ਨਵੀਂ ਦਿੱਲੀ, 20 ਮਈ (ਪੋਸਟ ਬਿਊਰੋ)- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਉਤਰਾਖੰਡ ਦੇ ਕੇਦਾਰਨਾਥ ਵਿੱਚ ਜਿਸ ਗੁਫਾ ਵਿੱਚ ਧਿਆਨ ਲਗਾਇਆ ਸੀ, ਉਹ ਆਧੁਨਿਕ ਸਹੂਲਤਾਂ ਨਾਲ ਲੈਸ ਹੈ। ਇਸ ਨੂੰ ਪ੍ਰਤੀਦਿਨ 990 ਰੁਪਏ ਵਿੱਚ ਬੁਕ ਕਰਾਇਆ ਜਾ ਸਕਦਾ ਹੈ ਅਤੇ ਲੋਕ ਬੁਕਿੰਗ ਕਰਵਾਉਣ ਲੱਗ ਪਏ ਹਨ।
ਇੱਕ ਰਿਪੋਰਟ ਮੁਤਾਬਕ ਪਿਛਲੇ ਸਾਲ ਕੇਦਾਰਨਾਥ ਵਿੱਚ ਬਣੀ ਪ੍ਰਬੰਧਾਂ ਵਾਲੀ ਗੁਫਾ ਪ੍ਰਫੁੱਲਤ ਕਰਨ ਦੀ ਰਣਨੀਤੀ ਤਹਿਤ ਕੁਝ ਪ੍ਰਬੰਧਾਂ ਨੂੰ ਘਟਾ ਦਿੱਤਾ ਸੀ। ਜੀ ਐੱਮ ਵੀ ਐੱਨ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਮੋਦੀ ਦੇ ਸੁਝਾਅ ਦੇਣ ਤੋਂ ਬਾਅਦ ਗੁਫਾ ਬਣਾਈ ਗਈ ਸੀ ਅਤੇ ਇਹ ਕੇਦਾਰਨਾਥ ਮੰਦਰ ਦੇ ਲਗਭਗ ਇੱਕ ਕਿਲੋਮੀਟਰ ਉਪਰ ਹੈ। ਇਸ ਗੁਫਾ ਨੂੰ ਪੱਥਰਕੱਟ ਕੇ ਬਣਾਇਆ ਗਿਆ ਹੈ। ਮੋਦੀ ਜਦੋਂ ਧਿਆਨ ਲਾ ਰਹੇ ਸਨ ਤਾਂ ਉਸ ਸਮੇਂ ਗੁਫਾ ਦੇ ਬਾਹਰ ਐੱਸ ਪੀ ਜੀ ਸੁਰੱਖਿਆ ਦਿੱਤੀ ਗਈ ਸੀ। ਪਹਿਲਾਂ ਇਸ ਗੁਫਾ ਦਾ ਕਿਰਾਇਆ 3000 ਰੁਪਏ ਸੀ। ਜਦੋਂ ਇਸ ਦੀ ਕੋਈ ਮੰਗ ਹੀ ਨਹੀਂ ਹੋਈ ਤਾਂ ਇਸ ਦਾ ਕਿਰਾਇਆ ਘਟਾ ਕੇ 990 ਰੁਪਏ ਪ੍ਰਤੀਦਿਨ ਕਰ ਦਿੱਤਾ ਗਿਆ।ਜੀ ਐੱਮ ਵੀ ਐੱਨ ਦੇ ਜਨਰਲ ਮੈਨੇਜਰ ਬੀ ਐੱਲ ਰਾਣਾ ਨੇ ਕਿਹਾ ਕਿ ਪਿਛਲੇ ਸਾਲ ਜਦੋਂ ਗੁਫਾ ਨੂੰ ਬੁਕਿੰਗ ਲਈ ਖੋਲ੍ਹਿਆ ਗਿਆ ਸੀ ਤਾਂ ਕੋਈ ਲੋਕ ਨਹੀਂ ਆਏ। ਪਹਿਲਾਂ ਇਸ ਨੂੰ ਤਿੰਨ ਦਿਨਾਂ ਲਈ ਵੀ ਬੁਕ ਕੀਤਾ ਜਾ ਸਕਦਾ ਸੀ, ਪਰ ਫਿਰ ਇਸ ਨੂੰ ਬਦਲ ਕੇ ਇੱਕ ਦਿਨ ਦੀ ਬੁਕਿੰਗ ਹੀ ਕੀਤੀ ਗਈ। ਇਥੇ ਬਿਜਲੀ ਪਾਣੀ ਅਤੇ ਗੁਸਲਖਾਨਾ ਵੀ ਹੈ।