ਤਾਪਸੀ ਪੰਨੂ ਅਤੇ ਭੂਮੀ ਪੇਡਨੇਕਰ ਇਨ੍ਹੀਂ ਦਿਨੀਂ ਅਨੁਰਾਗ ਕਸ਼ਯਪ ਦੀ ਆਉਣ ਵਾਲੀ ਫਿਲਮ ‘ਸਾਂਡ ਕੀ ਆਂਖ’ ਦੀ ਸ਼ੂਟਿੰਗ ਵਿੱਚ ਬਿਜ਼ੀ ਹਨ। ਫਿਲਮ ਵਿੱਚ ਦੋਵੇਂ ਸ਼ੂਟਰ ਦਾਦੀ ਚੰਦਰੋ ਅਤੇ ਪ੍ਰਕਾਸ਼ੀ ਤੋਮਰ ਦਾ ਕਿਰਦਾਰ ਨਿਭਾ ਰਹੀਆਂ ਹਨ ਅਤੇ ਕਹਾਣੀ ਦੋਵਾਂ ਦੇ ਆਲੇ ਦੁਆਲੇ ਲਿਖੀ ਗਈ ਹੈ। ਮੇਕਰਸ ਨੇ ਬੀਤੇ ਦਿਨ ਫਿਲਮ ਨਾਲ ਦੋਵਾਂ ਦਾ ਫਸਟ ਲੁਕ ਪੋਸਟਰ ਸ਼ੇਅਰ ਕੀਤਾ ਹੈ। ਤਾਪਸੀ ਨੇ ਆਪਣੇ ਟਵਿੱਟਰ ਅਕਾਊਂਟ 'ਤੇ ਫਿਲਮ ਦਾ ਫਸਟ ਲੁਕ ਪੋਸਟਰ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ, ‘‘ਇਸ ਦੀਵਾਲੀ ਪਟਾਕੇ ਨਹੀਂ, ਗੋਲੀਆਂ ਚੱਲਣਗੀਆਂ।”
ਤੁਸ਼ਾਰ ਹੀਰਾਨੰਦਾਨੀ ਨਿਰਦੇਸ਼ਨ ਦੀ ਇਸ ਫਿਲਮ ਨੂੰ ਅਨੁਰਾਗ ਨੇ ਪ੍ਰੋਡਿਊਸ ਕੀਤਾ ਹੈ। ਇਹ ਇਸ ਸਾਲ ਆ ਰਹੀ ਦੀਵਾਲੀ 'ਤੇ ਰਿਲੀਜ਼ ਹੋਵੇਗੀ। ਵਰਨਣ ਯੋਗ ਹੈ ਕਿ ਇਸ ਤੋਂ ਪਹਿਲਾਂ ਫਿਲਮ ਦਾ ਨਾਂਅ ‘ਵੂਮਨੀਆ’ ਰੱਖਿਆ ਗਿਆ ਸੀ, ਪ੍ਰੰਤੂ ਬਾਅਦ ਵਿੱਚ ਇਸ ਨੂੰ ਬਦਲ ਕੇ ‘ਸਾਂਡ ਕੀ ਆਂਖ’ ਰੱਖ ਦਿੱਤਾ ਗਿਆ। ਫਿਲਮ ਦੇ ਪੋਸਟਰ ਵਿੱਚ ਤਾਪਸੀ ਅਤੇ ਭੂਮੀ ਦਾ ਬਜ਼ੁਰਗ ਲੁਕ ਦਿਖਾਇਆ ਗਿਆ ਹੈ। ਪੋਸਟਰ 'ਤੇ ਲਿਖਿਆ ਹੈ, ਤਨ ਬੁੱਢਾ ਹੁੰਦਾ ਹੈ ਮਨ ਨਹੀਂ।