ਸਮੱਗਰੀ-ਫੁੱਲ ਗੋਭੀ ਦੋ ਵੱਡੇ ਫੁੱਲ, ਤੇਲ ਦੋ ਛੋਟੇ ਚਮਚ, ਅਦਰਕ ਅਤੇ ਲੱਸਣ ਦਾ ਪੇਸਟ ਇੱਕ ਵੱਡਾ ਚਮਚ, ਟਮਾਟਰ ਦੋ (ਬਰੀਕ ਕੱਟੇ ਹੋਏ), ਹਰੀ ਮਿਰਚ ਇੱਕ ਬਰੀਕ ਕੱਟੀ ਹੋਈ, ਜੀਰਾ ਇੱਕ ਛੋਟਾ ਚਮਚ, ਪਿਆਜ ਬਰੀਕ ਕੱਟਿਆ ਹੋਇਆ, ਮਲਾਈ ਇੱਕ ਕੱਪ, ਹਰੇ ਮਟਰ ਅੱਧਾ ਕੱਪ, ਲੂਣ ਸਵਾਦ ਅਨੁਸਾਰ, ਹਰਾ ਧਨੀਆ ਸਜਾਵਟ ਲਈ।
ਵਿਧੀ- ਸਭ ਤੋਂ ਪਹਿਲਾਂ ਫੁੱਲ ਗੋਭੀ ਦੇ ਪੱਤਿਆਂ ਨੂੰ ਹਟਾ ਕੇ ਉਸ ਨੂੰ 10 ਮਿੰਟ ਲਈ ਗਰਮ ਪਾਣੀ ਵਿੱਚ ਰੱਖ ਦਿਓ। ਫਿਰ ਇਸ ਨੂੰ ਕੱਦੂਕਸ ਕਰੋ ਅਤੇ ਕੁਝ ਦੇਰ ਛਾਣਨੀ ਵਿੱਚ ਪਾ ਦਿਓ, ਤਾਂ ਕਿ ਉਸ ਦਾ ਪਾਣੀ ਨਿਕਲ ਜਾਵੇ। ਇੱਕ ਕੜਾਈ ਵਿੱਚ ਦੋ ਵੱਡੇ ਚਮਚ ਤੇਲ ਪਾਓ ਤੇ ਫਿਰ ਉਸ ਵਿੱਚ ਜੀਰਾ ਪਾ ਕੇ ਭੁੰਨ ਲਓ। ਫਿਰ ਇਸ ਵਿੱਚ ਕੱਟੇ ਹੋਏ ਪਿਆਜ਼ ਪਾ ਕੇ ਸੁਨਹਿਰੀ ਭੂਰੇ ਹੋਣ ਤੱਕ ਤਲੋ। ਇਸ ਤੋਂ ਬਾਅਦ ਇਸ ਵਿੱਚ ਇੱਕ ਵੱਡਾ ਚਮਚ ਅਦਰਕ ਅਤੇ ਲਸਣ ਦਾ ਪੇਸਟ ਪਾ ਕੇ ਭੁੰਨੋ। ਫਿਰ ਇਸ ਵਿੱਚ ਅੱਧਾ ਕੱਪ ਹਰੇ ਮਟਰ ਪਾ ਕੇ 10 ਮਿੰਟ ਲਈ ਪੱਕਣ ਦਿਓ। ਜਦੋਂ ਮਟਰ ਨਰਮ ਹੋ ਜਾਣ ਤਾਂ ਇਸ ਵਿੱਚ ਗੋਭੀ ਪਾ ਦਿਓ। ਗੋਭੀ ਜਦੋਂ ਪਾਣੀ ਛੱਡਣਾ ਬੰਦ ਕਰੇ ਤਾਂ ਤੁਸੀਂ ਉਸ ਵਿੱਚ ਸਵਾਦ ਅਨੁਸਾਰ ਲੂਣ ਅਤੇ ਬਰੀਕ ਕੱਟੇ ਹੋਏ ਟਮਾਟਰ ਪਾਓ ਅਤੇ ਇੱਕ ਕੱਪ ਪਾਣੀ ਰਲਾ ਲਿਓ। 10 ਮਿੰਟਾਂ ਤੱਕ ਗੋਭੀ ਨੂੰ ਪਕਾਉਣ ਤੋਂ ਬਾਅਦ ਉਸ 'ਤੇ ਬਰੀਕ ਕੱਟਿਆ ਹੋਇਆ ਹਰਾ ਧਨੀਆ ਛਿੜਕ ਦਿਓ।
ਲਓ, ਤੁਹਾਡੀ ਬਿਨਾਂ ਮਸਾਲੇ ਦੀ ਗੋਭੀ ਬਣ ਕੇ ਤਿਆਰ ਹੈ। ਤੁਸੀਂ ਇਸ ਨੂੰ ਰੋਟੀ ਦੇ ਨਾਲ ਗਰਮਾ ਗਰਮ ਪਰੋਸੋ।