Welcome to Canadian Punjabi Post
Follow us on

15

November 2019
ਅੰਤਰਰਾਸ਼ਟਰੀ

ਈਰਾਨ ਵੱਲੋਂ ਵੀ ਪਾਕਿ ਨੂੰ ‘ਸਰਜੀਕਲ ਸਟ੍ਰਾਈਕ` ਦੀ ਚਿਤਾਵਨੀ

March 05, 2019 09:22 AM

ਬਗਦਾਦ, 4 ਮਾਰਚ (ਪੋਸਟ ਬਿਊਰੋ)- ਭਾਰਤ ਤੋਂ ਪਿੱਛੋਂ ਈਰਾਨ ਸਰਕਾਰ ਦੇ ਨੇਤਾਵਾਂ ਤੇ ਈਰਾਨੀ ਫੌਜ ਨੇ ਪਾਕਿਸਤਾਨ ਵਿੱਚੋਂ ਚੱਲਦੇ ਅੱਤਵਾਦੀ ਗਰੁੱਪਾਂ ਦੇ ਖਿਲਾਫ ਕਾਰਵਾਈ ਦੀ ਚਿਤਾਵਨੀ ਦਿੱਤੀ ਹੈ, ਕਿਉਂਕਿ ਪਾਕਿਸਤਾਨ ਇਹ ਕਰਨ ਦੇ ਸਮਰੱਥ ਨਹੀਂ ਹੈ। ਪਾਕਿਸਤਾਨ ਦੇ ਬਾਲਾਘਾਟ ਵਿੱਚ ਜੈਸ਼-ਏ-ਮੁਹੰਮਦ ਦੇ ਅੱਤਵਾਦੀ ਕੈਂਪ ਉੱਤੇ ਭਾਰਤੀ ਹਵਾਈ ਫੌਜ ਨੇ 26 ਫਰਵਰੀ ਨੂੰ ਏਅਰ ਸਟ੍ਰਾਈਕ ਕੀਤੀ ਸੀ। ਇਸ ਪਿੱਛੋਂ ਈਰਾਨ ਨੇ ਵੀ ਪਾਕਿਸਤਾਨ `ਤੇ ਦਬਾਅ ਬਣਾਉਣਾ ਸ਼ੁਰੂ ਕਰ ਦਿੱਤਾ ਹੈ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਕਈ ਵਾਰ ਕੌਮਾਂਤਰੀ ਮੰਚਾਂ `ਤੇ ਆਖ ਚੁੱਕੇ ਹਨ ਕਿ ਪਾਕਿਸਤਾਨ ਅੱਤਵਾਦੀਆਂ ਦੀ ਠਾਹਰ ਬਣਿਆ ਹੋਇਆ ਹੈ।
ਤਾਜ਼ਾ ਖਬਰਾਂ ਮੁਤਾਬਕ ਆਈ ਆਰ ਜੀ ਸੀ ਕੁਰਦ ਫੌਜ ਦੇ ਮੁਖੀ ਜਨਰਲ ਕਾਸਿਮ ਸੋਲੇਮਾਨੀ ਨੇ ਪਾਕਿਸਤਾਨ ਸਰਕਾਰ ਅਤੇ ਉਸ ਦੀ ਫੌਜੀ ਕਮਾਂਡ ਨੂੰ ਸਖ਼ਤ ਸ਼ਬਦਾਂ ਨਾਲ ਕਿਹਾ ਹੈ ਕਿ ਮੈਂ ਪਾਕਿਸਤਾਨ ਸਰਕਾਰ ਨੂੰ ਸਵਾਲ ਕਰਨਾ ਚਾਹੁੰਦਾ ਹਾਂ ਕਿ ਤੁਸੀਂ ਕਿਸ ਪਾਸੇ ਜਾ ਰਹੇ ਹੋ। ਸਾਰੇ ਗੁਆਂਢੀ ਦੇਸ਼ਾਂ ਦੀ ਸਰਹੱਦ ਉੱਤੇ ਤੁਸੀਂ ਗੜਬੜ ਫੈਲਾਈ ਹੋਈ ਹੈ। ਕੀ ਤੁਹਾਡਾ ਕੋਈ ਅਜਿਹਾ ਗੁਆਂਢੀ ਬਚਿਆ ਹੈ ਜਿਥੇ ਤੁਸੀਂ ਅਸੁਰੱਖਿਆ ਫੈਲਾਉਣਾ ਚਾਹੁੰਦੇ ਹੋ। ਤੁਹਾਡੇ ਕੋਲ ਤਾਂ ਐਟਮੀ ਬੰਬ ਹਨ, ਪਰ ਤੁਸੀਂ ਇਸ ਖੇਤਰ ਵਿਚ ਇਕ ਅੱਤਵਾਦੀ ਗਰੁੱਪ ਨੂੰ ਖਤਮ ਨਹੀਂ ਕਰ ਸਕੇ, ਜਿਸ ਦੇ ਮੈਂਬਰਾਂ ਦੀ ਗਿਣਤੀ ਸੈਂਕੜਿਆਂ ਵਿਚ ਹੈ। ਉਨ੍ਹਾਂ ਕਿਹਾ ਕਿ ਪਾਕਿਸਤਾਨ ਨੂੰ ਈਰਾਨ ਦੇ ਸਬਰ ਦੀ ਪਰਖ ਨਹੀਂ ਕਰਨੀ ਚਾਹੀਦੀ।
ਵਰਨਣ ਯੋਗ ਹੈ ਕਿ 13 ਫਰਵਰੀ ਨੂੰ ਪਾਕਿਸਤਾਨ ਨਾਲ ਲੱਗਦੀ ਈਰਾਨ ਦੇ ਸਿਸਤਾਨ ਬਲੋਚਿਸਤਾਨ ਸਰਹੱਦ `ਤੇ ਇਕ ਆਤਮਘਾਤੀ ਹਮਲੇ ਵਿਚ ਈਰਾਨ ਦੀ ਰੈਵੋਲਿਊਸ਼ਨਰੀ ਗਾਰਡ ਦੇ 27 ਜਵਾਨ ਮਾਰੇ ਗਏ ਸਨ। ਈਰਾਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਖਿਲਾਫ ਲੜਨ ਲਈ ਪਾਕਿਸਤਾਨ ਆਪਣੇ ਦੇਸ਼ ਵਿਚ ਅੱਤਵਾਦ ਨੂੰ ਪਨਾਹ ਦੇਂਦਾ ਹੈ। ਕੁਰਦ ਫੌਜ ਦੇ ਕਮਾਂਡਰ ਜਨਰਲ ਕਾਸਿਮ ਸੋਲੇਮਾਨੀ ਨੇ ਕਿਹਾ ਹੈ ਕਿ ਜੇ ਪਾਕਿਸਤਾਨ ਨੇ ਆਪਣੀ ਜ਼ਮੀਨ `ਤੇ ਪਲ ਰਹੇ ਅੱਤਵਾਦ ਨੂੰ ਖਤਮ ਨਾ ਕੀਤਾ ਤਾਂ ਉਨ੍ਹਾਂ ਨੂੰ ਗੰਭੀਰ ਸਿੱਟੇ ਭੁਗਤਣੇ ਪੈ ਸਕਦੇ ਹਨ। ਅਸਲ ਵਿੱਚ ਈਰਾਨ ਤੇ ਭਾਰਤ ਅੱਤਵਾਦ ਦੇ ਮੁੱਦੇ `ਤੇ ਇਕੋ ਕਿਸ਼ਤੀ ਵਿਚ ਸਵਾਰ ਹੈ। ਪਾਕਿਸਤਾਨ ਵਿਚ ਪਲਦੇ ਅੱਤਵਾਦੀ ਭਾਰਤ ਅਤੇ ਈਰਾਨ ਦੇ ਨਾਲ ਕਈ ਹੋਰ ਦੇਸ਼ਾਂ ਵਿਚ ਵੀ ਹਮਲੇ ਕਰ ਰਹੇ ਹਨ। ਈਰਾਨ ਅਤੇ ਭਾਰਤ ਵਿਚਾਲੇ ਬੀਤੇ ਕੁਝ ਸਮੇਂ ਵਿਚ ਸਹਿਯੋਗ ਵਧਿਆ ਹੈ। ਅਜਿਹੇ ਵਿਚ ਅੱਤਵਾਦ ਦੇ ਮੁੱਦੇ `ਤੇ ਈਰਾਨ ਭਾਰਤ ਦੇ ਨਾਲ ਖੜ੍ਹਾ ਨਜ਼ਰ ਆ ਰਿਹਾ ਹੈ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਕੁਵੈਤ ਦੀ ਸਰਕਾਰ ਵੱਲੋਂ ਦੋਸ਼ਾਂ ਦੇ ਦਬਾਅ ਹੇਠ ਅਸਤੀਫਾ
ਇਮਰਾਨ ਸਰਕਾਰ ਖਿਲਾਫ ਪ੍ਰਦਰਸ਼ਨਾਂ ਪਿੱਛੋਂ ਮੌਲਾਨਾ ਦਾ ‘ਪਲਾਨ ਬੀ` ਸ਼ੁਰੂ
ਹਰਿਆਣਾ ਵਿੱਚ 10 ਮੰਤਰੀਆਂ ਚੁੱਕੀ ਸਹੁੰ, ਚੌਟਾਲੇ ਦਾ ਛੋਟਾ ਭਰਾ ਮੰਤਰੀ ਬਣਿਆ
ਕੈਲੇਫੋਰਨੀਆ ਦੇ ਹਾਈ ਸਕੂਲ ਵਿੱਚ ਚੱਲੀਆਂ ਗੋਲੀਆਂ, 3 ਹਲਾਕ, 3 ਜ਼ਖ਼ਮੀ
ਦੂਜੇ ਵੱਡੇ ਜਵਾਰ-ਭਾਟੇ ਨਾਲ ਵੈਨਿਸ ਨੂੰ ਨੁਕਸਾਨ
ਨਿਊਜ਼ੀਲੈਂਡ ਇੰਮੀਗ੍ਰੇਸ਼ਨ ਵੱਲੋਂ ਪਾਰਟਨਰਸ਼ਿਪ ਵੀਜ਼ਾ ਸ਼੍ਰੇਣੀ ਵਿੱਚ ਨਵੇਂ ਬਦਲਾਅ
ਯੂ ਏ ਈ ਵਿੱਚ ਪਤਨੀ ਨਾਲ ਕੁੱਟਮਾਰ ਦੇ ਦੋਸ਼ ਵਿੱਚ ਭਾਰਤੀ ਪਤੀ ਗ੍ਰਿਫਤਾਰ
ਬੋਰਿਸ ਜੌਨਸਨ ਨੇ ਬ੍ਰੈਗਜ਼ਿਟ ਦੇ ਨਾਂਅ ਉੱਤੇ ਵੋਟ ਮੰਗੇ
ਮੁਸ਼ਰੱਫ ਦਾ ਵੀਡੀਓ ਵਾਇਰਲ, ਲਾਦੇਨ ਨੂੰ ਆਪਣਾ ਹੀਰੋ ਤੇ ਕਸ਼ਮੀਰੀਆਂ ਨੂੰ ਮੁਜਾਹਿਦ ਕਿਹਾ
ਜਨਗਣਨਾ ਲਈ ਸਿੱਖਾਂ ਦੀ ਵੱਖਰੀ ਗਿਣਤੀ ਬਾਰੇ ਲੰਡਨ ਅਦਾਲਤ ਦੇ ਬਾਹਰ ਰੋਸ ਪ੍ਰਦਰਸ਼ਨ