ਪਿੱਛੇ ਜਿਹੇ ਸੰਨੀ ਲਿਓਨ ਨੇ ਖੁਲਾਸਾ ਕੀਤਾ ਹੈ ਕਿ ਇੱਕ ਵਾਰ ਉਸ ਨੂੰ ਦੁਨੀਆ ਭਰ ਵਿੱਚ ਲੋਕਪ੍ਰਿਯ ਹੋ ਚੁੱਕੀ ਅਮਰੀਕੀ ਟੀ ਵੀ ਸੀਰੀਜ਼ ‘ਗੇਮ ਆਫ ਥ੍ਰੋਨਸ’ ਵਿੱਚ ਰੋਲ ਆਫਰ ਕੀਤਾ ਗਿਆ ਸੀ। ਸਾਰੇ ਜਾਣਦੇ ਹਨ ਕਿ ਸ਼ਾਇਦ ਹੀ ਕੋਈ ਐਕਟਰੈੱਸ ਹੋਵੇਗੀ, ਜੋ ‘ਗੇਮ ਆਫ ਥ੍ਰੋਨਸ’ ਵਿੱਚ ਰੋਲ ਨਾ ਕਰਨਾ ਚਾਹੇ ਅਤੇ ਇਸ ਵਿੱਚ ਰੋਲ ਪਾਉਣ ਲਈ ਉਹ ਕੁਝ ਵੀ ਕਰਨ ਨੂੰ ਰਾਜ਼ੀ ਹੋ ਸਕਦੀ ਹੈ, ਪਰ ਰੋਲ ਆਫਰ ਹੋਣ ਦੇ ਬਾਵਜੂਦ ਸੰਨੀ ਇਸ ਵਿੱਚ ਕੰਮ ਨਹੀਂ ਕਰ ਸਕੀ ਤਾਂ ਇਸ ਦੀ ਉਸ ਨੇ ਇੱਕ ਦਿਲਚਸਪ ਵਜ੍ਹਾ ਦੱਸੀ।
ਸੰਨੀ ਦੇ ਦੱਸਣ ਅਨੁਸਾਰ ‘‘ਅਚਾਨਕ ਇੱਕ ਦਿਨ ਮੈਨੂੰ ਇਸ ਬਾਰੇ ਫੋਨ ਆਇਆ। ਦੂਜੀ ਸਾਈਡ ਕੋਈ ਆਦਮੀ ਬੋਲ ਰਿਹਾ ਸੀ, ‘‘ਮੈਨੂੰ ਪਤਾ ਹੈ ਕਿ ਤੁਹਾਡੇ ਕੋਲ ਸਮਾਂ ਬਹੁਤ ਘੱਟ ਹੈ, ਪਰ ਫਿਰ ਵੀ ਤੁਹਾਨੂੰ ਅਸੀਂ ‘ਗੇਮ ਆਫ ਥ੍ਰੋਨਸ’ ਵਿੱਚ ਰੋਲ ਦੇਣਾ ਚਾਹੁੰਦੇ ਹਾਂ। ਇਹ ਸੁਣਦਿਆਂ ਹੀ ਮੈਂ ਹੈਰਾਨ ਰਹਿ ਗਈ ਤੇ ਅਚਾਨਕ ਮੈਨੂੰ ਇਸ 'ਤੇ ਵਿਸ਼ਵਾਸ ਹੀ ਨਹੀਂ ਹੋਇਆ ਅਤੇ ਉਦੋਂ ਮੈਨੂੰ ਸ਼ੱਕ ਹੋਇਆ ਕਿ ਕਿਤੇ ਉਹ ਆਦਮੀ ਝੂਠਾ ਤਾਂ ਨਹੀਂ ਹੈ। ਪਤਾ ਕਰਨ ਉਤੇ ਮੇਰਾ ਸ਼ੱਕ ਸਹੀ ਨਿਕਲਿਆ ਕਿ ਉਹ ਅਸਲ ਵਿੱਚ ਇੱਕ ‘ਫੇਕ ਕਾਲ’ ਸੀ।”