ਪਟਨਾ, 14 ਮਾਰਚ (ਪੋਸਟ ਬਿਊਰੋ): ਦਰਭੰਗਾ-ਮੁਜ਼ੱਫਰਪੁਰ ਸਰਹੱਦੀ ਖੇਤਰ ਤੋਂ ਇੱਕ ਕਾਰ ਵਿੱਚੋਂ 13.27 ਕਿਲੋ ਸੋਨਾ ਜ਼ਬਤ ਕੀਤਾ ਹੈ। ਇਸ ਦੀ ਕੀਮਤ 8.65 ਕਰੋੜ ਰੁਪਏ ਹੈ। ਨਾਲ ਹੀ ਮੁਜ਼ੱਫਰਪੁਰ ਤੋਂ 2 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
ਆਪਰੇਸ਼ਨ 'ਰਾਈਜਿ਼ੰਗ ਸਨ' ਤਹਿਤ ਡੀਆਰਆਈ ਨੇ ਦੇਸ਼ ਦੇ 5 ਸ਼ਹਿਰਾਂ 'ਚੋਂ 40.08 ਕਰੋੜ ਰੁਪਏ ਦਾ 61.08 ਕਿਲੋ ਵਿਦੇਸ਼ੀ ਸੋਨਾ ਬਰਾਮਦ ਕੀਤਾ ਹੈ। ਇਸ ਤੋਂ ਇਲਾਵਾ 13 ਲੱਖ ਰੁਪਏ ਨਕਦ, 17 ਕਾਰਾਂ, 30 ਮੋਬਾਈਲ ਅਤੇ 21 ਇੰਟਰਨੈੱਟ ਡੌਂਗਲ ਵੀ ਜ਼ਬਤ ਕੀਤੇ ਗਏ ਹਨ।
ਸੋਨੇ ਦੀ ਤਸਕਰੀ ਦੇ ਮਾਮਲੇ 'ਚ ਗੁਹਾਟੀ ਤੋਂ 8, ਮੁਜ਼ੱਫਰਪੁਰ ਤੋਂ 2 ਅਤੇ ਗੋਰਖਪੁਰ ਤੋਂ 2 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਨ੍ਹਾਂ ਤਸਕਰਾਂ ਨੇ ਏਜੰਸੀ ਨੂੰ ਦੱਸਿਆ ਕਿ ਇਹ ਸੋਨਾ ਮਿਆਂਮਾਰ ਤੋਂ ਭਾਰਤ ਵਿੱਚ ਤਸਕਰੀ ਕੀਤਾ ਗਿਆ ਸੀ, ਜਿਸ ਤੋਂ ਬਾਅਦ ਇਸ ਨੂੰ ਅਸਾਮ ਦੇ ਰਾਹ ਦਿੱਲੀ ਅਤੇ ਜੈਪੁਰ ਭੇਜਿਆ ਗਿਆ ਸੀ।