Welcome to Canadian Punjabi Post
Follow us on

11

December 2019
ਪੰਜਾਬ

ਐੱਸ ਡੀ ਐੱਮ ਦੇ ਈ-ਸਿਗਨੇਚਰ ਚੋਰੀ ਕਰ ਕੇ ਠੱਗੀ ਮਾਰਨ ਵਾਲੇ ਮੁਲਾਜ਼ਮਾਂ ਵਿਰੁੱਧ ਕੇਸ

July 19, 2019 09:41 AM

ਤਰਨ ਤਾਰਨ, 18 ਜੁਲਾਈ (ਪੋਸਟ ਬਿਊਰੋ)- ਬਾਹਰਲੇ ਰਾਜਾਂ ਦੇ ਵਾਹਨਾਂ ਦੀ ਰਜਿਸਟਰੇਸ਼ਨ ਕਰਨ ਵਿੱਚ ਫਰਾਡ ਦੇ ਤਾਰ ਅਚਾਨਕ ਐੱਸ ਡੀ ਐੱਮ ਖਡੂਰ ਸਾਹਿਬ ਦੇ ਦਫਤਰ ਨਾਲ ਵੀ ਜੁੜ ਗਏ ਹਨ। ਐੱਸ ਡੀ ਐੱਮ ਕੁਲਪ੍ਰੀਤ ਸਿੰਘ ਨੇ ਦਫਤਰ ਵਿਚਲੇ ਦੋ ਮੁਲਾਜ਼ਮਾਂ ਉੱਤੇ ਕੇਸ ਦਰਜ ਕਰਾਇਆ ਹੈ। ਇਨ੍ਹਾਂ 'ਤੇ ਦੋਸ਼ ਹੈ ਕਿ ਉਹ ਬਾਹਰਲੇ ਰਾਜਾਂ ਦੇ ਵਾਹਨਾਂ ਨੂੰ ਖਡੂਰ ਸਾਹਿਬ ਤੋਂ ਆਰ ਸੀ (ਰਜਿਸਟਰੇਸ਼ਨ ਸਰਟੀਫਿਕੇਟ) ਜਾਰੀ ਕਰ ਦਿੰਦੇ ਸਨ ਅਤੇ ਹਰ ਆਰ ਸੀ ਦੇ ਬਦਲੇ 70 ਹਜ਼ਾਰ ਰੁਪਏ ਵਸੂਲ ਕਰੀ ਜਾ ਰਹੇ ਸਨ। ਏਦਾਂ ਦਾ ਕੰਮ ਕਰਨ ਲਈ ਐੱਸ ਡੀ ਐੱਮ ਦੀ ਆਈ ਡੀ ਤੋਂ ਈ-ਸਿਗਨੇਚਰ ਚੋਰੀ ਕਰ ਕੇ ਉਹ ਆਰ ਸੀ ਉੱਤੇ ਚਿਪਕਾ ਦਿੰਦੇ ਸਨ ਅਤੇ ਚੈਸੀ ਨੰਬਰ ਵਿੱਚ ਫੇਰਬਦਲ ਕਰ ਦਿੰਦੇ ਸਨ।
ਥਾਣਾ ਗੋਇੰਦਵਾਲ ਸਾਹਿਬ ਦੀ ਪੁਲਸ ਨੇ ਐੱਸ ਡੀ ਐੱਮ ਦੀ ਸ਼ਿਕਾਇਤ ਉਤੇ 86 ਵਾਹਨਾਂ ਦੀ ਫਰਜ਼ੀ ਆਰ ਸੀ ਬਣਾਉਣ ਦੇ ਦੋਸ਼ ਵਿੱਚ ਗੁਰਵਿੰਦਰ ਸਿੰਘ ਤੇ ਰਾਜਵਿੰਦਰ ਸਿੰਘ ਦੇ ਖਿਲਾਫ ਕੇਸ ਦਰਜ ਕੀਤਾ ਹੈ। ਇਸ ਤੋਂ ਪਹਿਲਾਂ ਕੱਲ੍ਹ ਰਾਤ ਥਾਣਾ ਸਿਟੀ ਪੁਲਸ ਨੇ ਆਰ ਟੀ ਓ ਦਫਤਰ ਦੇ ਤਿੰਨ ਮੁਲਾਜ਼ਮਾਂ 'ਤੇ ਕੇਸ ਦਰਜ ਕੀਤਾ ਸੀ। ਅਜੇ ਤੱਕ ਸਾਰੇ ਦੋਸ਼ੀ ਫਰਾਰ ਹਨ। ਵਰਨਣ ਯੋਗ ਹੈ ਕਿ ਕੁਝ ਦਿਨ ਪਹਿਲਾਂ ਜ਼ਿਲ੍ਹਾ ਰੂਪਨਗਰ ਪੁਲਸ ਨੇ ਇੱਕ ਅੰਤਰਰਾਜੀ ਕਾਰ ਚੋਰ ਗਿਰੋਹ ਦਾ ਪਰਦਾ ਫਾਸ਼ ਕੀਤਾ ਸੀ, ਜਿਸ ਦੇ ਮੁੱਖ ਦੋਸ਼ੀ ਸੰਨੀ ਨੇ ਪੁੱਛਗਿੱਛ ਵਿੱਚ ਦੱਸਿਆ ਸੀ ਕਿ ਤਰਨ ਤਾਰਨ, ਸੰਗਰੂਰ, ਮੋਗਾ, ਹੁਸ਼ਿਆਰਪੁਰ, ਫਤਿਹਗੜ੍ਹ ਸਾਹਿਬ ਵਿਚਲੇ ਆਰ ਟੀ ਓ ਦਫਤਰ ਦੇ ਮੁਲਾਜ਼ਮਾਂ ਦੀ ਮਿਲੀਭੁਗਤ ਨਾਲ ਛੇ ਹਜ਼ਾਰ ਵਾਹਨ ਜਾਅਲੀ ਰਜਿਸਟਰੇਸ਼ਨ ਕਰ ਕੇ ਵੇਚੇ ਜਾ ਚੁੱਕੇ ਹਨ। ਜਾਂਚ ਵਿੱਚ ਸਾਹਮਣੇ ਆਇਆ ਕਿ ਹਰ ਆਰ ਸੀ ਬਦਲੇ 70 ਹਜ਼ਾਰ ਵਸੂਲੇ ਜਾਂਦੇ ਸਨ ਅਤੇ 720 ਰੁਪਏ ਸਰਕਾਰੀ ਫੀਸ ਜਮ੍ਹਾ ਕਰਵਾਈ ਜਾਂਦੀ ਸੀ। ਥਾਣਾ ਸਿਟੀ ਵਿੱਚ ਆਰ ਟੀ ਓ ਦਫਤਰ ਵਿੱਚ ਤੈਨਾਤ ਸੁਪਰਵਾਈਜ਼ਰ ਕਾਰਜਦੀਪ ਸਿੰਘ, ਡਾਟਾ ਐਂਟਰੀ ਆਪਰੇਟਰ ਬਗੀਚਾ ਸਿੰਘ ਅਤੇ ਕਲਰਕ ਦੀਪਕ ਕੁਮਾਰ ਦੇ ਖਿਲਾਫ ਇਸ ਸੰਬੰਧ ਵਿੱਚ ਕੇਸ ਦਰਜ ਕੀਤਾ ਗਿਆ ਸੀ।

Have something to say? Post your comment
ਹੋਰ ਪੰਜਾਬ ਖ਼ਬਰਾਂ
ਪੰਮੀ ਬਾਈ ਨਾਲ ਠੱਗੀ, ਏਅਰਪੋਰਟ ਜਾ ਕੇ ਪਤਾ ਲੱਗਾ!
ਸੁਖਬੀਰ ਸਿੰਘ ਬਾਦਲ ਵੱਲੋਂ ਅਮਰਿੰਦਰ ਸਿੰਘ ਉੱਤੇਮੋੜਵਾਂ ਵਾਰ
ਅਮਰਿੰਦਰ ਸਿੰਘ ਵੱਲੋਂ ਅਕਾਲੀ ਆਗੂਆਂ ਵਿਰੁੱਧ ਬਦਮਾਸ਼ਾਂ ਨਾਲ ਸੰਬੰਧਰੱਖਣ ਦਾ ਦੋਸ਼
ਰਣਜੀਤ ਕਤਲ ਕੇਸ: ਡੇਰਾ ਮੁਖੀ ਗੁਰਮੀਤ ਰਾਮ ਰਹੀਮ ਖ਼ਿਲਾਫ਼ ਚੱਲਦੇ ਕੇਸਵਿੱਚ ਜੱਜ ਬਦਲਣ ਦੀ ਮੰਗ ਉੱਠੀ
ਕੌਮੀ ਝੰਡਾ ਦਿਵਸ ਮੌਕੇ ਜਲ, ਥਲ ਤੇ ਹਵਾਈ ਸੈਨਾ ਦੇ ਸਾਬਕਾ ਮੁੱਖੀਆਂ ਵਲੋਂ ਚੰਡੀਗੜ੍ਹ ਵਾਰ ਮੈਮੋਰੀਅਲ ਵਿਖੇ ਸ਼ਰਧਾਂਜਲੀ ਭੇਟ
ਤਰਨ ਤਾਰਨ ਪੁਲਿਸ ਨੇ ਅਨੂਪ ਸਿੰਘ ਦੇ ਫਰਜ਼ੀ ਕਤਲ ਤੋਂ ਉਠਾਇਆ ਪਰਦਾ
ਵਿਜੀਲੈਂਸ ਨੇ 20,000 ਦੀ ਰਿਸ਼ਵਤ ਲੈਂਦਾ ਹੌਲਦਾਰ ਰੰਗੇ ਹੱਥੀਂ ਦਬੋਚਿਆ
ਕੈ. ਅਮਰਿੰਦਰ ਵੱਲੋਂ ਡੀ.ਜੀ.ਪੀ. ਨੂੰ ਰਾਜਸੀ ਆਗੂਆਂ ਤੇ ਗੈਂਗਸਟਰਾਂ ਵਿਚਾਲੇ ਸਾਂਝ ਦੀ ਜਾਂਚ ਦੇ ਆਦੇਸ਼
ਅੰਕਿਤਾ ਟੈਲੀ ਸ਼ਾਪਿੰਗ ਦਾ ਮਾਲਕ ਬਲਾਤਕਾਰ ਕਰਨ ਦੇ ਦੋਸ਼ ਵਿੱਚ ਗ੍ਰਿਫਤਾਰ
ਡਾਕਟਰੀ ਇਮਤਿਹਾਨ ਦੇ ਦੌਰਾਨ ਕੱਕਾਰਾਂ ਤੋਂ ਪਾਬੰਦੀ ਹਟਾਉਣ ਦੇ ਹੁਕਮ