆਉਣ ਵਾਲੀ ਹੈ।