ਅਭਿਨੇਤਰੀ ਵਿਦਿਆ ਬਾਲਨ ਅੱਜ ਕੱਲ੍ਹ ਫਿਲਮ ਪ੍ਰੋਡਿਊਸਰ ਵੀ ਬਣ ਗਈ ਹੈ। ਇੱਕ ਸ਼ਾਰਟ ਫਿਲਮ ਨਾਲ ਉਹ ਫਿਲਮ ਨਿਰਮਾਣ ਵਿੱਚ ਉਤਰੀ ਹੈ, ਜਿਸ ਦਾ ਟਾਈਟਲ ‘ਨਟਖਟ’ ਹੈ। ਵਿਦਿਆ ਨੇ ਨਵੀਂ ਜ਼ਿੰਮੇਵਾਰੀ ਦੀ ਖੁਸ਼ੀ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਅਤੇ ਇੰਸਟਾਗ੍ਰਾਮ 'ਤੇ ਲਿਖਿਆ ਹੈ, ‘‘ਮੈਨੂੰ ਖੁਸ਼ੀ ਹੈ, ਉਤਸ਼ਾਹਤ ਹਾਂ ਕਿ ਕੁਝ ਦਿਨ ਪਹਿਲਾਂ ਮੈਂ ਇੱਕ ਸ਼ਾਰਟ ਫਿਲਮ ਵਿੱਚ ਐਕਟਿੰਗ ਕੀਤੀ। ਫਿਲਮ ਦਾ ਨਾਂਅ ‘ਨਟਖਟ’ ਹੈ ਤੇ ਮੇਰਾ ਇਸ ਵਿੱਚ ਇੱਕ ਨਵਾਂ ਰੋਲ ਹੈ, ਜੋ ਪ੍ਰੋਡਿਊਸਰ ਦਾ ਹੈ। ਪ੍ਰੋਡਿਊਸਰ ਬਣਨ ਦੀ ਮੇਰੀ ਕੋਈ ਯੋਜਨਾ ਨਹੀਂ ਸੀ, ਪਰ ਅਨੁਕੰਪਾ ਹਰਸ਼ ਅਤੇ ਸ਼ਾਨ ਵਿਆਸ ਦੀ ਕਹਾਣੀ ਨੇ ਮੈਨੂੰ ਮਜ਼ਬੂਰ ਕਰ ਦਿੱਾਤ। ਸ਼ਾਨ ਵਿਆਸ ਦੇ ਨਿਰਦੇਸ਼ਨ ਵਿੱਚ ਕੰਮ ਕਰਨ ਦਾ ਅਨੁਭਵ ਸ਼ਾਨਦਾਰ ਰਿਹਾ।”
ਵਿਦਿਆ ਨੇ ਇਸ ਫਿਲਮ ਦਾ ਨਿਰਮਾਣ ਰੌਨੀ ਸਕਰੂਵਾਲਾ ਨਾਲ ਮਿਲ ਕੇ ਕੀਤਾ ਹੈ। ਫਿਲਮ ਸਮਾਜਕ ਮੁੱਦਿਆਂ ਨੂੰ ਉਜਾਗਰ ਕਰੇਗੀ। ਇਸ ਵਿੱਚ ਦਿਖਾਇਆ ਗਿਆ ਹੈ ਕਿ ਕਿਵੇਂ ਲਿੰਗ ਆਧਾਰਤ ਭੇਦਭਾਵ ਅਤੇ ਬਲਾਤਕਾਰ ਨੂੰ ਰੋਕਣ ਵਿੱਚ ਪੈਰੇਂਟਿੰਗ ਮਹੱਤਵ ਪੂਰਨ ਭੂਮਿਕਾ ਨਿਭਾ ਸਕਦੇ ਹਨ। ਨਿਰਦੇਸ਼ਕ ਸ਼ਾਨ ਫਿਲਮ ਦੇ ਇੰਟਰਨੈਸ਼ਨਲ ਫੈਸਟੀਵਲ ਵਿੱਚ ਲੈ ਜਾਣ ਲਈ ਉਤਸੁਕ ਹਨ। ਸਕੂਰਵਾਲਾ ਨੇ ਕਿਹਾ, ‘‘ਵਿਦਿਆ ਦੇ ਨਾਲ ਜੁੜ ਕੇ ਬਹੁਤ ਖੁਸ਼ੀ ਮਹਿਸੂਸ ਹੋ ਰਹੀ ਹੈ।’’ ਵਿਦਿਆ ਇਸ ਸਾਲ 15 ਅਗਸਤ ਨੂੰ ਰਿਲੀਜ਼ ਹੋ ਰਹੀ ਫਿਲਮ ‘ਮਿਸ਼ਨ ਮੰਗਲ’ ਦੇ ਨਾਲ ਵੱਡੇ ਪਰਦੇ 'ਤੇ ਨਜ਼ਰ ਆਉਣ ਵਾਲੀ ਹੈ। ਇਸ ਫਿਲਮ ਵਿੱਚ ਮੁੱਖ ਭੂਮਿਕਾ ਅਕਸ਼ੈ ਕੁਮਾਰ ਨਿਭਾ ਰਹੇ ਹਨ, ਵਿਦਿਆ ਦੇ ਨਾਲ ਤਾਪਸੀ ਪਨੂੰ, ਸੋਨਾਕਸ਼ੀ ਸਿਨਹਾ, ਕੀਰਤੀ ਕੁਲਹਾਰੀ ਤੇ ਨਿਤਿਆ ਮੈਨਨ ਵਰਗੀਆਂ ਅਭਿਨੇਤਰੀਆਂ ਹਨ। ਜਗਨ ਸ਼ਕਤੀ ਨਿਰਦੇਸ਼ਿਤ ਇਹ ਫਿਲਮ ਭਾਰਤ ਦੇ ਪਹਿਲੇ ਮੰਗਲਯਾਨ ਨੂੰ ਲਾਂਚ ਕਰਨ ਦੀ ਕਹਾਣੀ ਹੈ।