ਫਿਲਮ ‘ਜਬਰੀਆ ਜੋੜੀ’ ਅਤੇ ‘ਮਰਜਾਵਾਂ’ ਵਿੱਚ ਨਜ਼ਰ ਆ ਚੁੱਕਾ ਸਿਧਾਰਥ ਮਲਹੋਤਰਾ ਇੰਡਸਟਰੀ ਵਿੱਚ ਸਭ ਤੋਂ ਚੰਗੀ ਬਾਡੀ ਵਾਲੇ ਹੀਰੋਜ਼ 'ਚੋਂ ਇੱਕ ਹੈ। ਜਾਹਰ ਹੈ ਕਿ ਉਹ ਆਪਣੀ ਫਿਟਨੈੱਸ ਬਾਰੇ ਬਹੁਤ ਚੇਤੰਨ ਰਹਿੰਦਾ ਹੈ। ਉਸ ਨੇ ਦੱਸਿਆ, ‘‘ਮੈਂ ਆਪਣੀ ਫਿਜ਼ੀਕ 'ਚ ਕਈ ਬਦਲਾਅ ਕੀਤੇ ਹਨ ਕਿਉਂਕਿ ਪਹਿਲੀ ਫਿਲਮ ਤੋਂ ਬਾਅਦ ਵੀ ਮੈ ਆਪਣੀ ਬਾਡੀ 'ਤੇ ਬਹੁਤ ਧਿਆਨ ਦਿੱਤਾ ਹੈ। ਖੁਦ ਨੂੰ ਫਿਟ ਰੱਖਣ ਲਈ ਰੋਜ਼ ਸਖਤ ਮਿਹਨਤ ਕਰਦਾ ਤੇ ਜਿਮ ਵਿੱਚ ਕਈ ਘੰਟੇ ਗੁਜ਼ਾਰਦਾ ਹਾਂ। ਵਰਕ ਆਊਟ ਲਈ ਹੈਮਰ ਟ੍ਰੇਨਿੰਗ ਕਰਦਾ ਹਾਂ, ਜੋ ਐਡਵਾਂਸ ਵਰਕਾਊਟ ਦਾ ਹਿੱਸਾ ਹੈ। ਇਸ ਦੀ ਮਦਦ ਨਾਲ ਤੁਹਾਡੀਆਂ ਬਾਹਾਂ, ਮੋਢਿਆਂ ਅਤੇ ਹੋਰ ਮਸਲਜ਼ ਨੂੰ ਮਜ਼ਬੂਤੀ ਮਿਲਦੀ ਹੈ, ਨਾਲ ਇਹ ਐਕਸਰਸਾਈਜ਼ ਤੁਹਾਡੇ ਲੱਕ ਦੇ ਮਸਲਜ਼ ਨੰ ਵੀ ਪ੍ਰਭਾਵਤ ਕਰਦੀ ਹੈ।”
ਸਿਧਾਰਥ ਮਲਹੋਤਰਾ ਨੇ ਦੱਸਿਆ, ‘‘ਮੈਂ ਰੋਪ ਕਲਾਈਂਬਿੰਗ ਵੀ ਕਰਦਾ ਹਾਂ, ਜਿਸ ਨਾਲ ਸਰੀਰ ਦੇ ਉਪਰੀ ਹਿੱਸੇ ਨੂੰ ਮਜ਼ਬੂਤ ਕਰਨ ਵਿੱਚ ਮਦਦ ਮਿਲਦੀ ਹੈ, ਨਾਲ ਹੀ ਤੁਹਾਡਾ ਸਰੀਰਕ ਸੰਤੁਲਨ ਵੀ ਵਧਦਾ ਹੈ। ਇਸ ਦੀ ਮਦਦ ਨਾਲ ਹੱਥ ਤੇ ਮੋਢੇ ਦੋਵੇਂ ਮਜ਼ਬੂਤ ਹੁੰਦੇ ਹਨ।”