ਸੰਜੇ ਦੱਤ ਇਨ੍ਹੀਂ ਦਿਨੀਂ ਮਰਾਠੀ ਫਿਲਮ ‘ਬਾਬਾ’ ਨੂੰ ਪ੍ਰਮੋਟ ਕਰ ਰਹੇ ਹਨ। ਇੱਕ ਇਵੈਂਟ ਵਿੱਚ ਉਨ੍ਹਾਂ ਨੇ ਦੱਸਿਆ ਕਿ ਅੱਜ ਕੱਲ੍ਹ ਉਹ ਕਿਸ ਤਰ੍ਹਾਂ ਦੇ ਕਿਰਦਾਰ ਨਿਭਾਉਣਾ ਚਾਹੁੰਦੇ ਹਨ। ਸੰਜੇ ਦਾ ਕਹਿਣਾ ਹੈ, ‘‘ਮੇਰੀ ਉਮਰ ਫਿਲਮਾਂ ਵਿੱਚ ਹੀਰੋਇਨਾਂ ਦੇ ਨਾਲ ਦਰੱਖਤ ਦੇ ਪਿੱਛੇ ਨੱਚਣ ਦੀ ਨਹੀਂ। ਮੇਰੀ ਦਾੜ੍ਹੀ ਸਫੇਦ ਹੋ ਚੁੱਕੀ ਹੈ ਅਤੇ ਮੈਂ ਹਾਲੀਵੁੱਡ ਕਲਾਕਾਰ ਮੇਲ ਗਿਬਸਨ ਜਾਂ ਡੇਨਜੇਲ ਵਾਸ਼ਿੰਗਟਨ ਵਰਗੇ ਰੋਲ ਕਰਨਾ ਚਾਹੁੰਦਾ ਹਾਂ। ‘ਰੌਕੀ’ ਤੋਂ ਲੈ ਕੇ ਮੇਰਾ ਅੱਜ ਤੱਕ ਦਾ ਸਫਰ ਕਾਫੀ ਲੰਬਾ ਰਿਹਾ ਹੈ ਤੇ ਮੈਂ ਕਈ ਵੱਡੇ ਕਲਾਕਾਰਾਂ ਨਾਲ ਕੰਮ ਕਰ ਲਿਆ ਹੈ।” ਇਵੈਂਟ ਵਿੱਚ ਸੰਜੇ ਨੇ ਇਹ ਵੀ ਦੱਸਿਆ ਕਿ ਉਹ ਭਗਵਾਨ ਨੂੰ ਪ੍ਰਾਰਥਨਾ ਕਰਦੇ ਹਨ ਕਿ ਮੁੰਨਾਭਾਈ ਸੀਰੀਜ਼ ਦੀ ਅਗਲੀ ਫਿਲਮ ਜਲਦੀ ਚਾਲੂ ਹੋ ਜਾਏ।