ਲਗਭਗ 12 ਸਾਲ ਪਹਿਲਾਂ ਟੀ ਵੀ ਸ਼ੋਅ ‘ਕਿਉਂਕਿ ਸਾਸ ਭੀ ਕਭੀ ਬਹੁ ਥੀ’ ਵਿੱਚ ਕੰਮ ਕਰ ਕੇ ਚਰਚਿਤ ਹੋਈ ਐਕਟ੍ਰੈੱਸ ਮੌਨੀ ਰਾਏ ਨੂੰ ਸੀਰੀਅਲ ‘ਨਾਗਿਨ’ ਨੇ ਘਰ ਘਰ ਵਿੱਚ ਪਾਪੂਲਰ ਕਰ ਦਿੱਤਾ। ਡਾਂਸ ਵਿੱਚ ਟਰੇਂਡ ਹੋਣ ਕਾਰਨ ਉਸ ਨੇ ਕਈ ਡਾਂਸ ਰਿਐਲਿਟੀ ਸ਼ੋਅਜ਼ ਵਿੱਚ ਵੀ ਹਿੱਸਾ ਲਿਆ ਅਤੇ ਪੁਰਸਕਾਰ ਵੀ ਜਿੱਤੇ। ਇਸ ਤੋਂ ਬਾਅਦ ‘ਗੋਲਡ’ ਦੇ ਜ਼ਰੀਏ ਫਿਲਮਾਂ 'ਚ ਐਂਟਰੀ ਲਈ ਅਤੇ ਅੱਜ ਕਰੀਅਰ ਬਣਾਉਣ ਦੀ ਦਿਸ਼ਾ ਵਿੱਚ ਸਰਗਰਮ ਹੈ। ਪੇਸ਼ ਹਨ ਉਸ ਨਾਲ ਗੱਲਬਾਤ ਦੇ ਮੁੱਖ ਅੰਸ਼ :
* ‘ਗੋਲਡ’ ਜ਼ਰੀਏ ਬਾਲੀਵੁੱਡ ਵਿੱਚ ਐਂਟਰੀ ਨੂੰ ਕਿਸ ਨਜ਼ਰ ਨਾਲ ਦੇਖਦੇ ਹੋ?
- ਸਭ ਤੋਂ ਪਹਿਲਾਂ ਇਹ ਕਲੀਅਰ ਕਰ ਦਿਆਂ ਕਿ ‘ਗੋਡ’ ਮੇਰੀ ਡੈਬਿਊ ਫਿਲਮ ਨਹੀਂ ਸੀ, ਸਗੋਂ ਇਸ ਤੋਂ ਲਗਭਗ 15 ਸਾਲ ਪਹਿਲਾਂ ਮੈਂ ਫਿਲਮ ‘ਰਨ’ ਦੇ ਇੱਕ ਗਾਣੇ ਵਿੱਚ ਕੰਮ ਕੀਤਾ ਸੀ। ਉਸ ਗਾਣੇ ਵਿੱਚ ਮੇਰੇ ਨਾਲ ਅਭਿਸ਼ੇਕ ਬੱਚਨ ਸਨ। ਉਦੋਂ ਮੈਂ ਸਿਰਫ ਪੰਦਰਾਂ ਸਾਲ ਦੀ ਸੀ ਅਤੇ ਉਸ ਸਮੇਂ ਕਾਲਜ ਫਰੈਂਡ ਨੇ ਆ ਕੇ ਦੱਸਿਆ ਕਿ ਇੱਕ ਫਿਲਮ ਦੇ ਗਾਣੇ ਵਿੱਚ ਹਿੱਸਾ ਲੈਣ ਦਾ ਮੌਕਾ ਮਿਲ ਰਿਹਾ ਹੈ ਤੇ ਇਸ ਤੋਂ ਬਾਅਦ ਕੁਝ ਪੈਸੇ ਵੀ ਮਿਲਣਗੇ। ਮੈਂ ਪਾਕੇਟ ਮਨੀ ਦੇ ਲਾਲਚ ਵਿੱਚ ਚਲੀ ਗਈ, ਪਰ ਫਿਲਮੀ ਸਫਰ ਫਿਲਮ ‘ਗੋਲਡ’ ਤੋਂ ਸ਼ੁਰੂ ਹੋਇਆ, ਜਦੋਂ ਮੈਂ ਅਕਸ਼ੈ ਕੁਮਾਰ ਦੀ ਪਤਨੀ ਦੀ ਭੂਮਿਕਾ ਨਿਭਾਈ। ਉਸ ਪਿੱਛੋਂ ਦੂਜੀ ਫਿਲਮ ‘ਰੋਮੀਓ, ਅਕਬਰ, ਵਾਲਟਰ' ਆਈ। ਦੋਵਾਂ ਨੂੰ ਕਾਮਬਾਯੀ ਮਿਲੀ, ਜਿਸ ਤੋਂ ਬਹੁਤ ਖੁਸ਼ ਹਾਂ।
* ‘ਰੋਮੀਓ, ਅਕਬਰ, ਵਾਲਟਰ’ ਨੂੰ ਕਰਨ ਦੀ ਖਾਸ ਵਜ੍ਹਾ ਕੀ ਰਹੀ?
- ਇਸ ਦੀ ਕਹਾਣੀ ਨੇ ਮੈਨੂੰ ਬਹੁਤ ਪ੍ਰੇਰਿਤ ਕੀਤਾ ਅਤੇ ਮੈਂ ਅਜਿਹੀ ਫਿਲਮ ਦਾ ਹਿੱਸਾ ਬਣਨਾ ਹਮੇਸ਼ਾ ਤੋਂ ਚਾਹੁੰਦੀ ਸੀ ਕਿਉਂਕਿ ਅਜਿਹੇ ਗੁੰਮਨਾਮ ਬਹਾਦਰਾਂ ਦੀ ਕਹਾਣੀ ਨੂੰ ਹਮੇਸ਼ਾ ਕਹਿਣ ਦੀ ਲੋੜ ਹੁੰਦੀ ਹੈ, ਜਿਸ ਨੂੰ ਲੋਕ ਨਹੀਂ ਜਾਣਦੇ। ਸਾਡੀ ਸੁਰੱਖਿਆ ਵਿੱਚ ਲੱਗੇ ਅਜਿਹੇ ਵੀਰਾਂ ਦੀ ਕਹਾਣੀ 'ਚ ਸ਼ਾਮਲ ਹੋਣਾ ਮੇਰੇ ਲਈ ਮਾਣ ਵਾਲੀ ਗੱਲ ਹੈ।
* ਤੁਸੀਂ ਫਿਲਮਾਂ ਦੀ ਚੋਣ ਕਰਨ ਵਿੱਚ ਕੀ ਮਾਪਦੰਡ ਅਪਣਾਉਂਦੇ ਹੋ?
- ਮੇਰੇ ਲਈ ਕਿਰਦਾਰ ਦੀ ਲੰਬਾਈ ਨਹੀਂ, ਸਗੋਂ ਡੂੰਘਾਈ ਅਰਥ ਰੱਖਦੀ ਹੈ ਕਿਉਂਕਿ ਕਈ ਵਾਰ ਛੋਟੀ ਜਿਹੀ ਭੂਮਿਕਾ ਵੀ ਫਿਲਮ ਲਈ ਕਾਫੀ ਪ੍ਰਭਾਵਸ਼ਾਲੀ ਹੁੰਦੀ ਹੈ। ਇਸ ਲਈ ਮੈਂ ਅਜਿਹੀ ਭੂਮਿਕਾ ਕਰਨੀ ਪਸੰਦ ਕਰਦੀ ਹਾਂ।
* ਫਿਲਮ ‘ਬ੍ਰਹਮਾਸਤਰ’ ਬਾਰੇ ਕੀ ਕਹੋਗੇ?
- ਅਯਾਨ ਮੁਖਰਜੀ ਦੇ ਨਿਰਦੇਸ਼ਨ ਵਾਲੀ ਫਿਲਮ ‘ਬ੍ਰਹਮਾਸਤਰ’ ਵਿੱਚ ਅਮਿਤਾਭ ਬੱਚਨ, ਰਣਬੀਰ ਕਪੂਰ, ਆਲੀਆ ਭੱਟ ਹੈ। ਮੈਂ ਵਿਲੇਨ ਦੇ ਕਿਰਦਾਰ ਵਿੱਚ ਨਜ਼ਰ ਆਉਣ ਵਾਲੀ ਹਾਂ। ਉਂਝ ਮੈਂ ਹਰ ਫਿਲਮ ਵਿੱਚ ਵੱਖਰਾ ਕਿਰਦਾਰ ਕਰਨਾ ਚਾਹੁੰਦੀ ਹਾਂ। ਮੈਂ ਚੈਲੇਂਜਿੰਗ ਕਿਰਦਾਰ ਨਿਭਾਉਣੇ ਹਨ। ਜਦੋਂ ਅਯਾਨ ਨੇ ਮੇਰੇ ਸਾਹਮਣੇ ਵਿਲੇਨ ਦੇ ਕਿਰਦਾਰ ਦਾ ਆਫਰ ਰੱਖਿਆ ਤਾਂ ਮੈਂ ਥੋੜ੍ਹਾ ਹੈਰਾਨ ਹੋਈ। ਬਾਅਦ ਵਿੱਚ ੱਾਯਨ ਨੇ ਦੱਸਿਆ ਕਿ ਉਨ੍ਹਾਂ ਨੇ ਮੈਨੂੰ ਸੀਰੀਅਲ ‘ਨਾਗਿਨ’ ਵਿੱਚ ਦੇਖਣ ਤੋਂ ਬਾਅਦ ਹੀ ਵਿਲੇਨ ਦੇ ਕਿਰਦਾਰ ਲਈ ਸਿਲੈਕਟ ਕੀਤਾ ਹੈ।
* ‘ਬ੍ਰਹਮਾਸਤਰ’ ਵਿੱਚ ਤੁਸੀਂ ਨੈਗੇਟਿਵ ਕਿਰਦਾਰ ਕਰ ਰਹੇ ਹੋ, ਕੀ ਟਾਈਪ ਕਾਸਟ ਹੋਣ ਦਾ ਡਰ ਨਹੀਂ ਲੱਗਾ?
- ਨਹੀਂ, ਕਿਉਂਕਿ ਨੈਗੇਟਿਵ ਕਿਰਦਾਰ ਜੇ ਚੰਗਾ ਅਤੇ ਚੁਣੌਤੀ ਪੂਰਨ ਲੱਗੇ, ਉਸ ਦੀ ਅਹਿਮੀਅਤ ਫਿਲਮ 'ਚ ਹੈ, ਫਿਰ ਉਸ ਨੂੰ ਕਰਨ ਵਿੱਚ ਮੈਨੂੰ ਕੋਈ ਸਮੱਸਿਆ ਨਹੀਂ, ਕਿਉਂਕਿ ਮੈਨੂੰ ਹਰ ਤਰ੍ਹਾਂ ਦੀ ਭੂਮਿਕਾ ਨਿਭਾਉਣਾ ਪਸੰਦ ਹੈ।
* ‘ਬ੍ਰਹਮਾਸਤਰ’ ਵਿੱਚ ਕਈ ਵੱਡੇ ਕਲਾਕਾਰ ਹਨ। ਉਨ੍ਹਾਂ ਨਾਲ ਕੰਮ ਕਰਨ ਦਾ ਤਜਰਬਾ ਦੱਸੋ?
- ‘ਬ੍ਰਹਮਾਸਤਰ’ ਵਿੱਚ ਅਮਿਤਾਭ ਬੱਚਨ, ਆਲੀਆ ਭੱਟ, ਰਣਬੀਰ ਕਪੂਰ ਵਰਗੇ ਕਲਾਕਾਰਾਂ ਨਾਲ ਕੰਮ ਕਰਨਾ ਕਿਸੇ ਅਚੀਵਮੈਂਟ ਤੋਂ ਘੱਟ ਨਹੀਂ ਹੈ। ਇਹ ਸਾਰੇ ਵੱਡੇ ਕਲਾਕਾਰ ਹਨ ਜਿਨ੍ਹਾਂ ਨਾਲ ਕੰਮ ਕਰਦੇ ਡਰ ਲੱਗਦਾ ਸੀ, ਪਰ ਸਾਰੇ ਇੰਨੇ ਡਾਊਨ ਟੂ ਅਰਥ ਹਨ ਕਿ ਇਨ੍ਹਾਂ ਨੇ ਮੈਨੂੰ ਬਹੁਤ ਸਹਿਜ ਕਰ ਦਿੱਤਾ, ਇਸ ਤਰ੍ਹਾਂ ਮੈਂ ਆਰਾਮ ਨਾਲ ਐਕਟਿੰਗ ਕਰ ਸਕਾਂ।