ਪਿਛਲੇ ਸਾਲ ਫਿਲਮ ‘ਮਨਮਰਜ਼ੀਆਂ’ ਦੇ ਪ੍ਰਚਾਰ ਸਮੇਂ ਵਿੱਕੀ ਕੌਸ਼ਲ ਨੇ ਆਪਣੀ ਗਰਲ ਫਰੈਂਡ ਹਰਲੀਨ ਸੇਠੀ ਲਈ ਆਪਣਾ ਪਿਆਰ ਖੁੱਲ੍ਹ ਕੇ ਜ਼ਾਹਰ ਕੀਤਾ ਸੀ, ਪਰ ਅੱਗੋਂ ਉਨ੍ਹਾਂ ਦੋਵਾਂ ਦੇ ਅਲੱਗ ਹੋਣ ਦੀਆਂ ਖਬਰਾਂ ਆ ਰਹੀਆਂ ਹਨ। ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਉਨ੍ਹਾਂ ਦੋਵਾਂ ਨੇ ਆਪਣਾ ਵੱਖੋ-ਵੱਖਰਾ ਰਸਤਾ ਚੁਣ ਲਿਆ ਹੈ। ਸੂਤਰਾਂ ਅਨੁਸਾਰ ਅਸਲ ਵਿੱਚ ਵਿੱਕੀ ਦੀ ਆਪਣੇ ਕੋ ਸਟਾਰਸ ਨਾਲ ਨਜ਼ਦੀਕੀਆਂ ਤੋਂ ਹਰਲੀਨ ਨਾਰਾਜ਼ ਸੀ ਤੇ ਉਸ ਨੇ ਇਸੇ ਲਈ ਉਸ ਨੂੰ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟਸ ਉਤੇ ਵੀ ਬਲਾਕ ਕਰ ਦਿੱਤਾ ਸੀ। ਵਿੱਕੀ ਅਜੇ ਵੀ ਇੰਸਟਾਗ੍ਰਾਮ 'ਤੇ ਹਰਲੀਨ ਨੂੰ ਫਾਲੋ ਕਰ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਹਰਲੀਨ ਵੱਲੋਂ ਵੱਖ ਇਮੋਸ਼ਨਲ ਮੈਸੇਜਿਸ ਨੂੰ ਲਾਈਕ ਕਰਨ ਤੋਂ ਵੀ ਉਸ ਦਾ ਦਿਲ ਟੁੱਟਣ ਤੇ ਵਿੱਕੀ ਤੋਂ ਵੱਖ ਹੋਣ ਦਾ ਸੰਕੇਤ ਮਿਲ ਰਿਹਾ ਹੈ।
ਸਵਾਲ ਉਠਦਾ ਹੈ ਕਿ ਵਿੱਕੀ ਦੀ ਉਹ ਕਿਹੜੀ ਕੋ-ਸਟਾਰ ਹੈ, ਜੋ ਵਿੱਕੀ ਤੇ ਹਰਲੀਨ ਦੀ ਜੋੜੀ ਟੁੱਟਣ ਲਈ ਸਭ ਤੋਂ ਵੱਧ ਜ਼ਿੰਮੇਵਾਰ ਹੈ। ਕੁਝ ਸੂਤਰਾਂ ਦਾ ਦਾਅਵਾ ਹੈ ਕਿ ਇਸ ਲਈ ਭੂਮੀ ਪੇਡਨੇਕਰ 'ਚ ਵਿੱਕੀ ਦੀ ਵਧਦੀ ਦਿਲਚਸਪੀ ਹੈ, ਜਦੋਂ ਕਿ ਕੁਝ ਹੋਰ ਦਾ ਕਹਿਣਾ ਹੈ ਕਿ ਇਸ ਲਈ ਕੈਟਰੀਨਾ ਕੈਫ ਨਾਲਉਸ ਦੀਆਂ ਵਧੀ ਨੇੜਤਾ ਹੈ। ਅਜਿਹੇ ਕਿਆਸ ਲਾਏ ਜਾ ਰਹੇ ਹਨ ਕਿ ਇਨ੍ਹੀਂ ਦਿਨੀਂ ਵਿੱਕੀ ਅਤੇ ਕੈਟਰੀਨਾ ਆਪਸ ਵਿੱਚ ਚੰਗੇ ਦੋਸਤ ਬਣ ਚੁੱਕੇ ਹਨ। ਸੂਤਰਾਂ ਮੁਤਾਬਕ ਉਹ ਦੋਵੇਂ ਇਨ੍ਹੀਂ ਦਿਨੀਂ ਕਾਫੀ ਚੈਟਿੰਗ ਕਰ ਰਹੇ ਹਨ। ਇਹੀ ਨਹੀਂ, ਪੂਰਾ ਦਿਨ ਦੋਵੇਂ ਇੱਕ ਦੂਜੇ ਨਾਲ ਗੱਲਾਂ ਕਰਦੇ ਹਨ। ਵਰਨ ਯੋਗ ਹੈ ਕਿ ਟੀ ਵੀ ਸ਼ੋਅਜ਼ 'ਚ ਦੋਵੇਂ ਹੱਸ ਹੱਸ ਕੇ ਇੱਕ ਦੂਜੇ ਨੂੰ ਪਸੰਦ ਕਰਨ ਦੀ ਗੱਲ ਵੀ ਮੰਨ ਚੁੱਕੇ ਹਨ। ਕੈਟ ਜਾਂ ਭੂਮੀ ਜੋ ਵੀ ਵਜ੍ਹਾ ਹੋਵੇ, ਕੋ-ਸਟਾਰਸ ਨਾਲ ਵਿੱਕੀ ਦੀ ਨਵੀਂ ਨਵੀਂ ਦੋਸਤੀ ਹਰਲੀਨ ਦੇ ਗਲੇ ਨਹੀਂ ਉਤਰ ਸਕੀ।