ਲਖਨਊ, 18 ਮਾਰਚ, (ਪੋਸਟ ਬਿਊਰੋ)- ਆਪਣੇ ਪੁਰਖਿਆਂ ਦੀ ਧਰਤੀ ਪ੍ਰਯਾਗਰਾਜ ਤੋਂਇੱਕ ਸਟੀਮਰ ਦੇ ਕਾਫ਼ਿਲੇ ਨਾਲ ਵਾਰਾਨਸੀ ਦੀ ਗੰਗਾ ਯਾਤਰਾ ਉੱਤੇ ਚੱਲੀ ਪ੍ਰਿਅੰਕਾ ਗਾਂਧੀ ਵਾਡਰਾ ਨੇ ਇਸ ਸਫ਼ਰ ਦੇ ਦੂਸਰੇ ਪੜਾਅ ਸਿਰਸਾ ਘਾਟ ਉੱਤੇ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੂੰ ਸਮੱਰਥਨ ਦੇਣ ਦੀ ਅਪੀਲ ਕੀਤੀ ਹੈ। ਕਾਂਗਰਸ ਜਨਰਲ ਸਕੱਤਰ ਤੇ ਪੂਰਬੀ ਉੱਤਰ ਪ੍ਰਦੇਸ਼ ਦੇ ਇੰਚਾਰਜ ਪ੍ਰਿਅੰਕਾ ਗਾਂਧੀ ਨੇ ਸਿਰਸਾ ਘਾਟ ਉੱਤੇ ਆਪਣੀ ਕਰੂਜ਼ ਬੋਟ ਛੱਡ ਕੇ ਆਗਸਟ ਹਾਊਸਦੇ ਲੋਕਾਂ ਨੂੰ ਸੰਬੋਧਨ ਵੀ ਕੀਤਾ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਉੱਤੇ ਤਿੱਖੀ ਚੋਟ ਕੀਤੀ।
ਇਸ ਮੌਕੇ ਪ੍ਰਿਅੰਕਾ ਗਾਂਧੀ ਨੇ ਕਿਹਾ ਕਿ 45 ਸਾਲਾਂ ਵਿੱਚ ਇੰਨੇ ਘੱਟ ਰੋਜ਼ਗਾਰ ਨਹੀਂ ਸੀ ਹੋਏ, ਜਿੰਨੇ ਪਿਛਲੇ ਪੰਜ ਸਾਲਾਂ ਵਿੱਚ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਦੇਸ਼ ਇਸ ਸਮੇਂ ਸੰਕਟ ਵਿੱਚ ਹੈ, ਇਸ ਲਈ ਮੈਨੂੰ ਘਰ ਤੋਂ ਨਿਕਲਣਾ ਪਿਆ ਹੈ।ਲੋਕਾਂ ਨੂੰ ਪਾਰਲੀਮੈਂਟ ਚੋਣਾਂ ਲਈ ਵੋਟਾਂ ਦੀ ਅਪੀਲ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਵੋਟ ਦੇ ਕੇ ਆਪਣੇ ਦੇਸ਼ ਤੇ ਆਪਣੇ ਆਪ ਨੂੰ ਮਜ਼ਬੂਤ ਬਣਾਓ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ‘ਚੌਕੀਦਾਰ ਕੈਂਪੇਨ’ ਉੱਤੇ ਨਿਸ਼ਾਨਾ ਵਿੰਨ੍ਹਦੇ ਹੋਏ ਪ੍ਰਿਅੰਕਾ ਗਾਂਧੀ ਨੇ ਕਿਹਾ ਕਿ ਨਰਿੰਦਰ ਮੋਦੀ ਦੀ ਮਰਜ਼ੀ ਅਸੀਂ ਆਪਣੇ ਨਾਂ ਅੱਗੇ ਕਿਉਂ ਲਾਈਏ, ਮੈਨੂੰ ਤਾਂ ਇਕ ਕਿਸਾਨ ਨੇ ਕਿਹਾ ਸੀ ਕਿ ਚੌਕੀਦਾਰ ਅਮੀਰਾਂ ਦੇ ਹੁੰਦੇ ਨੇ, ਅਸੀਂ ਕਿਸਾਨ ਤਾਂ ਆਪਣੇ ਚੌਕੀਦਾਰ ਖ਼ੁਦ ਹੀਹਾਂ।
ਫਿਰ ਸਿਰਸਾ ਘਾਟ ਖੇਤਰ ਵਿੱਚ ਪ੍ਰਿਅੰਕਾ ਗਾਂਧੀ ਬੋਟ ਛੱਡ ਕੇ ਬਾਜ਼ਾਰ ਵਿੱਚ ਸ਼ਿਵਗੰਗਾ ਵਾਟਿਕਾ ਗੈਸਟਹਾਊਸ ਗਈ ਅਤੇ ਨੁੱਕੜ ਸਭਾ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਦੇਸ਼ ਸੰਕਟ ਵਿੱਚ ਹੈ ਅਤੇ ਇਹ ਚਾਰ ਪੰਜ ਛੇ ਲੋਕਾਂ ਦੇ ਹੱਥਾਂ ਵਿੱਚ ਗਿਰਵੀ ਹੈ, ਇਨ੍ਹਾਂ ਚੋਣਾਂ ਵਿੱਚ ਤੁਸੀਂ ਆਪਣੇ ਅਤੇ ਬੱਚਿਆਂ ਦੇ ਭਵਿੱਖ ਲਈ ਚੋਣ ਕਰੋ, ਕਾਂਗਰਸ ਦੀ ਸਰਕਾਰ ਨੂੰ ਯਾਦ ਕਰੋ। ਕਾਂਗਰਸ ਨੂੰ ਵੋਟ ਕਰੋ ਤੇ ਰਾਹੁਲ ਗਾਂਧੀ ਦੇ ਹੱਥ ਮਜ਼ਬੂਤ ਕਰੋ।ਸਿਰਸਾਦੇ ਗੰਗਾ ਘਾਟਤੋਂ 250 ਮੀਟਰ ਦੂਰ ਗੈਸਟ ਹਾਊਸ ਤਕ ਜਾਣ ਲਈ ਉਨ੍ਹਾਂ ਦੇ ਵਾਸਤੇ ਪ੍ਰਸ਼ਾਸਨ ਨੇ ਐਂਬੈਸਡਰ ਕਾਰ ਦਾ ਪ੍ਰਬੰਧ ਕੀਤਾ ਸੀ, ਪਰ ਪ੍ਰਿਅੰਕਾ ਗਾਂਧੀ ਨੇ ਕਾਰ ਨਹੀਂ ਲਈ ਤੇ ਗੈਸਟ ਹਾਊਸ ਨੂੰ ਪੈਦਲ ਚੱਲ ਪਈ। ਤੇਜ਼ ਧੁੱਪ, ਧੂੜ ਅਤੇ ਭੀੜ ਵਿਚਾਲੇ ਲੋਕਾਂ ਨੂੰ ਮਿਲਦੀ ਹੋਈ ਉਹ ਗੈਸਟ ਹਾਊਸ ਪਹੁੰਚੀ ਤੇ ਬਾਜ਼ਾਰਪੈਦਲ ਸੈਰ ਕਰਨ ਪਿੱਛੋਂ ਮੁੜਦੇ ਸਮੇਂ ਘਾਟ ਉੱਤੇ ਮੀਡੀਆ ਨਾਲ ਗੱਲਬਾਤ ਵਿੱਚਫਿਰ ਕਿਹਾ ਕਿ ਚੌਂਕੀਦਾਰ ਅਮੀਰਾਂ ਦਾ ਹੁੰਦਾ ਹੈ, ਗ਼ਰੀਬਾਂ ਦਾ ਨਹੀਂ।
ਇਸ ਮੌਕੇ ਪ੍ਰਿਅੰਕਾ ਗਾਂਧੀ ਨਾਲ ਸੈਂਕੜੇ ਲੋਕਾਂ ਦੀ ਭੀੜ ਤੁਰ ਪਈ। ਘਰਾਂ ਸਾਹਮਣੇ ਖੜ੍ਹੀਆਂ ਔਰਤਾਂ ਤੇ ਲੜਕੀਆਂ ਨੂੰ ਗਲੇ ਲਾਉਂਦੇ ਹੋਏ ਉਨ੍ਹਾਂ ਨਾਲ ਗੱਲਬਾਤ ਕਰ ਕੇ ਪ੍ਰਿਅੰਕਾ ਨੇ ਕਈ ਬਜ਼ੁਰਗ ਲੋਕਾਂ ਨਾਲ ਹੱਥ ਮਿਲਾਇਆ। ਇਸ ਵਾਟਰ ਹਾਈਵੇ ਨੂੰ ਮੋਦੀ ਸਰਕਾਰ ਨੇ ਮਾਲ ਢੁਆਈ ਤੇ ਸੈਰ ਸਪਾਟੇ ਨੂੰਉਤਸ਼ਾਹਿਤ ਕਰਨ ਲਈ ਵਿਕਸਿਤ ਕੀਤਾ ਸੀ, ਪਰ ਇਸ ਤੋਂ ਪਹਿਲਾਂ ਇਸ ਉੱਤੇ ਪ੍ਰਿਅੰਕਾ ਨੇ ਸਿਆਸੀ ਸਫ਼ਰ ਸ਼ੁਰੂ ਕਰ ਭਾਜਪਾ ਲਈ ਚੁਣੌਤੀ ਖੜ੍ਹੀ ਕਰ ਦਿੱਤੀ ਹੈ। ਇਹ ਪਹਿਲੀ ਵਾਰ ਸੀ ਕਿ ਕੋਈ ਆਗੂ ਇੰਨੀ ਲੰਮੀ ਜਲ ਯਾਤਰਾ ਕਰ ਰਿਹਾ ਸੀ। ਉਨ੍ਹਾਂ ਨੇ ਭਾਜਪਾ ਉੱਤੇ ਹਮਲਾ ਕਰਦੇ ਹੋਏ ਕਿਹਾ ਕਿ ਦੇਸ਼ ਦੇ ਨੌਜਵਾਨ ਤੇ ਕਿਸਾਨ ਪਰੇਸ਼ਾਨ ਹਨ। ਪ੍ਰਿਅੰਕਾ ਨੇ ਲੋਕਾਂ ਤੋਂ ਪੁੱਛਿਆ ਕਿ ਕੀ ਤੁਹਾਡੇ ਕੋਲ ਰੁਜ਼ਗਾਰ ਹੈ? ਰਾਜਨੀਤੀ ਜਨਤਾ ਲਈ ਹੋਣੀ ਚਾਹੀਦੀ ਹੈ। ਜਨਤਾ ਦੀ ਆਵਾਜ਼ ਸੁਣਨੀ ਚਾਹੀਦੀ ਹੈ, ਬੋਲਣ ਵਾਲਿਆਂ ਨੂੰ ਡਰਾਉਣਾ ਨਹੀਂ ਚਾਹੀਦਾ।