ਨਵੀਂ ਦਿੱਲੀ, 18 ਜੂਨ, (ਪੋਸਟ ਬਿਊਰੋ)-ਕੇਂਦਰ ਦੀ ਨਰਿੰਦਰ ਮੋਦੀ ਸਰਕਾਰ ਨੇ ਭ੍ਰਿਸ਼ਟ ਅਫਸਰਾਂ ਉੱਤੇਲਗਾਮ ਕੱਸਣ ਦਾ ਕੰਮ ਛੋਹ ਦਿੱਤਾ ਅਤੇ ਅਜਿਹੇ 15 ਅਫਸਰਾਂ ਨੂੰ ਨੌਕਰੀ ਤੋਂਕੱਢ ਦਿੱਤਾ ਗਿਆ ਹੈ।
ਸਰਕਾਰੀ ਤੌਰ ਉੱਤੇ ਦੱਸਿਆ ਗਿਆ ਹੈ ਕਿ ਕੇਂਦਰ ਸਰਕਾਰ ਨੇ ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ ਹੇਠ ਆਏ ਹੋਏ ਕਸਟਮ ਡਿਊਟੀ ਤੇ ਕੇਂਦਰੀ ਉਤਪਾਦ ਟੈਕਸ ਦੇ 15 ਸੀਨੀਅਰ ਅਫਸਰਾਂ ਨੂੰ ਜਬਰੀ ਸੇਵਾ ਮੁਕਤ ਕਰ ਦਿੱਤਾ ਹੈ ਤੇ ਇਕ ਹਫ਼ਤਾ ਪਹਿਲਾਂ ਇੱਕ ਦਰਜਨ ਦੇ ਕਰੀਬ ਆਮਦਨ ਟੈਕਸਾਂ ਵਾਲੇ ਅਫਸਰਾਂ ਉੱਤੇ ਵੀ ਕਾਰਵਾਈ ਕੀਤੀ ਜਾ ਚੁੱਕੀ ਹੈ।ਇਨ੍ਹਾਂ ਵਿੱਚ ਅਸਿਸਟੈਂਟ ਕਮਿਸ਼ਨਰ ਤੋਂ ਪ੍ਰਿੰਸੀਪਲ ਕਮਿਸ਼ਨਰ ਤੱਕ ਦੇ ਅਫਸਰ ਸ਼ਾਮਲ ਹਨ। ਕੇਂਦਰ ਦੇਅਸਿੱਧੇ ਟੈਕਸ ਅਤੇ ਕਸਟਮ ਡਿਊਟੀ ਬੋਰਡ (ਸੀਬੀਆਈਸੀ) ਦੇ ਅਫਸਰਾਂ ਨੂੰ ਕੇਂਦਰ ਸਰਕਾਰ ਨੇ ਫੰਡਾਮੈਂਟਲ ਰੂਲਜ਼ ਦੇ ਨਿਯਮ 56 (ਜੇ) ਅਧੀਨ ਨੌਕਰੀ ਤੋਂ ਕੱਢਿਆ ਹੈ।ਇਨ੍ਹਾਂ ਵਿੱਚੋਂ ਕੁਝ ਅਧਿਕਾਰੀ ਪਹਿਲਾਂ ਸਸਪੈਂਡ ਸਨ ਅਤੇ ਕੁਝ ਹੋਰਨਾਂ ਖ਼ਿਲਾਫ਼ ਸੀਬੀਆਈ ਨੇ ਭ੍ਰਿਸ਼ਟਾਚਾਰ ਦੇ ਕੇਸ ਦਰਜ ਕਰ ਰੱਖੇ ਹਨ, ਕਈਅਫਸਰਾਂ ਉੱਤੇ ਰਿਸ਼ਵਤ, ਵਸੂਲੀ ਅਤੇ ਆਮਦਨ ਤੋਂ ਵੱਧ ਜਾਇਦਾਦਾਂ ਬਣਾਉਣ ਦੇ ਦੋਸ਼ ਲੱਗੇੇ ਹਨ।ਜਿਨ੍ਹਾਂ ਅਫਸਰਾਂ ਨੂੰ ਜਬਰੀ ਸੇਵਾਮੁਕਤ ਕੀਤਾ ਹੈ, ਉਨ੍ਹਾਂ ਵਿੱਚ ਦਿੱਲੀ ਤੋਂ ਸੀਬੀਆਈਸੀ ਦੇ ਪ੍ਰਿੰਸੀਪਲ ਐਡੀਸ਼ਨਲ ਡਾਇਰੈਕਟਰ ਜਨਰਲ ਅਨੂਪ ਸ੍ਰੀਵਾਸਤਵ, ਜਾਇੰਟ ਕਮਿਸ਼ਨਰ ਨਲਿਨ ਕੁਮਾਰ ਤੇ ਕੋਲਕਾਤਾ ਦੇ ਕਮਿਸ਼ਨਰ ਸੰਸਾਰ ਚੰਦ ਸ਼ਾਮਲ ਹਨ।ਉਨ੍ਹਾਂ ਉੱਤੇ ਅਜਿਹੀ ਰਿਹਾਇਸ਼ੀ ਸੁਸਾਇਟੀ ਦਾ ਪੱਖ ਲੈਣ ਦਾ ਦੋਸ਼ ਹੈ, ਜਿਹੜੀ ਨਿਯਮਾਂ ਦੀ ਉਲੰਘਣਾ ਕਰ ਕੇ ਜ਼ਮੀਨ ਖਰੀਦਣ ਲਈ ਐੱਨ ਓਸੀ ਲੈਣਾ ਚਾਹੁੰਦੀ ਸੀ।ਇਨ੍ਹਾਂ ਵਿੱਚ ਉਸ ਕੰਪਨੀ ਤੇ ਇਕ ਖਰੀਦਦਾਰ ਤੋਂ ਡਿਊਟੀ ਚੋਰੀ ਦੇ ਕੇਸ ਵਿੱਚ ਰਿਸ਼ਵਤ ਲੈਣ ਦਾ ਵੀ ਦੋਸ਼ ਹੈ ਤੇ ਮਨ ਮਰਜੀ ਨਾਲ ਗ੍ਰਿਫਤਾਰੀ, ਪਰੇਸ਼ਾਨ ਤੇ ਵਸੂਲੀ ਕਰਨ ਦਾ ਦੋਸ਼ ਹੈ।ਜਾਇੰਟ ਕਮਿਸ਼ਨਰ ਨਲਿਨ ਕੁਮਾਰ ਖ਼ਿਲਾਫ਼ ਉੱਤੇ ਭ੍ਰਿਸ਼ਟਾਚਾਰ ਬਾਰੇ ਸੀਬੀ ਆਈ ਨੇ ਕੇਸ ਦਰਜ ਕੀਤਾ ਹੋਇਆ ਹੈ।ਮੰਤਰਾਲੇ ਦਾ ਕਹਿਣਾ ਹੈ ਕਿ ਇਨ੍ਹਾਂ ਅਫਸਰਾਂ ਦੀ ਉਮਰ 50 ਸਾਲ ਹੋ ਜਾਣ ਪਿੱਛੋਂ ਜਨਹਿੱਤ ਵਿੱਚ ਉਨ੍ਹਾਂ ਨੂੰ ਜਬਰੀ ਸੇਵਾਮੁਕਤ ਕੀਤਾ ਗਿਆ ਹੈ।ਕੋਲਕਾਤਾਦੇ ਕਮਿਸ਼ਨਰ ਸੰਸਾਰ ਚੰਦ ਵੀ ਰਿਸ਼ਵਤਖੋਰੀ ਦੇ ਧੰਦੇਵਿੱਚ ਸ਼ਾਮਲ ਸੀ। ਚੇਨਈ ਦੇ ਕਮਿਸ਼ਨਰ ਜੀ. ਸ੍ਰੀਹਰਸ਼ਾ ਨੇ ਆਮਦਨ ਦੇ ਸਰੋਤਾਂ ਤੋਂ ਵੱਧ 2.24 ਕਰੋੜ ਰੁਪਏ ਤੋਂ ਵੱਧ ਜਾਇਦਾਦ ਇਕੱਠੀ ਕਰ ਰੱਖੀ ਸੀ।ਸੀਬੀਆਈ ਨੇ ਜਾਲ ਵਿਛਾ ਕੇ ਇਨ੍ਹਾਂ ਦੋਵਾਂ ਅਧਿਕਾਰੀਆਂ ਨੂੰ ਗ੍ਰਿਫਤਾਰ ਕੀਤਾ ਸੀ।
ਕਮਿਸ਼ਨਰ ਰੈਂਕ ਦੇ ਦੋ ਹੋਰ ਅਧਿਕਾਰੀ ਅਤੁਲ ਦੀਕਸ਼ਤ ਅਤੇ ਵਿਨੈ ਬ੍ਰਿਜ ਸਿੰਘ, ਜੋ ਸਸਪੈਂਡ ਕੀਤੇ ਹੋਏ ਸਨ, ਨੂੰ ਵੀ ਸਰਕਾਰ ਨੇ ਨੌਕਰੀ ਤੋਂ ਕੱਢ ਦਿੱਤਾ ਹੈ। ਦੀਕਸ਼ਤ ਦੇ ਖ਼ਿਲਾਫ਼ ਆਮਦਨ ਦੇ ਸਰੋਤਾਂ ਤੋਂ ਵੱਧ ਜਾਇਦਾਦ ਬਣਾਉਣ ਦਾ ਦੋਸ਼ ਹੈ ਤੇ ਵਿਨੈ ਬ੍ਰਿਜ ਸਿੰਘ ਦੇ ਖ਼ਿਲਾਫ਼ ਓਵਰ ਇਨਵਾਇਸਿੰਗ ਦਾ ਭ੍ਰਿਸ਼ਟਾਚਾਰ ਦਾ ਕੇਸ ਚੱਲਦਾ ਹੈ।ਦਿੱਲੀ ਵਿਚਲੇ ਜੀ ਐੱਸਟੀ ਦੇ ਡਿਪਟੀ ਕਮਿਸ਼ਨਰ ਅਮਰੇਸ਼ ਜੈਨ ਕੋਲ ਆਮਦਨ ਦੇ ਸਰੋਤਾਂ ਤੋਂ ਵੱਧ 1.55 ਕਰੋੜ ਰੁਪਏ ਜਾਇਦਾਦ ਪਤਾ ਲੱਗੀ ਹੈ। ਉਸ ਦੇ ਵਿਰੁੱਧ 95.24 ਲੱਖ ਰੁਪਏ ਦੀ ਨਕਦੀ ਬਰਾਮਦ ਹੋਣ ਦਾ ਕੇਸ ਵੀ ਹੈ।ਇਸ ਤੋਂ ਇਲਾਵਾ ਕੋਲਕਾਤਾ ਵਿੱਚ ਡੀਜੀ ਸਿਸਟਮਜ਼ ਲਈ ਐਡੀਸ਼ਨਲ ਕਮਿਸ਼ਨਰ ਅਸ਼ੋਕ ਮਹੀਦਾ ਤੇ ਐਡੀਸ਼ਨਲ ਕਮਿਸ਼ਨਰ ਵਰਿੰਦਰ ਅਗਰਵਾਲ ਨੂੰ ਵੀ ਜਬਰੀ ਸੇਵਾਮੁਕਤ ਕੀਤਾ ਗਿਆ ਹੈ। ਅਸਿਸਟੈਂਟ ਕਮਿਸ਼ਨਰ ਐੱਸ ਐੱਸ ਪਬਾਨਾ, ਐੱਸ ਐੱਸ ਬਿਸ਼ਟ, ਵਿਨੋਦ ਸਾਂਗਾ, ਰਾਜੂ ਸ਼ੇਖ਼ਰ, ਮੁਹੰਮਦ ਅਲਤਾਫ ਅਤੇ ਡਿਪਟੀ ਕਮਿਸ਼ਨਰ ਅਸ਼ੋਕ ਅਸਵਾਲ ਨੂੰ ਵੀ ਜਬਰੀ ਸੇਵਾਮੁਕਤ ਕੀਤਾ ਗਿਆ ਹੈ ਅਤੇ ਕਈ ਹੋਰਨਾਂ ਦੀ ਵਾਰੀ ਲੱਗਣ ਵਾਲੀ ਦੱਸੀ ਜਾਂਦੀ ਹੈ।