Welcome to Canadian Punjabi Post
Follow us on

23

March 2019
ਅੰਤਰਰਾਸ਼ਟਰੀ

ਜਾਪਾਨ ਮੁਕਾਬਲੇ ਭਾਰਤ ਵਿੱਚ ਲੋਕ ਖੁਦ ਨੂੰ ਜਲਦੀ ਬੁੱਢਾ ਮਹਿਸੂਸ ਕਰਨਗੇ

March 13, 2019 09:49 AM

ਵਾਸ਼ਿੰਗਟਨ, 12 ਮਾਰਚ (ਪੋਸਟ ਬਿਊਰੋ)- ਭਾਰਤ ਵਿੱਚ ਰਹਿੰਦੇ ਲੋਕਾਂ ਨੂੰ ਤੁਹਾਨੂੰ ਜਾਪਾਨ ਤੇ ਸਵਿੱਟਜ਼ਰਲੈਂਡ ਦੇ ਲੋਕਾਂ ਦੇ ਮੁਕਾਬਲੇ ਵਿੱਚ ਸ਼ੁਰੂ ਦੀ ਉਮਰ ਵਿੱਚ ਹੀ ਬੁਢਾਪੇ ਦੇ ਨਾਂਹ ਪੱਖੀ ਪ੍ਰਭਵਾਂ ਨਾਲ ਜੂਝਣਾ ਪਵੇਗਾ।
ਆਪਣੀ ਤਰ੍ਹਾਂ ਦੇ ਪਹਿਲੇ ਵਿਗਿਆਨਕ ਸਰਵੇ ਵਿੱਚ ਇਸ ਗੱਲ ਦਾ ਭੇਦ ਖੁੱਲ੍ਹਾ ਹੈ। ਦ ਲਾਂਸੈਟ ਪਬਲਿਕ ਹੈਲਥ ਵਿੱਚ ਛਪੇ ਸਰਵੇ ਮੁਤਾਬਕ 65 ਸਾਲ ਦੀ ਉਮਰ ਵਿੱਚ ਸਿਹਤ ਸਮੱਸਿਆਵਾਂ ਦਾ ਅਨੁਭਵ ਕਰਨ ਵਾਲੇ ਸਭ ਤੋਂ ਵੱਧ ਅਤੇ ਸਭ ਤੋਂ ਘੱਟ ਉਮਰ ਦੇ ਲੋਕਾਂ ਵਿੱਚ ਤੀਹ ਸਾਲ ਦਾ ਵਕਫਾ ਦੇਸ਼ਾਂ ਨੂੰ ਅਲੱਗ ਕਰਦਾ ਹੈ। ਖੋਜਕਾਰਾਂ ਨੇ ਪਾਇਆ ਕਿ ਜਾਪਾਨ ਵਿੱਚ ਰਹਿਣ ਵਾਲੇ 76 ਸਾਲਾ ਵਿਅਕਤੀਆਂ ਤੇ ਪਾਪੂਆ ਨਿਊ ਗਿਨੀ ਵਿੱਚ ਰਹਿਣ ਵਾਲੇ 46 ਸਾਲਾ ਲੋਕਾਂ ਵਿੱਚ 65 ਦੀ ਉਮਰ ਦੇ ਔਸਤ ਵਿਅਕਤੀ ਦੇ ਰੂਪ ਵਿੱਚ ਹੋਣ ਵਾਲੀਆਂ ਸਿਹਤ ਸਮੱਸਿਆਵਾਂ ਦਾ ਪੱਧਰ ਇੱਕੋ ਹੈ। ਸਰਵੇ ਵਿੱਚ ਹਾਲਾਂਕਿ ਦੱਸਿਆ ਗਿਆ ਕਿ ਚੀਨ ਅਤੇ ਭਾਰਤ ਵਰਗੇ ਦੇਸ਼ ਉਮਰ ਸੰਬੰਧੀ ਬਿਮਾਰੀ ਰੈਂਕਿੰਗ ਵਿੱਚ ਬਿਹਤਰ ਕਰ ਰਹੇ ਹਨ।
ਭਾਰਤ ਉਮਰ ਨਾਲ ਸੰਬੰਧਤ ਬੋਝ ਦਰ ਵਿੱਚ 159ਵੇਂ ਨੰਬਰ 'ਤੇ ਹੈ, ਉਮਰ ਨਾਲ ਸੰਬੰਧਤ ਬਿਮਾਰੀ ਬੋਝ ਦਰ ਵਿੱਚ ਉਸ ਦਾ ਸਥਾਨ 138ਵਾਂ ਹੈ। ਉਮਰ ਨਾਲ ਸੰਬੰਧਤ ਬਿਮਾਰੀ ਬੋਝ ਦਰ ਵਿੱਚ ਫਰਾਂਸ (76 ਸਾਲ) ਤੀਸਰੇ ਸਥਾਨ ਉੱਤੇ ਅਤੇ ਸਿੰਗਾਪੁਰ (76 ਸਾਲ) ਚੌਥੇ ਸਥਾਨ ਅਤੇ ਕੁਵੈਤ (75.3 ਸਾਲ) ਪੰਜਵੇਂ ਸਥਾਨ 'ਤੇ ਹੈ। ਉਥੇ 68.5 ਸਾਲ ਦੇ ਨਾਲ ਅਮਰੀਕਾ 54ਵੇਂ ਸਥਾਨ 'ਤੇ ਹੈ। ਅਮਰੀਕਾ ਇਸ ਸੂਚੀ ਵਿੱਚ ਈਰਾਨ (69 ਸਾਲ) ਅਤੇ ਐਂਟੀਗੁਆ ਅਤੇ ਬਾਰਬੂਡਾ (68.4 ਸਾਲ) ਦੇ ਵਿੱਚ ਹੈ। ਵਾਸ਼ਿੰਗਟਨ ਯੂਨੀਵਰਸਿਟੀ ਦੀ ਲੇਖਿਕਾ ਏਂਜੇਲਾ ਵਾਈ ਚੈਂਗ ਨੇ ਕਿਹਾ, ਨਤੀਜੇ ਬਜ਼ੁਰਗਾਂ ਵਿੱਚ ਜੀਵਨ ਲਈ ਆਸ ਨੂੰ ਦਿਖਾਉਂਦੇ ਹਨ, ਜੋ ਆਬਾਦੀ ਦੀ ਭਲਾਈ ਦੇ ਮੌਕੇ ਜਾਂ ਖਤਰਾ ਹੋ ਸਕਦੇ ਹਨ। ਇਹ ਉਮਰ ਨਾਲ ਸੰਬੰਧਤ ਸਿਹਤ ਸਮੱਸਿਆਵਾਂ ਦੇ ਆਧਾਰ 'ਤੇ ਨਿਰਭਰ ਕਰਦੇ ਹਨ। ਚੈਂਗ ਨੇ ਕਿਹਾ, ਸਿਹਤ ਪ੍ਰਣਾਲੀ ਨੂੰ ਪ੍ਰਭਾਵਤ ਕਰਨ ਵਾਲੇ ਸਰਕਾਰ ਦੇ ਨੇਤਾਵਾਂ ਅਤੇ ਹੋਰ ਹਿਤਧਾਰਕਾਂ ਨੂੰ ਇਸ 'ਤੇ ਵਿਚਾਰ ਕਰਨ ਦੀ ਜ਼ਰੂਰਤ ਹੈ ਕਿ ਲੋਕ ਕਦੋਂ ਵਧਦੀ ਉਮਰ ਦੇ ਨਕਾਰਾਤਮਕ ਪ੍ਰਭਾਵਾਂ ਨਾਲ ਜੂਝਣਾ ਸ਼ੁਰੂ ਹੁੰਦੇ ਹਨ। ਸਰਵੇ ਵਿੱਚ 1990 ਤੋਂ 2017 ਤੱਕ ਦੇ ਸਮੇਂ ਅਤੇ 195 ਦੇਸ਼ਾਂ ਅਤੇ ਖੇਤਰਾਂ ਨੂੰ ਕਵਰ ਕੀਤਾ ਗਿਆ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ