ਅਭਿਨੇਤਰੀ ਕ੍ਰਿਤੀ ਸਨਨ ਨੇ ਰਾਹੁਲ ਢੋਲਕੀਆ ਦੀ ਇੱਕ ਬੇਨਾਮ ਥ੍ਰਿਲਰ ਫਿਲਮ ਸਾਈਨ ਕੀਤੀ ਹੈ। ਫਿਲਮ ਦਾ ਨਿਰਮਾਣ ਅਜ਼ੂਅਰ ਇੰਟਰਟੇਨਮੈਂਟ ਕਰ ਰਿਹਾ ਹੈ ਤੇ ਸ਼ੂਟਿੰਗ ਅਗਸਤ ਵਿੱਚ ਸ਼ੁਰੂ ਹੋਵੇਗੀ। ਇਸ ਨੂੰ ਇੱਕ ਹੀ ਸ਼ਡਿਊਲ ਵਿੱਚ ਪੂਰਾ ਕੀਤਾ ਜਾਵੇਗਾ ਤੇ 2020 ਵਿੱਚ ਰਿਲੀਜ਼ ਕੀਤਾ ਜਾਵੇਗਾ।
ਕ੍ਰਿਤੀ ਨੇ ਕਿਹਾ ਕਿ ਉਹ ਲੰਮੇ ਸਮੇਂ ਤੋਂ ਅਜਿਹੀ ਥ੍ਰਿਲਰ ਦੀ ਉਡੀਕ ਕਰ ਰਹੀ ਸੀ, ਜਿਸ ਵਿੱਚ ਔਰਤ ਕਿਰਦਾਰ ਕੇਂਦਰ ਵਿੱਚ ਹੋਵੇ। ਉਸ ਨੇ ਕਿਹਾ ਕਿ ਇਹ ਫਿਲਮ ਵਪਾਰਕ ਤੇ ਹੋਰ ਸਾਰੇ ਪੱਖਾਂ ਤੋਂ ਮਜ਼ਬੂਤ ਸਾਬਤ ਹੋਵੇਗੀ। ਕ੍ਰਿਤੀ ਫਿਲਮ ਵਿੱਚ ਇੱਕ ਮੀਡੀਆ ਪੇਸ਼ੇਵਰ ਦਾ ਕਿਰਦਾਰ ਕਰੇਗੀ, ਜਿਸ ਲਈ ਉਹ ਖੁਦ ਨੂੰ ਤਿਆਰ ਕਰ ਰਹੀ ਹੈ। ਢੋਲਕੀਆ ਨੇ ਕਿਹਾ ਕਿ ਫਿਲਮ ਦੀ ਸਕ੍ਰਿਪਟ ਕਾਫੀ ਦਿਲਚਸਪ ਹੈ ਤੇ ਕ੍ਰਿਤੀ ਇਸ ਵਿੱਚ ਫਿਟ ਬੈਠੇਗੀ। ਅਭਿਨੇਤਰੀ ਜੁਲਾਈ ਵਿੱਚ ਇਸ ਲਈ ਵਰਕਸ਼ਾਪ ਲਾਏਗੀ।