Welcome to Canadian Punjabi Post
Follow us on

10

December 2019
ਭਾਰਤ

ਐਸ਼ਵਰਿਆ ਬਾਰੇ ਬੇਹੂਦਾ ਟਵੀਟ ਕਰ ਕੇ ਫਿਲਮ ਸਟਾਰ ਵਿਵੇਕ ਓਬਰਾਏ ਫਸਣ ਲੱਗਾ

May 21, 2019 10:25 AM

* ਮਹਿਲਾ ਕਮਿਸ਼ਨ ਵੱਲੋਂ ਓਬਰਾਏ ਨੂੰ ਨੋਟਿਸ ਜਾਰੀ 

ਮੁੰਬਈ, 20 ਮਈ, (ਪੋਸਟ ਬਿਊਰੋ)- ਪਾਰਲੀਮੈਂਟ ਚੋਣਾਂ ਦੇ ਆਖਰੀ ਗੇੜ ਦੇ ਬਾਅਦ ਆਏ ਐਗਜ਼ਿਟ ਪੋਲ ਬਾਰੇ ਸੋਸ਼ਲ ਮੀਡੀਆ ਉੱਤੇ ਫਿਲਮ ਸਟਾਰ ਵਿਵੇਕ ਆਨੰਦ ਓਬਰਾਏ ਵੱਲੋਂ ਕੀਤੇ ਟਵੀਟ ਦੇ ਨਾਲ ਹੰਗਾਮਾ ਹੋ ਗਿਆ ਹੈ।
ਪਤਾ ਲੱਗਾ ਹੈ ਕਿ ਵਿਵੇਕ ਓਬਰਾਏ ਨੇ ਐਗਜ਼ਿਟ ਪੋਲ ਨੂੰ ਪੇਸ਼ ਕਰਦੀ ਇਕ ਫੋਟੋ ਸੋਸ਼ਲ ਮੀਡੀਆ ਉੱਤੇ ਪੋਸਟ ਕੀਤੀ ਹੈ, ਜਿਸ ਵਿਚ ਉਨ੍ਹਾਂ ਨੇ ਆਪਣੇ ਨਾਲ ਸਲਮਾਨ ਖਾਨ, ਐਸ਼ਵਰਿਆ ਰਾਏ ਬੱਚਨ, ਅਭਿਸ਼ੇਕ ਬੱਚਨ ਅਤੇ ਉਨ੍ਹਾਂ ਦੀ ਬੇਟੀ ਅਰਾਧਿਆ ਤਕ ਦਾ ਮਜ਼ਾਕ ਉਡਾਇਆ ਹੈ। ਇਸ ਭੱਦੇਪਣ ਲਈ ਕੌਮੀ ਮਹਿਲਾ ਕਮਿਸ਼ਨ ਨੇ ਉਨ੍ਹਾਂ ਨੂੰ ਨੋਟਿਸ ਭੇਜ ਕੇ ਸਪੱਸ਼ਟੀਕਰਨ ਮੰਗਿਆ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਅਮਿਤਾਬ ਬੱਚਨ ਨੇ ਵਿਵੇਕ ਓਬਰਾਏ ਦੇ ਇਸ ਟਵੀਟ ਤੋਂ ਦੋ ਘੰਟੇ ਪਹਿਲਾਂ ਸੋਸ਼ਲ ਮੀਡੀਆ ਉੱਤੇ ਸੋਚ ਕੇ ਲਿਖਣ ਲਈ ਹਦਾਇਤ ਕਰਦਿਆਂ ਲਿਖਿਆ ਸੀ, ‘ਸੋਸ਼ਲ ਮੀਡੀਆ ਉੱਤੇ ਸੋਚ ਸਮਝ ਕੇ ਜ਼ਿਕਰ ਕਰੋ, ਐ ਦੋਸਤ, ਕਿਤੇ ਸਮਾਜਿਕ ਇਤਬਾਰ ਨਾਲ ਗ਼ੈਰ ਮੁਨਾਸਿਬ ਨਾ ਹੋਵੇ।`
ਅਸਲ ਵਿੱਚ ਅੱਜ ਸੋਮਵਾਰ ਨੂੰ ਵਿਵੇਕ ਓਬਰਾਏ ਵੱਲੋਂ ਸਾਂਝੀ ਕੀਤੀ ਗਈ ਤਸਵੀਰ ਤਿੰਨ ਹਿੱਸਿਆਂ ਵਿੱਚ ਵੰਡਵੀਂ ਹੈ। ਸਭ ਤੋਂ ਉੱਪਰ ਇਕ ਪੁਰਾਣੀ ਤਸਵੀਰ ਵਿੱਚ ਐਸ਼ਵਰਿਆ ਰਾਏ ਅਤੇ ਸਲਮਾਨ ਖਾਨ ਨਜ਼ਰ ਆਉਂਦੇ ਹਨ, ਜਿਸ ਦੇ ਨਾਲ ‘ਓਪੀਨੀਅਨ ਪੋਲ’ ਲਿਖਿਆ ਹੈ। ਦੂਸਰੇ ਹਿੱਸੇ ਵਿੱਚ ਵਿਵੇਕ ਓਬਰਾਏ ਅਤੇ ਐਸ਼ਵਰਿਆ ਰਾਏ ਦੀ ਫੋਟੋ ਹੈ, ਜਿਸ ਉੱਤੇ ‘ਐਗਜ਼ਿਟ ਪੋਲ’ ਲਿਖ ਦਿੱਤਾ ਹੈ। ਤੀਸਰੇ ਹਿੱਸੇ ਵਿੱਚ ਅਭਿਸ਼ੇਕ ਬੱਚਨ, ਐਸ਼ਵਰਿਆ ਰਾਏ ਬੱਚਨ ਅਤੇ ਅਰਾਧਿਆ ਦੀ ਫੋਟੋ ਉੱਤੇ ‘ਰਿਜ਼ਲਟ’ ਲਿਖਿਆ ਹੈ। ਇਸ ਫੋਟੋ ਨੂੰ ਪੇਸ਼ ਕਰ ਕੇ ਵਿਵੇਕ ਓਬਰਾਏ ਨੇ ਲਿਖਿਆ, ‘ਹਾਹਾ! ਕ੍ਰਿਏਟਿਵ! ਇੱਥੇ ਕੋਈ ਸਿਆਸਤ ਨਹੀਂ ਹੈ..., ਜਸਟ ਲਾਈਫ।` ਉਨ੍ਹਾਂ ਦੇ ਇਸ ਟਵੀਟ ਨੂੰ ਕਈ ਲੋਕਾਂ ਨੇ ਛੋਟੀ ਸੋਚ ਅਤੇ ਸ਼ਰਮਨਾਕ ਕਿਹਾ ਹੈ। ਐਕਟਰੈੱਸ ਸੋਨਮ ਕਪੂਰ ਨੇ ਲਿਖਿਆ, ‘ਘਿਨਾਉਣੀ ਅਤੇ ਵਰਗਹੀਣ।` ਸਾਬਕਾ ਬੈਡਮਿੰਟਨ ਖਿਡਾਰੀ ਜਵਾਲਾ ਗੁੱਟਾ ਨੇ ਇਸ ਨੂੰ ਬੇਹੂਦਾ ਕਿਹਾ ਹੈ। ਕੌਮੀ ਮਹਿਲਾ ਕਮਿਸ਼ਨ ਨੇ ਵਿਵੇਕ ਓਬਰਾਏ ਦੇ ਟਵੀਟ ਦਾ ਨੋਟਿਸ ਲੈਂਦੇ ਹੋਏ ਉਨ੍ਹਾਂ ਨੂੰ ਨੋਟਿਸ ਜਾਰੀ ਕੀਤਾ ਹੈ। ਕਮਿਸ਼ਨ ਦੀ ਚੇਅਰਪਰਸਨ ਰੇਖਾ ਸ਼ਰਮਾ ਨੇ ਉਨ੍ਹਾਂ ਦੀ ਆਲੋਚਨਾ ਕਰਦੇ ਹੋਏ ਲਿਖਿਆ ਹੈ ਕਿ ‘ਇਹ ਟਵੀਟ ਬਹੁਤ ਨਫ਼ਰਤ ਭਰਿਆ ਤੇ ਇਕ ਔਰਤ ਦੇ ਸਨਮਾਨ ਨੂੰ ਡੇਗਣ ਵਾਲਾ ਹੈ।` ਮਹਾਰਾਸ਼ਟਰ ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਵਿਜੇ ਰਹਿਟਕਰ ਨੇ ਟਵੀਟ ਕੀਤਾ, ‘ਉਨ੍ਹਾਂ ਨੇ ਜਿਹੜਾ ਟਵੀਟ ਕੀਤਾ, ਉਸ ਨੂੰ ਸਿਰਜਣਾਤਮਕਤਾ ਨਹੀਂ ਕਿਹਾ ਜਾ ਸਕਦਾ..., ਉਹ ਜ਼ਿੰਮੇਵਾਰ ਅਭਿਨੇਤਾ ਹਨ ਤੇ ਅਸੀਂ ਉਨ੍ਹਾਂ ਤੋਂ ਇਸ ਵਿਹਾਰ ਦੀ ਆਸ ਨਹੀਂ ਕਰਦੇ।’

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਹਨੀਪ੍ਰੀਤ ਸਵਾ ਦੋ ਸਾਲਾਂ ਬਾਅਦ ਗੁਰਮੀਤ ਰਾਮ ਰਹੀਮ ਨੂੰ ਮਿਲੀ
ਵਿਰੋਧੀਆਂ ਦੇ ਇਤਰਾਜ਼ ਅਤੇ ਪ੍ਰਦਰਸ਼ਨਾਂ ਵਿਚਾਲੇ ਨਾਗਰਿਕਤਾ ਸੋਧ ਬਿੱਲ ਪੇਸ਼ ਅਤੇ ਪਾਸ
ਦਿੱਲੀ ਵਿੱਚ ਭਿਆਨਕ ਅਗਨੀਕਾਂਡ, 43 ਮੌਤਾਂ, ਫੈਕਟਰੀ ਮਾਲਕ ਗ੍ਰਿਫਤਾਰ
ਸਵਾਮੀ ਨਿਤਿਆਨੰਦ ਦਾ ਪਾਸਪੋਰਟ ਭਾਰਤ ਸਰਕਾਰ ਵੱਲੋਂ ਰੱਦ
ਉਨਾਵ ਦੀ ਸਮੂਹਕ ਬਲਾਤਕਾਰ ਪੀੜਤਾ ਨੇ ਦਿੱਲੀ ਹਸਪਤਾਲ ਵਿੱਚ ਦਮ ਤੋੜਿਆ
ਅਦਾਲਤਾਂ ਤੋਂ ਬਾਹਰ ਜਾ ਕੇ ਨਿਆਂ ਕਰਨਾ ਗਲਤ, ਪਰ ਪੁਲਸ ਨੂੰ ਆਪਣੇ ਉਤੇ ਹਮਲੇ ਤੋਂ ਬਚਾਅ ਕਰਨ ਦਾ ਪੂਰਾ ਅਧਿਕਾਰ: ਕੈਪਟਨ
ਊਧਵ ਠਾਕਰੇ ਸਰਕਾਰ ਵੱਲੋਂ ਭਾਜਪਾ ਅਤੇ ਆਰ ਐੱਸ ਐੱਸ ਉੱਤੇ ਹਮਲਾ ਸ਼ੁਰੂ
ਦਿੱਲੀ ਕਤਲੇਆਮ ਬਾਰੇ ਮਨਮੋਹਨ ਸਿੰਘ ਦੇ ਖੁਲਾਸੇ ਨਾਲ ਸਨਸਨੀ
ਕੇਜਰੀਵਾਲ ਦਾ ਐਲਾਨ ਦਿੱਲੀ ਵਾਸੀਆਂ ਨੂੰ ਵਾਈ-ਫਾਈ ਮੁਫ਼ਤ ਮਿਲੇਗਾ
ਸਾਬਕਾ ਖਜ਼ਾਨਾ ਮੰਤਰੀ ਚਿਦਾਂਬਰਮ 106 ਦਿਨ ਪਿੱਛੋਂ ਤਿਹਾੜ ਜੇਲ ਤੋਂ ਨਿਕਲਿਆ