Welcome to Canadian Punjabi Post
Follow us on

19

September 2019
ਪੰਜਾਬ

ਸਾਬਕਾ ਅਕਾਲੀ ਵਿਧਾਇਕ ਸਣੇ ਕਈ ਆਗੂਆਂ ਖਿਲਾਫ ਇਰਾਦਾ ਕਤਲ ਦਾ ਕੇਸ ਦਰਜ

May 21, 2019 10:22 AM

ਬਠਿੰਡਾ, 20 ਮਈ, (ਪੋਸਟ ਬਿਊਰੋ)- ਬੀਤੇ 19 ਮਈ ਨੂੰ ਪਾਰਲੀਮੈਂਟ ਚੋਣਾਂ ਦੀ ਵੋਟਿੰਗ ਦੌਰਾਨ ਵਿਧਾਨ ਸਭਾ ਹਲਕਾ ਤਲਵੰਡੀ ਸਾਬੋ ਦੇ ਇੱਕ ਬੂਥ ਉੱਤੇ ਹੋਈ ਲੜਾਈ ਅਤੇ ਫਾਇਰਿੰਗ ਦੇ ਕੇਸ ਵਿਚ ਅੱਜ ਨਵਾਂ ਮੋੜ ਆ ਗਿਆ। ਪੁਲਿਸ ਨੇ ਇਸ ਕੇਸ ਵਿਚ ਕਾਂਗਰਸ ਪਾਰਟੀ ਦੇ ਜ਼ਿਲ੍ਹਾ ਪ੍ਰਧਾਨ ਖ਼ੁਸਬਾਜ਼ ਸਿੰਘ ਜਟਾਣਾ ਦੇ ਨਿੱਜੀ ਸਹਾਇਕ ਦੇ ਦਿੱਤੇ ਬਿਆਨਾਂ ਉੱਤੇ ਹਲਕਾ ਤਲਵੰਡੀ ਸਾਬੋ ਦੇ ਸਾਬਕਾ ਅਕਾਲੀ ਵਿਧਾਇਕ ਜੀਤ ਮਹਿੰਦਰ ਸਿੰਘ ਸਿੱਧੂ ਅਤੇ ਕਈ ਹੋਰ ਅਕਾਲੀ ਆਗੂਆਂ ਤੇ ਵਰਕਰਾਂ ਉੱਤੇ ਇਰਾਦਾ ਕਤਲ ਤੇ ਹੋਰ ਧਾਰਾਵਾਂ ਦਾ ਕੇਸ ਦਰਜ ਕਰ ਲਿਆ ਹੈ। ਇਸ ਵਿਚ ਸਾਬਕਾ ਅਕਾਲੀ ਵਿਧਾਇਕ ਤੇ ਅਕਾਲੀ ਦਲ ਦੇ ਸ਼ਹਿਰੀ ਪ੍ਰਧਾਨ ਸੁਖਬੀਰ ਸਿੰਘ ਚੱਠਾ ਦੀ ਭੂਮਿਕਾ ਨੂੰ ਸ਼ੱਕੀ ਦੱਸਦੇ ਹੋਏ ਪੁਲਿਸ ਨੇ ਇਸ ਦੀ ਵੱਖਰੀ ਪੜਤਾਲ ਕਰਾਉਣ ਦਾ ਫ਼ੈਸਲਾ ਵੀ ਲਿਆ ਦੱਸਿਆ ਜਾ ਰਿਹਾ ਹੈ।
ਵਰਨਣ ਯੋਗ ਹੈ ਕਿ 19 ਮਈ ਨੂੰ ਵੋਟਿੰਗ ਮੌਕੇ ਝਗੜੇ ਤੋਂ ਬਾਅਦ ਅਕਾਲੀ ਵਰਕਰ ਜਲੌਰ ਸਿੰਘ ਦੀ ਸਿ਼ਕਾਇਤ ਉੱਤੇ ਤਲਵੰਡੀ ਸਾਬੋ ਪੁਲਿਸ ਨੇ ਕਾਂਗਰਸ ਪਾਰਟੀ ਦੇ ਜ਼ਿਲ੍ਹਾ ਪ੍ਰਧਾਨ ਅਤੇ ਉਸ ਦੇ ਸਾਥੀਆਂ ਉੱਤੇ ਫਾਇਰਿੰਗ ਕਰਨ ਅਤੇ ਅਕਾਲੀ ਵਰਕਰ ਨੂੰ ਜਾਤੀ ਸੂਚਕ ਸ਼ਬਦ ਬੋਲਣ ਦੇ ਦੋਸ਼ ਹੇਠ ਪਰਚਾ ਦਰਜ ਕੀਤਾ ਸੀ। ਇਹ ਕੇਸ ਦਰਜ ਕਰਾਉਣ ਲਈ ਸਾਬਕਾ ਅਕਾਲੀ ਵਿਧਾਇਕ ਜੀਤ ਮਹਿੰਦਰ ਸਿੰਘ ਸਿੱਧੂ ਦੀ ਅਗਵਾਈ ਹੇਠ ਪੋਲਿੰਗ ਬੂਥ ਦੇ ਬਾਹਰ ਸਰਕਾਰੀ ਸਕੂਲ ਦੇ ਮੁੱਖ ਗੇਟ ਅੱਗੇ ਧਰਨਾ ਵੀ ਦਿਤਾ ਗਿਆ ਸੀ, ਜਿਸ ਪਿੱਛੋਂ ਆਈ ਜੀ ਅਤੇ ਐਸ ਐਸ ਪੀ ਸਮੇਤ ਕਈ ਪੁਲਿਸ ਅਧਿਕਾਰੀ ਓਥੇ ਪੁੱਜੇ ਸਨ। ਪੁਲਿਸ ਅਫਸਰਾਂ ਨੇ ਦਸਿਆ ਕਿ ਏਥੇ ਹੋਈ ਲੜਾਈ ਵਿਚ ਜ਼ਖਮੀ ਹੋਣ ਕਾਰਨ ਜ਼ਿਲ੍ਹਾ ਕਾਂਗਰਸ ਪ੍ਰਧਾਨ ਦਾ ਨਿੱਜੀ ਸਹਾਇਕ ਰਣਜੀਤ ਸਿੰਘ ਅਤੇ ਉਨ੍ਹਾਂ ਦਾ ਇੱਕ ਸਾਥੀ ਕਾਲਾ ਸਿੰਘ ਬਠਿੰਡਾ ਦੇ ਸਿਵਲ ਹਸਪਤਾਲ ਵਿਚ ਦਾਖ਼ਲ ਸਨ ਅਤੇ ਉਨ੍ਹਾਂ ਦੇ ਬਿਆਨਾਂ ਉੱਤੇ ਸਾਬਕਾ ਵਿਧਾਇਕ ਜੀਤ ਮਹਿੰਦਰ ਸਿੰਘ ਸਿੱਧੂ, ਯੂਥ ਅਕਾਲੀ ਦਲ ਦੇ ਹਲਕਾ ਪ੍ਰਧਾਨ ਸੁਖਬੀਰ ਸਿੰਘ ਚੱਠਾ, ਅਕਾਲੀ ਆਗੂ ਜਲੌਰ ਸਿੰਘ ਤੇ ਉਸ ਦੇ ਪੁੱਤਰ ਗੁਰਸ਼ਰਨ ਸਿੰਘ, ਸਾਬਕਾ ਕੌਂਸਲਰ ਰਣਜੀਤ ਸਿੰਘ ਮਲਕਾਣਾ, ਨਿੱਪੀ ਮਲਕਾਣਾ, ਤਰਸੇਮ ਸ਼ਰਮਾ ਦੇ ਨਾਲ ਉਕਤ ਵਾਰਡ ਦੀਆਂ ਦੋ ਔਰਤਾਂ ਸੁਖਵਿੰਦਰ ਕੌਰ ਅਤੇ ਅਮਰਜੀਤ ਕੌਰ ਦੇ ਵਿਰੁੱਧ ਵੀ ਧਾਰਾ 307, 324, 323, 327, 148,149 ਆਈ ਪੀ ਸੀ ਅਤੇ 25/ 27/ 54/ 59 ਆਰਮਜ਼ ਐਕਟ ਦਾ ਇੱਕ ਕੇਸ ਦਰਜ ਕੀਤਾ ਗਿਆ ਹੈ।
ਇਸ ਸੰਬੰਧ ਵਿੱਚ ਪਤਾ ਲੱਗਾ ਹੈ ਕਿ ਕੱਲ੍ਹ ਕਾਂਗਰਸੀ ਆਗੂਆਂ ਉੱਤੇ ਦਰਜ ਕੇਸ ਵਿਚ ਜਿੱਥੇ ਜਲੌਰ ਸਿੰਘ ਮੁਦੱਈ ਹੈ, ਓਥੇ ਉਕਤ ਦਲਿਤ ਔਰਤਾਂ ਸੁਖਵਿੰਦਰ ਕੌਰ ਤੇ ਅਮਰਜੀਤ ਕੌਰ ਨੇ ਅਪਣੇ ਬਿਆਨਾਂ ਵਿਚ ਕਾਂਗਰਸੀ ਆਗੂਆਂ ਉੱਤੇ ਛੇੜਛਾੜ ਦੇ ਦੋਸ਼ ਲਾਏ ਸਨ। ਪੁਲਿਸ ਅਫਸਰਾਂ ਨੇ ਕਰਾਸ ਕੇਸ ਦਰਜ ਹੋਣ ਦੀ ਪੁਸ਼ਟੀ ਕਰਦਿਆਂ ਕਿਹਾ ਕਿ ਇਸ ਕੇਸ ਵਿਚ ਸਾਬਕਾ ਵਿਧਾਇਕ ਜੀਤ ਮਹਿੰਦਰ ਸਿੰਘ ਸਿੱਧੂ ਅਤੇ ਸੁਖਬੀਰ ਸਿੰਘ ਚੱਠਾ ਨਾਮ ਲਿਖਵਾਇਆ ਜਾਣਾ ਸ਼ੱਕੀ ਹੈ ਅਤੇ ਇਸ ਦੀ ਵੱਖਰੀ ਜਾਂਚ ਕੀਤੀ ਜਾਵੇਗੀ। ਦੂਜੇ ਪਾਸੇ ਸਾਬਕਾ ਵਿਧਾਇਕ ਸਿੱਧੂ ਨੇ ਇਸ ਕੇਸ ਦੇ ਦਰਜ ਹੋਣ ਨੂੰ ਕਾਂਗਰਸੀ ਆਗੂਆਂ ਦੀ ਬੁਖਲਾਹਟ ਦੱਸ ਕੇ ਇਸ ਨੂੰ ਦਬਾਅ ਪਾਉਣ ਲਈ ਦਰਜ ਕੀਤਾ ਝੂਠਾ ਕੇਸ ਆਖਿਆ ਹੈ।

Have something to say? Post your comment
ਹੋਰ ਪੰਜਾਬ ਖ਼ਬਰਾਂ
ਕੈਪਟਨ ਸਰਕਾਰ ਦਾ ਦਾਅਵਾ: ਨਵੇਂ ਸਲਾਹਕਾਰ ਵਿਧਾਇਕਾਂ ਦੀ ਫੌਜ ਸਰਕਾਰੀ ਸਹੂਲਤਾਂ ਦੇ ਬਿਨਾਂ ਹੀ ਕੰਮ ਕਰੇਗੀ
ਬਜ਼ੁਰਗ ਔਰਤ ਨੇ ਭੇਤਭਰੀ ਹਾਲਤ 'ਚ ਖੁਦਕੁਸ਼ੀ ਕਰ ਲਈ
ਅਕਾਲੀ ਦਲ ਵੱਲੋਂ ਹਰਿਆਣਾ ਅਸੈਂਬਲੀ ਚੋਣਾਂ ਲੜਨ ਦਾ ਐਲਾਨ
ਗੁਰੂ ਕਾਸ਼ੀ ਕੈਂਪਸ ਵਿੱਚ ਫੈਕਲਟੀ ਫੁੱਲ, ਵਿਦਿਆਰਥੀ ਹੈ ਨਹੀਂ
ਸੈਸ਼ਨ ਜੱਜ ਨੇ ਕਿਹਾ: ਵਿਧਾਇਕ ਬਣ ਗਏ ਤਾਂ ਬਦਸਲੂਕੀ ਦਾ ਲਾਇਸੈਂਸ ਨਹੀਂ ਮਿਲ ਜਾਂਦਾ
ਦੇਖਭਾਲ ਨਾ ਕਰਨ ਕਰ ਕੇ ਦੋਵਾਂ ਧੀਆਂ ਨੂੰ ਮਾਂ ਤੋਂ ਲਈ ਜਾਇਦਾਦ ਗਵਾਉਣੀ ਪਈ
ਤਰਨ ਤਾਰਨ ਧਮਾਕਾ ਕੇਸ: ਮੁੱਖ ਮਕਸਦ ਆਮ ਲੋਕਾਂ ਵਿੱਚ ਦਹਿਸ਼ਤ ਪੈਦਾ ਕਰਨਾ ਸੀ
550ਵੇਂ ਪ੍ਰਕਾਸ਼ ਪੁਰਬ ਮੌਕੇ ਸ਼ੁਰੂ ਹੋਵੇਗੀ ਅੰਮ੍ਰਿਤਸਰ-ਪਟਨਾ ਸਾਹਿਬ ਲਈ ਉਡਾਣ
ਕੈਨੇਡੀਅਨ ਕੁੜੀ ਜੱਸੀ ਦੇ ਕਤਲ ਕੇਸ ਵਿੱਚ ਮਾਂ ਤੇ ਮਾਮੇ ਖਿਲਾਫ ਦੋਸ਼ ਲਾਗੂ
ਨਾਜਾਇਜ਼ ਮਾਈਨਿੰਗ ਦਾ ਧੰਦਾ ਬੇਨਕਾਬ, ਛੇ ਜਣੇ ਫੜੇ ਗਏ