ਇਨ੍ਹੀਂ ਦਿਨੀਂ ‘ਦਬੰਗ 3’ ਦੀ ਸ਼ੂਟਿੰਗ ਵਿੱਚ ਬਿਜ਼ੀ ਸਲਮਾਨ ਖਾਨ ਦੇ ਕੋਲ ਕਈ ਸਾਰੇ ਕਮਿਟਮੈਂਟਸ ਹਨ। ਤਾਜ਼ਾ ਜਾਣਕਾਰੀ ਅਨੁਸਾਰ ਸਲਮਾਨ ਨੇ ਆਪਣੇ ਅਗਲੇ ਪ੍ਰੋਜੈਕਟ ਦਾ ਟਾਈਟਲ ਰਜਿਸਟਰਡ ਕਰਵਾ ਲਿਆ ਹੈ, ਜਿਸ ਨੂੰ ਉਹ ਪ੍ਰੋਡਿਊਸ ਕਰਨ ਵਾਲੇ ਹਨ। ਇਹ ਇੱਕ ਹਾਰਰ ਫਿਲਮ ਹੈ। ਸਲਮਾਨ ਨੇ ਅੱਜ ਤੱਕ ਨਾ ਪਹਿਲਾਂ ਕਦੇ ਕੋਈ ਹਾਰਰ ਫਿਲਮ ਪ੍ਰੋਡਿਊਸ ਕੀਤੀ ਹੈ ਤੇ ਨਾ ਕਿਸੇ ਵਿੱਚ ਬਤੌਰ ਐਕਟਰ ਕੰਮ ਕੀਤਾ ਹੈ। ਇਸ ਫਿਲਮ ਦਾ ਟਾਈਟਲ ‘ਆਦਮਖੋਰ’ ਹੋਵੇਗਾ।
ਦੱਸਣਾ ਬਣਦਾ ਹੈ ਕਿ ਸਲਮਾਨ ਨੇ ਇੱਕ ਵਾਰ ਕਿਹਾ ਸੀ ਕਿ ਉਹ ਕਦੇ ਹਾਰਰ ਜਾਂ ਅਜਿਹੀ ਕੋਈ ਫਿਲਮ ਨਹੀਂ ਕਰਨਾ ਚਾਹੁੰਦੇ, ਜਿਸ ਵਿੱਚ ਸੈਕਸ ਸੀਨ ਹੋਣ। ਸੁਣਨ ਵਿੱਚ ਆਇਆ ਹੈ ਕਿ ਸਲਮਾਨ, ਆਮਿਰ ਖਾਨ ਦੀ ਫਿਲਮ ‘ਲਾਲ ਸਿੰਘ ਚੱਢਾ’ ਵਿੱਚ ਕੈਮਿਊ ਕਰਨ ਵਾਲੇ ਹਨ। ਇਹ ਇੱਕ ਛੋਟਾ, ਪਰ ਮਹੱਤਵ ਪੂਰਨ ਰੋਲ ਹੋਵੇਗਾ। ਦੋਵੇ ਲੰਬੇ ਸਮੇਂ ਤੋਂ ਸਕਰੀਨ 'ਤੇ ਇਕੱਠੇ ਨਜ਼ਰ ਨਹੀਂ ਆਏ। ਆਮਿਰ ਚਾਹੁੰਦੇ ਹਨ ਕਿ ਸਲਮਾਨ ਇਸ ਰੋਲ ਨੂੰ ਕਰਨ। ਆਮਿਰ ਇਸ ਗੱਲ ਨੂੰ ਲੈ ਕੇ ਕਨਫਰਮ ਹਨ ਕਿ ਸਲਮਾਨ ਆਫਰ ਅਕਸੈਪਟ ਕਰ ਲੈਣਗੇ।