ਇਸਲਾਮਾਬਾਦ, 11 ਅਗਸਤ, (ਪੋਸਟ ਬਿਊਰੋ)- ਜੰਮੂ-ਕਸ਼ਮੀਰ ਦੀ ਧਾਰਾ 370 ਖਤਮ ਕਰਨ ਬਾਰੇ ਭਾਰਤ ਸਰਕਾਰ ਦੇ ਕਦਮਤੋਂਦੁਖੀ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਨੇ ਸੋਸ਼ਲ ਮੀਡੀਏ ਵਿੱਚ ਫਿਰਗ਼ੁਬਾਰ ਕੱਢਿਆ ਅਤੇ ਕਿਹਾ ਹੈ ਕਿ ਕਸ਼ਮੀਰ ਵਿੱਚ ਇਕ ਵਿਸ਼ੇਸ਼ਧਰਮ ਦੇ ਲੋਕਾਂ ਨੂੰ ਸਮਾਪਤ ਕਰਕੇ ਓਥੇ ਆਬਾਦੀ ਅੰਕੜੇ ਵਿਗਾੜਨ ਦਾ ਯਤਨ ਕੀਤਾ ਜਾ ਰਿਹਾ ਹੈ। ਖਾਨ ਨੇ ਇੱਕ ਵਾਰ ਫਿਰ ਆਰ ਐੱਸ ਐੱਸ ਉੱਤੇ ਨਿਸ਼ਾਨਾ ਲਾਇਆ ਅਤੇ ਕਿਹਾ ਕਿ ਸੰਘ ਦੀ ਸੋਚਣੀ ਨਾਜ਼ੀ ਵਿਚਾਰਧਾਰਾ ਨਾਲ ਮਿਲਦੀ ਹੈ ਅਤੇ ਇਹ ਕਸ਼ਮੀਰ ਤਕ ਸੀਮਤ ਨਹੀਂ ਰਹੇਗੀ।
ਟਵਿਟਰ ਹੈਂਡਲਦੀ ਵਰਤੋਂ ਕਰਦੇ ਹੋਏ ਇਮਰਾਨ ਖ਼ਾਨ ਨੇ ਇਹ ਦੋਸ਼ ਲਾਇਆ ਹੈ ਕਿ ਕਸ਼ਮੀਰ ਵਿੱਚ ਇਕ ਧਰਮ ਵਿਸ਼ੇਸ਼ ਵਿੱਚ ਵਿਸ਼ਵਾਸ ਰੱਖਦੇ ਲੋਕਾਂ ਨੂੰ ਖਤਮ ਕਰਕੇ ਓਥੋਂ ਦੀ ਆਬਾਦੀ ਦੀ ਅੰਕੜਾ ਵਿਗਾੜਨ ਦਾ ਯਤਨ ਹੋ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਮੈਨੂੰ ਡਰ ਹੈ ਕਿ ਨਾਜ਼ੀਆਂ ਦੀ ਆਰੀਆ ਸ੍ਰੇਸ਼ਠਤਾ ਵਾਂਗ ਹਿੰਦੂ ਸ੍ਰੇਸ਼ਠਤਾ ਦੀ ਸੰਘ ਵਿਚਾਰਧਾਰਾ ਕਸ਼ਮੀਰ ਤਕ ਸੀਮਤ ਨਹੀਂ ਰਹੇਗੀ, ਪਹਿਲਾਂ ਭਾਰਤ ਵਿੱਚ ਮੁਸਲਮਾਨਾਂ ਦਾ ਦਮਨ ਕੀਤਾ ਜਾਵੇਗਾ ਤੇ ਫਿਰ ਪਾਕਿਸਤਾਨ ਨੂੰ ਨਿਸ਼ਾਨਾ ਬਣਾਇਆ ਜਾਵੇਗਾ।ਇਮਰਾਨ ਖਾਨ ਨੇ ਜੰਮੂ-ਕਸ਼ਮੀਰਬਾਰੇ ਭਾਰਤ ਸਰਕਾਰ ਦੇ ਫ਼ੈਸਲਿਆਂ ਨੂੰ ਹਿਟਲਰ ਦੇ ਫੈਸਲਿਆਂ ਦਾ ਹਿੰਦੂ ਐਡੀਸ਼ਨ ਦੱਸਿਆ ਹੈ, ਜਿਸ ਵਿਚ ਜਰਮਨਾਂ ਦੀ ਵਧ ਰਹੀ ਆਬਾਦੀ ਲਈ ਜ਼ਮੀਨ ਦੇ ਹਿੱਸੇ ਉੱਤੇ ਕਬਜ਼ਾ ਕੀਤਾ ਗਿਆ ਸੀ। ਉਨ੍ਹਾਂ ਕਿਹਾ ਕਿ ਕਸ਼ਮੀਰ ਵਿੱਚਜ਼ੁਲਮ ਤੇ ਕਤਲੇਆਮ ਹੋ ਰਿਹਾ ਹੈ ਤੇ ਇਹ ਸੰਘ ਦੀ ਨਾਜ਼ੀਵਾਦੀ ਸੋਚਣੀ ਦੇ ਅਨੁਸਾਰ ਕੀਤਾ ਜਾ ਰਿਹਾ ਹੈ। ਇਮਰਾਨ ਨੇ ਟਵੀਟ ਦੇ ਅੰਤ ਵਿਚ ਪੁੱਛਿਆ ਕਿ ਕੀ ਦੁਨੀਆ ਇਹ ਸਭ ਦੇਖਦੀ ਰਹੇਗੀ ਤੇ ਉਸੇ ਤਰ੍ਹਾਂ ਤੁਸ਼ਟੀਕਰਨ ਕਰਦੀ ਰਹੇਗੀ, ਜਿਸ ਤਰ੍ਹਾਂ ਹਿਟਲਰ ਦਾ ਮਿਊਨਖ ਵਿਚ ਕੀਤਾ ਗਿਆ ਸੀ?