* ਸ਼ਹਿਰ ਦੀ ਸੜਕ ਜਾਮ ਕਰ ਦਿੱਤੀ ਗਈ
ਲਾਹੌਰ, 18 ਅਪਰੈਲ, (ਪੋਸਟ ਬਿਊਰੋ)- ਪਾਕਿਸਤਾਨ ਦੇ ਪੰਜਾਬ ਰਾਜ ਵਿੱਚ ਇਕ ਹੋਰ ਮੁਸਲਿਮ ਵਿਅਕਤੀ ਵਲੋਂ ਇਕ ਹਿੰਦੂ ਲੜਕੀ ਨੂੰ ਅਗਵਾ ਕਰ ਲਏ ਜਾਣ ਪਿੱਛੋਂ ਘੱਟ ਗਿਣਤੀ ਭਾਈਚਾਰੇ ਵਿੱਚ ਨਾਰਾਜ਼ਗੀ ਫੈਲ ਗਈ ਹੈ। ਇਸ ਲੜਕੀ ਦੀ ਸੁਰੱਖਿਅਤ ਰਿਹਾਈ ਲਈ ਦਬਾਅ ਬਣਾਉਣ ਵਾਸਤੇ ਹਿੰਦੂ ਭਾਈਚਾਰੇ ਦੇ ਲੋਕ ਅੱਜ ਵੀਰਵਾਰ ਧਰਨੇ ਉੱਤੇ ਬੈਠ ਗਏ ਅਤੇ ਸ਼ਹਿਰ ਰਹੀਮ ਯਾਰ ਖਾਨ ਦੀ ਮੁੱਖ ਸੜਕ ਨੂੰ ਵੀ ਰੋਕ ਦਿੱਤਾ ਗਿਆ।
ਅੱਜ ਵੀਰਵਾਰ ਨੂੰ ਬੈਨਰ ਅਤੇ ਤਖਤੀਆਂ ਹੱਥਾਂ ਵਿੱਚ ਫੜ ਕੇ ਹਿੰਦੂ ਭਾਈਚਾਰੇ ਦੇ ਲੋਕ ਲਾਹੌਰ ਤੋਂ ਕਰੀਬ 400 ਕਿਲੋਮੀਟਰ ਦੂਰ ਰਹੀਮ ਯਾਰ ਖਾਨ ਜ਼ਿਲੇ ਵਿੱਚ ਧਰਨੇ ਉੱਤੇ ਬੈਠ ਗਏ ਅਤੇ ਉਨ੍ਹਾਂ ਨੇ 17 ਸਾਲਾ ਲੜਕੀ ਨੂੰ ਛੁਡਾਉਣ ਦੀ ਮੰਗ ਕਰਦੇ ਹੋਏ ਜ਼ਬਰੀ ਧਰਮ ਪਰਿਵਰਤਨ ਦੇ ਖਿਲਾਫ ਨਾਅਰੇਬਾਜ਼ੀ ਕੀਤੀ। ਦਰਜ ਕੀਤੇ ਗਏ ਕੇਸ ਮੁਤਾਬਕ ਤਾਹਿਰ ਤਾਮਰੀ ਨੇ ਆਪਣੇ ਪਿਤਾ ਤੇ ਭਰਾ ਦੀ ਮਦਦ ਨਾਲ ਪਿਛਲੇ ਮਹੀਨੇ ਨੈਨਾ ਨਾਂਅ ਦੀ ਹਿੰਦੂ ਕੁੜੀ ਨੂੰ ਅਗਵਾ ਕਰ ਲਿਆਤੇ ਕਰਾਚੀ ਲੈ ਗਏ ਸਨ। ਓਥੇ ਜਾ ਕੇ ਉਸ ਨਾਲ ਵਿਆਹ ਕਰਕੇ ਉਸ ਨੂੰ ਇਸਲਾਮ ਕਬੂਲ ਕਰਨ ਨੂੰ ਮਜਬੂਰ ਕੀਤਾ ਗਿਆ ਤੇ ਉਸ ਦਾ ਨਾਂ ਬਦਲ ਕੇ ਨੂਰ ਫਾਤਿਮਾ ਰੱਖ ਦਿੱਤਾ ਗਿਆ। ਦੋਸ਼ੀ ਲੋਕਾਂ ਨੇ ਉਸ ਦੇ ਵਿਆਹ ਤੇ ਇਸਲਾਮ ਅਪਣਾਉਣ ਦੇ ਬਾਰੇਸੋਸ਼ਲ ਮੀਡੀਆ ਉੱਤੇ ਵੀ ਅਪਲੋਡ ਕਰ ਦਿੱਤਾ ਸੀ।
ਇਸ ਘਟਨਾ ਅਤੇ ਇਹੋ ਜਿਹੀਆਂ ਹੋਰ ਘਟਨਾਵਾਂ ਦੇ ਵਿਰੁੱਧ ਹਿੰਦੂ ਭਾਈਚਾਰੇ ਦੇ ਲੋਕ ਵੀਰਵਾਰ ਲਗਾਤਾਰ ਦੂਜੇ ਦਿਨ ਸੜਕਾਂ ਉੱਤੇ ਉਤਰੇ ਅਤੇ ਨੈਨਾ ਦੀ ਕਿਡਨੈਪਿੰਗ ਅਤੇ ਜ਼ਬਰੀ ਧਰਮ ਪਰਿਵਰਤਨ ਦੇ ਖਿਲਾਫ ਰੋਸ ਜ਼ਾਹਿਰ ਕੀਤਾ। ਇਸ ਰੋਸ ਪ੍ਰਦਰਸ਼ਨ ਦੌਰਾਨ ਲੜਕੀ ਦੇ ਪਿਤਾ ਰਘੂ ਰਾਮ ਨੇ ਧਮਕੀ ਦਿੱਤੀ ਕਿ ਜੇ ਉਨ੍ਹਾਂ ਨੂੰ ਇਨਸਾਫ ਨਾ ਮਿਲਿਆ ਤਾਂ ਉਹ ਖੁਦ ਨੂੰ ਅੱਗ ਲਾ ਲਵੇਗਾ। ਰਹੀਮ ਯਾਰ ਖਾਨ ਜ਼ਿਲੇ ਵਿੱਚ ਹਿੰਦੂਆਂ ਦੇ 1,50,000 ਪਰਵਾਰ ਹਨ। ਸੀਨੀਅਰ ਪੁਲਸ ਅਧਿਕਾਰੀਆਂ ਨੇ ਇਨਸਾਫ ਦਾਭਰੋਸਾ ਦਿੱਤਾ ਤਾਂ ਪ੍ਰਦਰਸ਼ਨ ਖਤਮ ਹੋਇਆ। ਰਹੀਮ ਯਾਰ ਖਾਨ ਦੇ ਪੁਲਸ ਮੁਖੀ ਉਮਰ ਫਾਰੁਕ ਸਲਮਾਨ ਦੇ ਮੁਤਾਬਕ ਲੜਕੀ ਨੂੰ ਲਿਆਉਣ ਲਈ ਪੁਲਸ ਦੀ ਇਕ ਟੀਮ ਕਰਾਚੀ ਭੇਜੀ ਗਈ ਹੈ।