ਇਹ ਸਾਲ ਯਾਮੀ ਗੌਤਮ ਲਈ ਕਾਫੀ ਵਧੀਆ ਸਾਬਤ ਹੋ ਰਿਹਾ ਹੈ। ਇੱਕ ਪਾਸੇ ਵਿੱਕੀ ਕੌਸ਼ਲ ਦੇ ਨਾਲ ਉਸ ਦੀ ਫਿਲਮ ‘ਉੜੀ’ ਨੇ ਬਾਕਸ ਆਫਿਸ ਉਤੇ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਦੂਸਰੇ ਪਾਸੇ ਸਾਲ 2017 ਵਿੱਚ ਰਿਲੀਜ਼ ਹੋਈ ਉਸ ਦੀ ਫਿਲਮ ‘ਕਾਬਿਲ’ ਚੀਨ ਵਿੱਚ ਪੰਜ ਜੂਨ ਨੂੰ ਰਿਲੀਜ਼ ਹੋਣ ਲਈ ਤਿਆਰ ਹੈ। ਇਹ ਪਹਿਲੀ ਵਾਰ ਹੋਵੇਗਾ, ਜਦ ਯਾਮੀ ਗੌਤਮ ਦੀ ਕੋਈ ਫਿਲਮ ਚੀਨ ਵਿੱਚ ਰਿਲੀਜ਼ ਹੋਵੇਗੀ। ਯਾਮੀ ਇਨ੍ਹੀਂ ਦਿਨੀਂ ਆਯੁਸ਼ਮਾਨ ਖੁਰਾਣਾ ਤੇ ਭੂਮੀ ਪੇਡਨੇਕਰ ਨਾਲ ਕਾਨਪੁਰ ਵਿੱਚ ਆਪਣੀ ਅਗਲੀ ਫਿਲਮ ‘ਬਾਲਾ' ਦੀ ਸ਼ੂਟਿੰਗ ਕਰ ਰਹੀ ਹੈ।
ਸੂਤਰਾਂ ਮੁਤਾਬਕ ਯਾਮੀ ਗੌਤਮ ਨੇ ‘ਬਾਲਾ’ ਫਿਲਮ ਦੇ ਨਿਰਮਾਤਾਵਾਂ ਨੂੰ ਕਿਹਾ ਹੈ ਕਿ ਉਹ ਫਿਲਮ ਦਾ ਸ਼ਡਿਊਲ ਜਲਦੀ ਖਤਮ ਕਰਨਾ ਚਾਹੁੰਦੀ ਹੈ ਤਾਂ ਕਿ ਉਹ ‘ਕਾਬਿਲ’ ਦੇ ਪ੍ਰਮੋਸ਼ਨ ਲਈ ਚੀਨ ਜਾ ਸਕੇ। ਨਿਰਮਾਤਾਵਾਂ ਨੇ ਵੀ ਉਸ ਦੀ ਗੱਲ ਮੰਨ ਲਈ ਹੈ। ਯਾਮੀ ਜ਼ਿਆਦਾ ਵਕਤ ਦੇ ਕੇ ਆਪਣਾ ਕੰਮ ਸ਼ਡਿਊਲ ਤੋਂ ਪਹਿਲਾਂ ਪੂਰਾ ਕਰਨ ਲੱਗੀ ਹੋਈ ਹੈ। ਜਲਦੀ ਹੀ ਉਹ ਰਿਤਿਕ ਰੋਸ਼ਨ ਨਾਲ ਬੀਜਿੰਗ ਦੀ ਉਡਾਣ ਭਰੇਗੀ। ‘ਕਾਬਿਲ’ ਦਾ ਨਿਰਦੇਸ਼ਨ ਸੰਜੇ ਗੁਪਤਾ ਨੇ ਕਤਿਾ ਸੀ ਅਤੇ ਇਸ ਫਿਲਮ ਨੇ ਲਗਭਗ 150 ਕਰੋੜ ਤੋਂ ਵੱਧ ਦਾ ਕਾਰੋਬਾਰ ਕੀਤਾ ਸੀ।