ਇਹ ਗੱਲ ਨਹੀਂ ਕਿ ਜਨ੍ਹਵੀ ਕਪੂਰ ਨੇ ਛੇਤੀ ਵਿਆਹ ਕਰਨ ਦਾ ਮਨ ਬਣਾ ਲਿਆ ਹੈ, ਦਰਅਸਲ ਪਿੱਛੇ ਜਿਹੇ ਉਸ ਨੇ ਇੱਕ ਮੈਗਜ਼ੀਨ ਦੇ ਕਵਰ ਲਈ ਖੂਬਸੂਰਤ ਫੋਟੋਸ਼ੂਟ ਕਰਵਾਇਆ ਤੇ ਇੰਟਰਵਿਊ ਵਿੱਚ ਆਪਣੇ ਵਿਆਹ ਬਾਰੇ ਆਪਣੇ ਸੁਫਨਿਆਂ ਅਤੇ ਇੱਛਾਵਾਂ ਬਾਰੇ ਵੀ ਕਈ ਖੁਲਾਸੇ ਕੀਤੇ। ਜਾਨ੍ਹਵੀ ਨੇ ਆਪਣੇ ਵਿਆਹ ਦੀ ਯੋਜਨਾ ਤੋਂ ਪਰਦਾ ਚੁੱਕਦੇ ਹੋਏ ਇਸ ਦੇ ਪਲਾਨ, ਵੈਨਿਊ ਅਤੇ ਦੁਲਹਨ ਦਾ ਜੋੜਾ ਆਦਿ ਬਾਰੇ ਦੱਸਿਆ। ਉਸ ਨੇ ਆਪਣੇ ਪਸੰਦੀਦਾ ਜੀਵਨ ਸਾਥੀ ਅਤੇ ਇਸ ਬਾਰੇ ਦੱਸਿਆ ਕਿ ਉਸ ਦੀ ਸਵਰਗੀ ਮਾਂ ਸ੍ਰੀਦੇਵੀ ਨੂੰ ਉਸ ਲਈ ਕਿਸ ਤਰ੍ਹਾਂ ਦਾ ਲੜਕਾ ਪਸੰਦ ਸੀ।
ਹੋਣ ਵਾਲੇ ਜੀਵਨ ਸਾਥੀ ਬਾਰੇ ਆਪਣੀ ਪਸੰਦ ਬਾਰੇ ਉਸ ਨੇ ਕਿਹਾ, ‘‘ਉਹ ਇਨਸਾਫ ਬਹੁਤ ਟੈਲੇਂਟਿਡ ਹੋਵੇ ਅਤੇ ਖੁਦ ਨੂੰ ਲੈ ਕੇ ਉਸ 'ਚ ਇੱਕ ਤਰ੍ਹਾਂ ਦਾ ਜਨੂੰਨ ਹੋਣਾ ਚਾਹੀਦੈ। ਮੈਂ ਉਸ ਤੋਂ ਕੁਝ ਸਿੱਖਣ ਲਈ ਬਹੁਤ ਉਤਸ਼ਾਹਤ ਹਾਂ। ਇਸ ਦੇ ਨਾਲ ਉਸ ਦਾ ਹਸਮੁੱਖ ਹੋਣਾ ਵੀ ਬਹੁਤ ਅਹਿਮ ਹੈ, ਨਾਲ ਹੀ ਉਸ ਦਾ ਮੇਰੇ 'ਤੇ ਲੱਟੂ ਹੋਣਾ ਵੀ ਜ਼ਰੂਰੀ ਹੋਵੇਗਾ।”
ਜਾਨ੍ਹਵੀ ਨੇ ਦੱਸਿਆ ਕਿ ਉਸ ਦੀ ਮਾਂ ਸ੍ਰੀਦੇਵੀ ਨੂੰ ਉਸ ਦੀ ਪਸੰਦ 'ਤੇ ਜ਼ਰਾ ਜਿੰਨਾ ਵੀ ਭਰੋਸਾ ਨਹੀਂ ਸੀ। ਉਸ ਨੇ ਕਿਹਾ, ‘‘ਉਹ ਕਹਿੰਦੀ ਸੀ ਕਿ ਉਨ੍ਹਾਂ ਨੂੰ ਮੇਰੇ ਲੜਕਾ ਪਸੰਦ ਕਰਨ 'ਤੇ ਵਿਸ਼ਵਾਸ ਨਹੀਂ ਹੈ ਕਿਉਂਕਿ ਮੈਨੂੰ ਬਹੁਤ ਜਲਦ ਪਿਆਰ ਹੋ ਜਾਂਦਾ ਹੈ। ਡੇਟਿੰਗ ਬਾਰੇ ਮਾਂ ਅਤੇ ਪਾਪਾ ਦੋਵੇਂ ਹੀ ਬਹੁਤ ਨਾਟਕੀ ਸਨ। ਉਨ੍ਹਾਂ ਦਾ ਕਹਿਣਾ ਸੀ, ਜੇ ਤੈਨੂੰ ਕੋਈ ਲੜਕਾ ਪਸੰਦ ਹੈ ਤਾਂ ਸਾਡੇ ਕੋਲ ਆਓ, ਅਸੀਂ ਤੇਰਾ ਵਿਆਹ ਕਰਵਾ ਦਿਆਂਗੇ। ਉਨ੍ਹਾਂ ਦੀ ਗੱਲ ਸੁਣ ਕੇ ਮੈਂ ਕਹਿੰਦੀ ਕਿ ਕੀ ਉਹ ਜਾਣਦੇ ਹਨ ਕਿ ਹਰ ਉਸ ਲੜਕੇ ਨਾਲ ਵਿਆਹ ਨਹੀਂ ਕਰ ਸਕਦੇ, ਜਿਸ ਨੂੰ ਤੁਸੀਂ ਪਸੰਦ ਕਰਦੇ ਹੋਵੋ।”