ਮਿਸੀਸਾਗਾ, 4 ਜੂਨ (ਪੋਸਟ ਬਿਊਰੋ): ਪਿਛਲੇ ਮਹੀਨੇ ਮਿਸੀਸਾਗਾ ਵਿੱਚ ਹੋਏ ਇੱਕ ਕਤਲ ਦੇ ਸਬੰਧ ਵਿੱਚ ਪੀਲ ਰੀਜਨਲ ਪੁਲਿਸ ਨੇ ਬੀ.ਸੀ. ਦੇ ਦੋ ਵਿਅਕਤੀਆਂ 'ਤੇ ਫਸਟ-ਡਿਗਰੀ ਕਤਲ ਦਾ ਦੋਸ਼ ਲਾਇਆ ਹੈ। ਘਟਨਾ 14 ਮਈ ਨੂੰ ਸਵੇਰੇ ਕਰੀਬ 11:49 ਵਜੇ, ਟ੍ਰੈਨਮੇਰ ਡਰਾਈਵ ਅਤੇ ਟੈਲਫੋਰਡ ਵੇਅ ਦੇ ਨੇੜੇ ਇੱਕ ਪਾਰਕਿੰਗ ਵਿੱਚ ਵਾਪਰੀ, ਜੋ ਕਿ ਬ੍ਰਾਮਾਲੀਆ ਅਤੇ ਡਿਕਸੀ ਸੜਕਾਂ ਦੇ ਵਿਚਕਾਰ ਡੇਰੀ ਰੋਡ ਈਸਟ ਦੇ ਉੱਤਰ ਵਿੱਚ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ 51 ਸਾਲਾ ਬਰੈਂਪਟਨ ਨਿਵਾਸੀ ਹਰਜੀਤ ਢੱਡਾ ਨੂੰ ਇੱਕ ਸ਼ੱਕੀ ਨੇ ਸੰਪਰਕ ਕੀਤਾ ਅਤੇ ਕਈ ਵਾਰ ਗੋਲੀ ਮਾਰੀ। ਬਾਅਦ ਵਿੱਚ ਉਸ ਨੂੰ ਹਸਪਤਾਲ ‘ਚ ਮ੍ਰਿਤ ਐਲਾਨ ਦਿੱਤਾ ਗਿਆ। ਸ਼ੱਕੀ ਇੱਕ ਚੋਰੀ ਹੋਈ 2018 ਬਲੈਕ ਡੌਜ ਚੈਲੇਂਜਰ ਵਿੱਚ ਭੱਜ ਗਏ, ਜਿਸਨੂੰ ਗੋਲੀਬਾਰੀ ਤੋਂ ਥੋੜ੍ਹੀ ਦੇਰ ਬਾਅਦ ਬਰਾਮਦ ਕਰ ਲਿਆ ਗਿਆ ਸੀ। ਜਾਂਚ ਤੋਂ ਬਾਅਦ, ਹੋਮੀਸਾਈਡ ਬਿਊਰੋ ਨੇ ਦੋ ਸ਼ੱਕੀਆਂ ਦੀ ਪਛਾਣ ਕੀਤੀ ਅਤੇ ਉਨ੍ਹਾਂ ਨੂੰ ਡੈਲਟਾ, ਬੀ.ਸੀ. ਵਿੱਚ ਟਰੈਕ ਕੀਤਾ।
28 ਮਈ ਨੂੰ, ਪੀਲ ਪੁਲਿਸ ਨੇ ਡੈਲਟਾ ਪੁਲਿਸ ਵਿਭਾਗ, ਐਬਟਸਫੋਰਡ ਪੁਲਿਸ, ਸਰੀ ਪੁਲਿਸ ਅਤੇ ਰਾਇਲ ਕੈਨੇਡੀਅਨ ਮਾਊਂਟਿਡ ਪੁਲਿਸ ਦੀ ਸਹਾਇਤਾ ਨਾਲ ਅਮਨ ਅਤੇ ਦਿਗਵਿਜੈ, ਜੋ ਕਿ ਦੋਵੇਂ ਡੈਲਟਾ, ਬੀ.ਸੀ. ਤੋਂ ਹਨ, ਨੂੰ ਲੱਭ ਕੇ ਗ੍ਰਿਫ਼ਤਾਰ ਕਰ ਲਿਆ। ਦੋਨਾਂ `ਤੇ ਫਸਟ ਡਿਗਰੀ ਕਤਲ ਦਾ ਦੋਸ਼ ਲਾਇਆ ਗਿਆ ਹੈ।