ਧਰਮਾ ਪ੍ਰੋਡਕਸ਼ਨ ਦੀ ਫਿਲਮ ‘ਡਰਾਈਵ’ ਇੱਕ ਵਾਰ ਫਿਰ ਪੋਸਟਪੋਨ ਹੋ ਗਈ ਹੈ। ਫਿਲਮ ਵਿੱਚ ਸੁਸ਼ਾਂਤ ਸਿੰਘ ਰਾਜਪੂਤ ਤੇ ਜੈਕਲਿਨ ਫਰਨਾਂਡੀਜ਼ ਲੀਡ ਰੋਲ ਵਿੱਚ ਹਨ। ਇਸ ਤੋਂ ਪਹਿਲਾਂ ਇਹ ਫਿਲਮ 28 ਜੂਨ ਨੂੰ ਰਿਲੀਜ਼ ਹੋਣੀ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਪੋਸਟ ਪ੍ਰੋਡਕਸ਼ਨ ਵਰਕ ਦੇ ਕਾਰਨ ਫਿਲਮ ਦੀ ਰਿਲੀਜ਼ ਨੂੰ ਅੱਗੇ ਵਧਾਇਆ ਗਿਆ ਹੈ।
ਜੈਕਲਿਨ ਨੇ ਦੱਸਿਆ, ‘ਡਾਇਰੈਕਟਰ ਤਰੁਣ ਮਨਸੁਖਾਨੀ ਨੂੰ ਜਿੰਨੀ ਆਸ ਸੀ ਉਸ ਤੋਂ ਜਿ਼ਆਦਾ ਟਾਈਮ ਵੀ ਐੱਫ ਐਕਸ ਵਿੱਚ ਲੱਗ ਰਿਹਾ ਹੈ, ਪਰ ਫਿਲਮ ਕਾਫੀ ਕੂਲ ਲੱਗ ਰਹੀ ਹੈ। ਇਸ ਵਿੱਚ ਸੁਸ਼ਾਂਤ ਹਨ ਅਤੇ ਉਹ ਹਮੇਸ਼ਾ ਦੀ ਤਰ੍ਹਾਂ ਬਿਹਤਰੀਨ ਹਨ।’ ਜੈਕਲਿਨ ਮੁਤਾਬਕ ‘ਇਹ ਕਾਫੀ ਸੈਕਸੀ ਫਿਲਮ ਹੈ, ਜਿਸ ਵਿੱਚ ਕਾਰ ਹੈ, ਐਕਸ਼ਨ ਹੈ। ਫਿਲਮ ਵਿੱਚ ਤੁਸੀਂ ਮੈਨੂੰ ਕਾਫੀ ਸਟੰਟ ਸੀਨ ਕਰਦੇ ਦੇਖੋਗੇ। ਇਹ ਇੱਕ ਅਜਿਹੀ ਫਿਲਮ ਹੈ ਜਿਸ ਦੀ ਰਿਲੀਜ਼ ਦਾ ਮੈਨੂੰ ਬੇਸਬਰੀ ਨਾਲ ਇੰਤਜ਼ਾਰ ਹੈ। ਮੈਂ ਚਾਹੁੰਦੀ ਹਾਂ ਕਿ ਇਹ ਜਲਦੀ ਤੋਂ ਜਲਦੀ ਲੋਕਾਂ ਵਿੱਚ ਆਏ, ਪਰ ਪ੍ਰੋਫੈਸ਼ਨਲ ਹੋਣ ਕਾਰਨ ਤਰੁਣ ਚਾਹੰੁਦੇ ਹਨ ਕਿ ਵੀ ਐੱਫ ਐਕਸ ਪ੍ਰਫੈਕਟ ਲੱਗੇ।’ ‘ਡਰਾਈਵ’ ਦੀ ਨਵੀਂ ਰਿਲੀਜ਼ ਡੇਟ ਹਾਲੇ ਅਨਾਊਂਸ ਨਹੀਂ ਹੋਈ।