ਪਿਛਲੇ ਦਿਨੀਂ ਸਲਮਾਨ ਖਾਨ ਨੇ ‘ਨੋਟਬੁਕ’ ਵਿੱਚ ਨਵੇਂ ਚਿਹਰਿਆਂ ਪ੍ਰਨੂਤਨ ਬਹਿਲ (ਮੋਹਨੀਸ਼ ਬਹਿਲ ਦੀ ਬੇਟੀ) ਅਤੇ ਜ਼ਹੀਰ ਇਕਬਾਲ ਨੂੰ ਗਲੈਮਰ ਵਰਲਡ ਵਿੱਚ ਉਤਾਰਿਆ ਹੈ। ‘ਨੋਟਬੁਕ’ ਇੱਕ ਰੋਮਾਂਟਿਕ ਅਤੇ ਇਮੋਸ਼ਨਲ ਸਟੋਰੀ ਹੈ, ਜਿਸ ਵਿੱਚ ਪੜ੍ਹਾਈ ਦਾ ਸੰਦੇਸ਼ ਵੀ ਦਿੱਤਾ ਗਿਆ ਹੈ। ਐਕਟਰ ਅਤੇ ਫਿਲਮ ਪ੍ਰੋਡਿਊਸਰ ਵਜੋਂ ਉਸ ਦਾ ਕਹਿਣਾ ਹੈ ਕਿ ਮੈਂ ਦੋਵਾਂ ਭੂਮਿਕਾਵਾਂ ਨੂੰ ਇੰਜੁਆਏ ਕਰਦਾ ਹਾਂ। ਨਿਰਮਾਤਾ ਦੇ ਤੌਰ 'ਤੇ ਵੱਧ ਮਿਹਨਤ ਕਰਨੀ ਪੈਂਦੀ ਹੈ। ਪ੍ਰੋਡਕਸ਼ਨ ਅਤੇ ਪੈਸੇ ਦਾ ਕੰਮ ਤਾਂ ਪੂਰੀ ਟੀਮ ਦੇਖ ਲੈਂਦੀ ਹੈ, ਪਰ ਸਕ੍ਰਿਪਟਿੰਗ ਅਤੇ ਮਿਊਜ਼ਿਕ ਸਮੇਤ ਦੂਸਰੇ ਡਿਪਾਰਟਮੈਂਟ ਵਿੱਚ ਬਹੁਤ ਮਿਹਨਤ ਲੱਗਦੀ ਹੈ। ਜਦ ਤੁਸੀਂ ਖੁਦ ਐਕਟਿੰਗ ਕਰੋ ਤਾਂ ਅਜਿਹੇ ਵਿੱਚ ਨਿਰਮਾਤਾ ਵਜੋਂ ਇਹ ਸਭ ਡਿਪਾਰਟਮੈਂਟ ਦੇਖਣਾ ਬਹੁਤ ਮੁਸ਼ਕਲ ਹੋ ਜਾਂਦਾ ਹੈ। ਬਹੁਤ ਐਨਰਜੀ ਲੱਗਦੀ ਹੈ।
ਵੈਬ ਸੀਰੀਜ਼ ਨਾਲ ਜੁੜਨ ਬਾਰੇ ਸਲਮਾਨ ਨੇ ਕਿਹਾ: ‘ਮੈਨੂੰ ਵੈੱਬ ਸੀਰੀਜ਼ ਵਾਹਿਆਤ ਲੱਗਦੇ ਹਨ। ਮੈਨੂੰ ਡਿਜੀਟਲ ਪਲੇਟਫਾਰਮ ਉਤੇ ਕਾਫੀ ਆਫਰ ਆ ਚੁੱਕੇ ਹਨ, ਪਰ ਮੈਂ ਨਹੀਂ ਕਰ ਸਕਦਾ। ਬਹੁਤ ਤਹਿਜ਼ੀਬ ਅਤੇ ਤਮੀਜ਼ ਵਾਲਾ ਰੋਮਾਂਸ ਮੈਨੂੰ ਪਸੰਦ ਹੈ, ਜਿਹੋ ਜਿਹਾ ‘ਹਮ ਆਪ ਕੇ ਹੈਂ ਕੌਨ’ ਵਿੱਚ ਸੀ।
ਕਸ਼ਮੀਰ ਵਿੱਚ ਐਜੂਕੇਸ਼ਨ ਬਾਰੇ ਉਸ ਦਾ ਕਹਿਣਾ ਹੈ, ‘ਕਸ਼ਮੀਰ ਵਿੱਚ ਐਜੂਕੇਸ਼ਨ ਬੇਹੱਦ ਜ਼ਰੂਰੀ ਹੈ। ਫਿਲਮ ਦਾ ਪਲਾਟ ਵੀ ਅਜਿਹਾ ਹੀ ਹੈ ਕਿ ਕਿਵੇਂ ਬੱਚਿਆਂ ਨੂੰ ਬੰਦੂਕ ਚੁੱਕਣ ਲਈ ਮਜਬੂਰ ਕੀਤਾ ਜਾਂਦਾ ਹੈ। ਐਜੂਕੇਸ਼ਨ ਬਹੁਤ ਜ਼ਰੂਰੀ ਹੈ, ਪਰ ਉਸ ਤੋਂ ਵੀ ਵੱਧ ਇਹ ਜਾਨਣਾ ਜ਼ਰੂਰੀ ਹੈ ਕਿ ਅਸੀਂ ਕਿੱਦਾਂ ਦੀ ਸਿਖਿਆ ਆਪਣੇ ਬੱਚਿਆਂ ਨੂੰ ਦੇ ਰਹੇ ਹਾਂ। ਗੌਰ ਕਰੀਏ ਤਾਂ ਟੈਰੇਰਿਸਟ ਨੂੰ ਵੀ ਐਜੂਕੇਸ਼ਨ ਦਿੱਤੀ ਗਈ ਸੀ, ਪਰ ਉਸ ਨੂੰ ਗਲਤ ਕਿਸਮ ਦੀ ਸਿਖਿਆ ਦਿੱਤੀ ਗਈ ਸੀ। ਇਹ ਬੇਹੱਦ ਜ਼ਰੂਰੀ ਹੈ ਕਿ ਜ਼ਿੰਦਗੀ ਵਿੱਚ ਸਹੀ ਤਰ੍ਹਾਂ ਦੇ ਟੀਚਰ ਮਿਲਣ ਅਤੇ ਸਹੀ ਤਰ੍ਹਾਂ ਦਾ ਗਿਆਨ ਮਿਲੇ। ਮੇਰਾ ਦਿਲ ਉਨ੍ਹਾਂ ਲੋਕਾਂ ਦੇ ਨਾਲ ਹੈ, ਜਿਨ੍ਹਾਂ ਨੇ ਅਟੈਕ ਦੇ ਦੌਰਾਨ ਆਪਣੀ ਜਾਨ ਗਵਾਈ।