Welcome to Canadian Punjabi Post
Follow us on

18

October 2019
ਅੰਤਰਰਾਸ਼ਟਰੀ

ਬ੍ਰਿਟੇਨ ਦੇਪ੍ਰਧਾਨ ਮੰਤਰੀ ਦੀ ਚੋਣ ਲਈ ਪਹਿਲੇ ਦੌਰ ਵਿੱਚ ਬੋਰਿਸ ਜੌਨਸਨ ਸਭ ਤੋਂ ਅੱਗੇ ਰਹੇ

June 14, 2019 10:28 AM

* ਅਗਲੇ ਦੌਰ ਦੀ ਚੋਣ 18 ਨੂੰ ਹੋਵੇਗੀ


ਲੰਡਨ, 13 ਜੂਨ, (ਪੋਸਟ ਬਿਊਰੋ)- ਬ੍ਰਿਟੇਨ ਦੀ ਪ੍ਰਧਾਨ ਮੰਤਰੀ ਥੈਰੇਸਾ ਮੇਅ ਦੀ ਥਾਂ ਨਵਾਂ ਪ੍ਰਧਾਨ ਮੰਤਰੀ ਬਣਨ ਦੀ ਦੌੜ ਵਿੱਚ ਬੋਰਿਸ ਜੌਨਸਨ ਬਾਕੀ ਸਭਤੋਂ ਅੱਗੇ ਨਿਕਲ ਗਏ ਹਨ। ਇਸ ਵੀਰਵਾਰ ਨੂੰ ਪਹਿਲੇ ਗੇੜ ਦੀ ਵੋਟਿੰਗ ਵਿੱਚ ਬੋਰਿਸ ਜੌਨਸਨ ਨੂੰ ਸਭ ਤੋਂ ਵੱਧ 114 ਵੋਟਾਂ ਮਿਲੀਆਂ। ਇਸ ਗੇੜ ਦੌਰਾਨ ਤਿੰਨ ਉਮੀਦਵਾਰ ਬਾਹਰ ਹੋ ਗਏ ਅਤੇਸਿਰਫ ਸੱਤ ਉਮੀਦਵਾਰ ਹੀ ਮੈਦਾਨ ਵਿੱਚਬਾਕੀ ਬਚੇ ਹਨ।
ਦੇਸ਼ ਦੀ ਸਰਕਾਰ ਚਲਾ ਰਹੀ ਕੰਜ਼ਰਵੇਟਿਵ ਪਾਰਟੀ ਦੇ ਲਈ ਅਗਲਾ ਨੇਤਾ ਚੁਣਨ ਵਾਸਤੇ ਪਾਰਟੀ ਦੇ ਕੁਲ 313 ਪਾਰਲੀਮੈਂਟ ਮੈਂਬਰਾਂ ਨੇ ਵੋਟਿੰਗ ਵਿੱਚ ਹਿੱਸਾ ਲਿਆ। ਪਾਰਟੀ ਦਾ ਪ੍ਰਧਾਨ ਬਣਨ ਦਾ ਵਾਲਾ ਆਗੂ ਪ੍ਰਧਾਨ ਮੰਤਰੀ ਦੀ ਕੁਰਸੀ ਉੱਤੇ ਬੈਠਦਾ ਹੈ। ਪਹਿਲੇ ਗੇੜ ਦੇ ਉਮੀਦਵਾਰਾਂ ਵਿੱਚੋਂ ਬੋਰਿਸ ਜੌਨਸਨ ਨੂੰ 114 ਵੋਟਾਂ ਮਿਲੀਆਂ, ਮੌਜੂਦਾ ਵਿਦੇਸ਼ ਮੰਤਰੀ ਜੇਰੇਮੀ ਹੰਟ ਨੂੰ 43, ਵਾਤਾਵਰਣ ਮੰਤਰੀ ਮਾਈਕਲ ਗੋਵ ਨੂੰ 37 ਅਤੇ ਸਾਬਕਾ ਬ੍ਰੈਗਜ਼ਿਟ ਮੰਤਰੀ ਡੋਮਿਨਿਕ ਰੌਬ ਨੂੰ 27 ਵੋਟਾਂ ਮਿਲ ਸਕੀਆਂ ਹਨ। ਹਾਊਸ ਆਫ ਕਾਮਨਸ ਦੀ ਸਾਬਕਾ ਨੇਤਾ ਏਂਡਰੀਆ ਲੀਡਕਸਮ, ਮਾਰਕ ਹਾਰਪਰ ਤੇ ਐਸਟਰ ਮੈਕਵੇ ਬਾਹਰ ਹੋ ਗਏ ਹਨ। ਪਹਿਲੇ ਦੌਰ ਦੀ ਚੋਣ ਜਿੱਤਣ ਪਿੱਛੋਂ ਬੋਰਿਸ ਜੌਨਸਨ ਨੇ ਕਿਹਾ ਕਿ ਕੰਜ਼ਰਵੇਟਿਵ ਪਾਰਟੀਦੇ ਮੇਰੇ ਸਾਥੀਓ, ਤੁਹਾਡਾ ਧੰਨਵਾਦ। ਮੈਂ ਪਹਿਲਾ ਦੌਰ ਜਿੱਤਣ ਉੱਤੇ ਖ਼ੁਸ਼ ਹਾਂ, ਪਰ ਅਜੇ ਲੰਬਾ ਸਫ਼ਰ ਤੈਅ ਕਰਨਾ ਹੈ।
ਪਿਛਲੀ ਥੈਰੇਸਾ ਮੇਅ ਸਰਕਾਰਦੇ ਵਿਦੇਸ਼ ਮੰਤਰੀ ਰਹਿ ਚੁੱਕੇ 54 ਸਾਲਾ ਬੋਰਿਸ ਜੌਨਸਨ ਨੂੰ ਕੰਜ਼ਰਵੇਟਿਵ ਪਾਰਟੀ ਦਾ ਨੇਤਾ ਚੁਣੇ ਜਾਣ ਅਤੇ ਪ੍ਰਧਾਨ ਮੰਤਰੀ ਬਣਨ ਦੀ ਦੌੜ ਵਿੱਚ ਸਭ ਤੋਂ ਅੱਗੇ ਮੰਨਿਆ ਜਾਂਦਾ ਹੈ। ਪ੍ਰਧਾਨ ਮੰਤਰੀ ਥੈਰੇਸਾ ਬੈ੍ਰਗਜ਼ਿਟ (ਯੂਰਪੀ ਯੂਨੀਅਨ ਤੋਂ ਵੱਖਰੇ ਹੋਣ) ਦੇ ਸਮਝੌਤੇ ਉੱਤੇਪਾਰਲੀਮੈਂਟ ਵਿੱਚ ਕਈ ਵਾਰ ਨਾਕਾਮ ਰਹੀਥੈਰੇਸਾ ਮੇਅ ਨੇ ਇਹ ਅਹੁਦਾ ਛੱਡਣ ਦਾ ਐਲਾਨ ਕਰ ਦਿੱਤਾ ਸੀ। ਉਨ੍ਹਾਂ ਨੇ ਬੀਤੀ ਸੱਤ ਜੂਨ ਨੂੰ ਪਾਰਟੀ ਪ੍ਰਧਾਨ ਦੇ ਅਹੁਦੇ ਤੋਂਆਪਣਾ ਅਸਤੀਫ਼ਾਦੇ ਦਿੱਤਾ ਸੀ।ਕੰਜ਼ਰਵੇਟਿਵ ਪਾਰਟੀ ਦੇ ਪ੍ਰਧਾਨ ਦੇ ਅਹੁਦੇ ਲਈ ਬੈਲੇਟ ਪੇਪਰ ਨਾਲ ਵੋਟਿੰਗ ਹੋਈ ਹੈ। ਪਹਿਲੇ ਗੇੜ ਦੀ ਚੋਣ ਵਿੱਚ 16 ਜਾਂ ਇਸ ਤੋਂ ਘੱਟ ਵੋਟਾਂ ਲੈਣ ਵਾਲੇ ਉਮੀਦਵਾਰ ਬਾਹਰ ਹੋ ਗਏ ਅਤੇ ਇਸ ਤੋਂ ਵੱਧ ਵੋਟਾਂ ਵਾਲੇ ਉਮੀਦਵਾਰ ਅਗਲੇ ਦੌਰ ਵਿੱਚ ਪਹੁੰਚੇ ਹਨ। ਅਗਲੇ ਦੌਰਲਈ ਵੋਟਾਂ 18, 19 ਤੇ 20 ਜੂਨ ਨੂੰ ਪੈਣਗੀਆਂ ਤਾਂ ਜੋ ਆਖ਼ਰੀ ਦੌਰ ਦੀਆਂ ਚੋਣਾਂ ਵਿੱਚ ਸਿਰਫ਼ ਦੋ ਉਮੀਦਵਾਰ ਬਚ ਸਕਣ ਅਤੇ ਫਿਰ ਉਨ੍ਹਾਂ ਵਿਚਾਲੇ ਮੁਕਾਬਲਾ ਹੋਵੇਗਾ।

 

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ